22 sentyabr 2016-cı il №1(106)36/2016 Şirvan şəhəri
Apellyasiya məhkəməsi iclasında məhkum edilmiş şəxs Höseynov Sahib Şahlar oğlunun müdafiəçisi Əhmədova Ulduzə Mehdi qızı
Yüklə 0,98 Mb. Pdf görüntüsü
|
|
Apellyasiya məhkəməsi iclasında məhkum edilmiş şəxs Höseynov Sahib Şahlar oğlunun müdafiəçisi Əhmədova Ulduzə Mehdi qızı Lənkəran Ağır Cinayətlər Məhkəməsinin 1(0890-09/2015 nömrəli, 13 avqust 2015-ci il hökmündən məhkum edilmiş şəxs, özü və digər müdafiəçi Həsənov İmamqulu Vəliqulu oğlu tərəfindən ayrı-ayrılıqda verilmiş apellyasiya şikayətlərinin dəlillərini müdafiə etdiyini bildirdi. Apellyasiya məhkəməsi iclasında məhkum edilmiş şəxs Höseynov Sahib Şahlar oğlunun müdafiəçisi Cəfərov İlqar Ağaqulu oğlu Lənkəran Ağır Cinayətlər Məhkəməsinin 1(0890-09/2015 nömrəli, 13 avqust 2015-ci il tarixli hökmündən Höseynov Sahib Şahlar oğlu və onun müdafiəçiləri Əhmədova Ulduzə Mehdi qızı və Həsənov İmamqulu Vəliqulu oğlu tərəfindən ayrı-ayrılıqda verilmiş apellyasiya şikayətlərinin dəlillərini müdafiə etdiyini bildirdi. 37 Apellyasiya məhkəməsi iclasında məhkum edilmiş şəxs Höseynov Sahib Şahlar oğlu Lənkəran Ağır Cinayətlər Məhkəməsinin 1(0890-09/2015 nömrəli, 13 avqust 2015-ci il tarixli hökmündən özü, müdafiəçiləri Əhmədova Ulduzə Mehdi qızı və Həsənov İmamqulu Vəliqulu oğlu tərəfindən verilmiş apellyasiya şikayətlərinin dəlillərini müdafiə etdiyini bildirdi.
Apellyasiya məhkəməsi iclasında Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, kiçik ədliyyə müşaviri Əzimov Ədalət Adil oğlu məhkum edilmiş şəxs Hüseynov Sahib Şahlar oğlunun özü, müdafiəçiləri Əhmədova Ulduzə Mehdi qızı və Həsənov İmamqulu Vəliqulu oğlu tərəfindən ayrı-ayrılıqda verilmiş apellyasiya şikayətlərinin dəlillərinə etiraz etdiyini bildirdi.
Apellyasiya məhkəməsi iclasında Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, kiçik ədliyyə müşaviri Sadıqov Siyavuş Köçəri oğlu məhkum edilmiş şəxs Hüseynov Sahib Şahlar oğlunun özü, müdafiəçiləri Əhmədova Ulduzə Mehdi qızı və Həsənov İmamqulu Vəliqulu oğlu tərəfindən ayrı-ayrılıqda verilmiş apellyasiya şikayətlərinin dəlillərinə etiraz etdiyini bildirdi. Apellyasiya məhkəməsi iclasında məhkum edilmiş şəxs Hüseynov Sahib Şahlar oğlu göstərdi ki, ixtisasca iqtisadçı olmaqla Ağcabədi Pedaqoji Kollecində 2005-ci ilin sentyabr ayından müəllim işləmişdir. 8 oktyabr 2013-cü il tarixə qədər Ağcabədi Toxuculuq Kombinatının direktoru vəzifəsində çalışmaqla yanaşı, Ağcabədi Pedaqoji Kollecində müəllim-metodist işləmişdir. Kollecin direktoru vəzifəsində isə qardaşı Vaqif Hüseynov işləmişdir. 09 sentyabr 2013-cü ildə qardaşı Vaqif Hüseynovun vəfat etməsindən sonra Kollecin direktoru vəzifəsini kollecdə tədris işləri üzrə direktor müavini işləyən Yusif Şirinov icra etmişdir. O, Azərbaycan Respublikası Təhsil Nazirliyinin əmri ilə 08 oktyabr 2013-cü ildə Ağcabədi Pedaqoji Kolllecinin direktor müavini təyin olunmuş və direktor vəzifəsinin icrası ona həvalə edilmişdir. Kollecdə direktor əvəzi dörd ay işləmişdir. Kollecin direktoru vəzifəsini icra etdiyi dövrdə kollecdə 1426 tələbə təhsil almışdır. 