O’zbekiston mustaqil davlat deb e’lon qilinishida ushbu sessiya katta tarixiy ahamiyat kasb etishini alohida ta’kidlash joiz. Bu sessiyada “O’zbekiston Respublikasining Davlat bayrog’i to’g’risida” gi masalalar ham kun tartibiga qo’yilib, qizg’in muhokama qilindi.
O’zbekiston Respublikasining davlat mustaqilligi to’g’risida Birinchi Prezident I.A.Karimov ma’ruza qildi. U o’z nutqida 1991yil o’rtalarida Markaziy Hukumat olib borayotgan ichki siyosiy ahvol tahlil qilindi. Bunday og’ir kunlarda O’zbekistonning mustaqilligi xalq manfaatiga mos yo’l ekanligi aytib o’tildi. Shuningdek, bu ma’ruzada mustaqil davlatlar maqomiga to’xtalib; Bo’lajak mustaqil davlatlar erkin, mustaqil va teng huquqli bo’lib qolishlari, o’zlarining milliy davlat tuzish, tashqi bozorlarga chiqish, o’zi ma’qul topgan barcha mamlakatlar diplomatik va konsullik aloqalarini mustaqil hal qilishi lozim. Oliy Kengash deputatlari moddama-modda muhokamadan so’ng O’zbekiston Respublikasining Davlat mustaqilligi to’g’risidagi qonunni qabul qildilar. So’ngra, Respublika «Davlat mustaqilligi to’g’risida”gi Bayonot qabul qilindi. O’zbekiston SSR ning nomi O’zbekiston Respublikasi deb o’zagartirildi, mustaqillik belgilangan kun -1 sentyabr 1991 yildan boshlab milliy bayram va dam olish kuni deb e’lon qilindi. O’zbekiston Respublikasi mustaqilligi haqidagi bu hujjatlar o’zbek xalqining asriy orzusi ro’yobga chiqqanligining huquqiy ifodasi bo’ldi.
2-masala: O’zbekiston Respublikasi davlat ramzlari va Konstitusiyasining qabul qilinishi.
O’zbekiston o’zining davlat mustaqilligini mustahkamlashga dadillik bilan kirishdi. Birinchi bo’lib, davlat ramzlari belgilab olindi.
O’zbekiston Respublikasi Oliy Kengashining 1991-yil 18-noyabr VIII sessiyasida 13 moddadan iborat bo’lgan «O’zbekiston Respublikasining Davlat bayrog’i to’g’risida»gi Qonuni qabul qilindi. Davlat bayrog’i mamlakatimiz hududida ilgari mavjud bo’lgan g’oyat qudratli saltanatlar bayrog’iga xos bo’lgan eng yaxshi an’analarni davom ettirgan holda respublikaning tabiatiga xos bo’lgan xususiyatlarni, xalqimizning milliy va madaniy sohalardagi o’zligini ham aks ettiradi. O’zbekiston Respublikasi davlat bayrog’i yurtimizning o’tmishi, bugungi kuni va kelajagining yorqin ramzi bo’lib qoldi.
1992-yil 2-iyulda O’zbekiston Respublikasi Oliy Kengashining X sessiyasida 8 moddadan iborat bo’lgan «O’zbekiston Respublikasining Davlat gerbi to’g’risida»gi Qonun qabul qilindi. Davlat gerbidagi har bir belgi chuqur ma’noga ega. Gerb rangli tasvirda bo’lib, Humo qushi kumush rangda, quyosh, boshoqlar, paxta chanog’i va «O’zbekiston» degan yozuvlar tilla rangda, g’o’za shoxlari, barglari va vodiylar yashil rangda, tog’lar havo rangida, chanoqdagi paxta, daryolar, yarimoy va yulduz oq rangda. O’zbekiston Respublikasining Davlat bayrog’i tasvirlangan lenta to’rt xil rangda berilgan.
1992-yil 10-dekabrda O’zbekiston Respublikasi Oliy Kengashining XI sessiyasida «O’zbekiston Respublikasining Davlat madhiyasi to’g’-risida»gi (12 moddadan iborat) Qonun qabul qilindi. Davlat madhiyasining matnini O’zbekiston xalq shoiri Abdulla Oripov, musiqasi O’zbekiston xalq bastakori Mutal Burhonov tomonidan tayyorlangan.
Dostları ilə paylaş: |
