OROL FOJEASI BESHINCHI TAKLIF. Orol dengizi mintaqasini ekologik innovatsiyalar va texnologiyalar zonasi deb e’lon qilish to’g’risida BMT Bosh assambleyasining maxsus rezolyutsiyasini qabul qilish va ushbu muhim hujjat qabul qilingan kunni – “Xalqaro ekologik tizimlarni muhofaza qilish va tiklash kuni” deb e’lon qilish. 1993 yil 26 martda Orol dengizi va Orol dengizi mintaqasini muammosini hal qilish, ekologik jihatdan sog’lomlashtirish va Orol mintaqasining ijtimoiy-iqtisodiy rivojlanishini ta’minlash bo’yicha hamkorlikdagi harakatlar to’g’risida Bitim qabul qilindi va Orolni qutqarish xalqaro jamg’armasi (OQXJ) to’g’risidagi nizom imzolandi. Orol fojiasi oqibatlarini bartaraf etish bo’yicha O’zbekiston o’zining davlat dasturlarini boshlab yubordi:
O’zbekiston Respublikasi Vazirlar Mahkamasining 2015 yil 29 avgustdagi qarori bilan Orol fojiasi oqibatlarini yumshatish, Orol dengizi mintaqasini tiklash va ijtimoiy-iqtisodiy rivojlantirish bo’yicha shu jumladan, 2015-2018 yillarga mo’ljallangan umumiy qiymati 1920,8 million AQSH dollarini tashkil etuvchi 235 ta loyihani o’z ichiga olgan chora-tadbirlarning kompleks dasturi qabul qilindi
O’zbekiston Prezidentining 2017 yil 18 yanvardagi qarori bilan Orolbo’yi mintaqasini rivojlantirishning 2017-2021 yillarga mo’ljallangan Davlat dasturini tasdiqlandi. Unda turli xil moliyalashtirish manbalaridan, byudjet mablag’lari, shu jumladan, xalqaro moliya institutlari (Jahon banki, Osiyo taraqqiyot banki, Islom banki va boshqalar) maqsadli va grant mablag’lari, kreditlarni jalb qilish va o’zlashtirish hisobiga 67 ta loyihani amalga oshirish ko’zda tutilgan.