515 tələbə qiyabi şöbədə təhsil almışdır. 58 qrup əyani, 23 qrup isə qiyabi şöbədə təhsil almışdır. O, 8 oktyabr 2014-cü ilə kimi Ağcabədi Pedaqoji Kollecində pedaqoji staja görə müəllim-metodist işləmiş, heç bir vəzifəsi olmamışdır. Onun kollecdə tələbələrə imtahanlardan qiymət yazdırmaq səlahiyyəti olmamışdır. Həmin dövrdə heç bir tələbədən pul almamış və heç bir tələbəyə imtahanlardan qiymət yazdırmamışdır. O, müəllim- metodist işlədiyi dövrdə pedaqoji kollecdə qiyabi şöbənin müdiri Elmira Cavadova olmuşdur. O, qiyabi şöbəyə rəhbərlik etməmişdir. O, 08 oktyabr 2013-cü ildə kollecin direktoru vəzifəsini icra edəndən sonra isə qış imtahan sessiyasında imtahanları qəbul etmək üçün imtahan komissiyası yaradılmışdır. İmtahanlar tələbələrdən kompüter vasitəsi ilə qəbul edilmişdir. O, tələbələrin imtahan verdikləri otağa girməmişdir. Heç bir tələbədən imtahanlardan kafi qiymət yazmağa görə pul tələb etməmiş və almamışdır. İbtidai istintaq zamanı ona pul vermələri barədə ifadə verən tələbələrlə üzləşdirilməsni tələb etmişdir. Lakin həmin tələbələr onunla üzləşdirilməmişlər. Bunlar haması ona qarşı planlı hazırlanmış məsələdir. Tələbələrdən imtahanlardan qiymət almağa görə pul almamış və bu barədə göy rəngli, üzərində “2013-2014 əyani” sözləri yazılmış jurnalda qeydiyyat aparmamışdır. Həmin jurnal ona məxsus olmamış, onun iş otağında olmamışdır.
38 Jurnalda tələbələrin adları qarşısında pul məbləğləri barədə aparılmış qeydlər onun xətti deyildir. Hətta həmin jurnalda tələbələirin adları qarşısında rəqəm və qeydlərin nə demək olduğunu bilmir. Gələcək smestr imtahanlarına görə tələbələrdən pul istəməmişdir. Kollecdə ibtidai sinif müəllimliyi ixtisası üzrə dördüncü kurs tələbəsi Məmmədbağırova Cahan Nadir qızı 2013-2014-cü tədris ilində bir müddət ona işlərində katibə kimi kömək etmişdir. Onun imtahanlardan kəsiri olmuşdur. O, Cahan Məmmədbağırovadan imtahan qiymətlərini yazmaq üçün pul tələb etməmiş və ondan pul almamışdır. Cahan Məmmədbağırova ona rüşvət verməmişdir. Cahan Məmmədbağırovanı ona qarşı öyrətmişlər. Cahan Məmmədbağırova Tamaşa Cəbrayılovaya pul verib ki, guya ona verəcəkdir. Qabyuyan qadın kimdir ki, ondan pul alsın. Cahan Məmmədbağırova 11 fevral 2014-cü il tarixdə kollecin həyətində işlə məşğul olduğu vaxt ona 450 manat pul gətirdiyini, o, isə Cahan Məmmədbağırovaya oradan gedib işi ilə məşğul olmasını demişdir. Cahan Məmmədbağırovaya 450 manat pulu Tamaşa Cəbrayılovaya verməsini deməmiş, sonra Cahan pulu aparıb Tamaşaya verib getmiş, o, həmin pulu Tamaşadan qəbul etmək niyyətində olmamış və Tamaşaya bu barədə heç bir söz deməmişdir. 11 fevral 2014-cü il tarixdə gizli çəkilmiş videogörüntüdə Tamaşa Cəbrayılovaya “evdə götürərsən”, alarsan, mən nə vaxt desəm, onda gətirərsən” sözlərini 450 manat pul barədə deməmişdir. Qan təzyiqi olduğuna görə Tamaşa Cəbrayılova ona qatıq gətirmişdir. Həmin sözləri Tamaşa Cəbrayılovaya qatıq barədə demişdir. 11 fevral 2014-cü il tarixdə kollecin həyətində olduğu vaxt Cahan Məmmədbağırovanın ona pul təklif etdiyini, lakin Cahan Məmmədbağırovaya buradan rədd
ol, get-deyərək onu qovduğunu, Cahan Məmmədbağırovanın Tumaşa Cəbrayılovanın evində kirayədə qaldığını, 450 manat pulu ona saxlamaq üçün, digər halda isə kirayə haqqı kimi verdiyini göstərmiş, Azərbaycan Respublikası Tələbə Qəbulu Üzrə Dövlət Komissiyası tərəfindən 2013-2014-cü tədris ilində Ağcabədi Pedaqoji Kollecinə qiyabi təhsil üçün tələbə qəbulu nəzərdə tutulmamışdır. Lakin tələbələrin bir hissəsi onun kollecin direktoru vəzifəsini icra etməyə başladığı 08 oktyabr 2013-cü il tarixdən əvvəl, əvvəlki direktor Vaqif Hüseynovun dövründə əyani şöbədən qiyabi şöbəyə keçirlməklə beş qrup yaradılmışdır. O, 08 oktyabr 2013-cü il tarixdə kollecin direktoru vəzifəsini icra etməyə başladıqdan sonra əvvəlki direktor Vaqif Hüseynovun dövrünə, yəni 05 avqust 2013-cü il tarixə tələbələrin əyani şöbədən qiyabi şöbəyə keçirilmələrinə dair saxta əmr hazırlatmamış və həmin əmrdə əvvəlki direktor Vaqif Hüseynovun imzasını faksimile klişe ilə vurmamışdır. Əyanidən qiyabiyə keçmə ildə iki dəfə, 05 avqustdan 25 avqusta kimi və 05 fevraldan 25 fevrala kimi olmuşdur. Qiyabi qruplarda tədris aparılmadığı halda müəllimlərə 1679 manat qanunsuz əmək haqqı verilməsi ilə razı deyildir. Qiyabi qruplarda dərslər keçilmişdir. O, əlavə pul məsarifinə yol verməmişdir. Əksinə pula qənaət etmişdir. Qiyabi şöbəyə keçirilmiş tələbələrə hesablanmış 1781 manat təqaüd onların özlərinə verilmiş, əvvəlki direktor Vaqif Hüseynovun vəfatından sonra 09 sentyabr 2013-cü ildən 07 oktyabr 2013- cü il tarixə kimi tədris işləri üzrə direktor müavini Şirinov Yusif Əli oğlu kollecin direktoru vəzifəsini müvəqqəti icra etmişdir. O, 08 oktyabr 2013-cü il tarixdən kollecin direktoru vəzifəsini icra etdiyi dövrdə Yusif Şirinova özünün direktor vəzifəsini icra etdiyi dövrə, bir müəllimin iki qrupa rəhbərliyinin rəsmiləşdirməsi barədə, köhnə tarixə, 16 sentyabr 2013-cü il tarixli, 343 saylı saxta əmr hazırlayb imza etməsi barədə göstəriş verməmişdir. Yusif Şirinov özü direktor vəzifəsini icra etdiyi zaman həmin əmri vermişdir. O da həmin əmrə əsasən bir müəllimi iki qrupa rəhbər təyin etmişdir. Bu isə müəllim çatışmazlığı ilə əlaqədar olmuşdur. Bir müəllim iki qrupa rəhbərlik edib. Onlara 39 artıq hesablanan 2029,50 manat pulu avans kimi verilmişdir. Təlimata görə bir müəllim iki qrupa rəhbərlik edə bilər. Hər qrupa bir müəllim rəhbərlik etsə də, yenə həmin pul qrup rəhbərlərinə ödənilməli idi. Artıq pul verilməyib. O, kollecin direktoru vəzifəsini icra edəndən sonra Yusif Şirinova geri tarixə, özünün direktor işlədiyi dövrdə, 16 sentyabr 2013-cü il tarixli, 344 saylı, fizika-riyaziyyat, ana dili-ədəbiyyat, kimya-biologiya fənləri üzrə iki fənn birləşmə komissiyalarının təşkili barədə, əmr hazırlayıb imza etməsi barədə göstəriş verməmişdir. Saxta əmr hazırlatmamışdır. Yusif Şirinovun kollecin direktoru vəzifəsini icra etdiyi dövrdə özü həmin əmri hazırlayıb imza etmişdir. Bir müəllimi iki fənn birləşmə komissiyasının sədri təyin etmk də müəllim çatışmazlığından irəli gəlmişdir. Bir müəllim iki fənn birləşmə komissiyasının sədri olub, iki fənn birləşməsinə görə əmək haqqı almışdır. Artıq pul xərcləməmişdir. Fənn birləşmə komissiyalarının sədri kimi 6 müəllimə 442,20 manat əmək haqqının verilməsi qanunsuz deyil, Abbasova Sənubər Nazim qızını və Cavadova Afərim Köçəri qızını yarım akladla labarant kimi işə götürmüşdür. Şərait olmadığına görə onlar tam fəaliyyət göstərə bilməmişlər. Lakin işə gəlib gediblər. Əliyeva Leyla Səməd qızını paltarsaxlayan işinə götürmüşdür. Lakin kollecin binasında paltarsaxlama yeri hazır olmadığından həmin işdə işləməmişdir. Ancaq işə gəlmiş, müxtəlif işlərə kömək etmiş, kollecdə təmir işi aparan ustalara və fəhlələrə yemək bişirmişdir. Onların hər üçü işə qəbul barədə ərizə ilə müraciət etmişlər. 2013-cü ilin oktyabr ayından 2014-cü ilin fevral ayına kimi onlara 1.186 manat əmək haqqı hesablanmışdır. Onların adlarına olan plastik kartları bankdan o özü almışdır. Lakin onun həmin şəxslərin adlarına hesablanmış pulu mənimsəmək məqsədi olmamışdır. Əgər olsa idi, kartlardan istifadə edərək Sənubər, Afərim və Leylanın adlarına olan pulu bankadan çıxara bilərdi. Lakin kartlardan istifadə etməmiş, pul çıxarmamışdır. Sənubər Abbasova, Afərim Cavadova və Leyla Əliyevanın kollecdə işə qəbul olunmalarına dair 01 oktyabr 2013-cü il tarixli, 353 saylı əmri o, direktor vəzifəsini icra etməyə başlayandan sonra, ondan əvvəl direktor vəzifəsini icra edən Yusif Şirinova köhnə tarixə hazırlayıb imza etməsi barədə göstəriş verməmişdir. Həmin əmri Yusif Şirinov özü direktor vəzifəsini icra edərkən vermişdir. O, tələbələrin dərslərə davamiyyətlərinin araşdırmaq məqsədi ilə “Kapaital Bank” ASC-nin Ağcabədi filialına 1290 saylı məktub yazaraq 64 tələbənin müavinət almaları üçün plastik kartların yenilənməsini xahiş etmişdir. Bəzi tələbələr özləri də plastik kartlarının yenilənməsi barədə müraciət etmişlər. Həmin məktubda mühasibin imzası olmayıb. Yeni plastik kartlar gəldikdən sonra tələbələrə gəlib plastik kartlarını götürmələri barədə xəbər göndərmişdir. 8 nəfər tələbə gəlib plastik kartlarını ondan götürmüşdür. Qalan 56 tələbənin plastik kartları onda qalmışdır. Lakin həmin plastik kartların kodlarını açmamışdır. Onlardan istifadə etməmişdir. Tələbələrin plastik kartlarında olan pulu çıxarmamışdır. Bəzi tələbəlr dərslərə gəlməmişlər. Onların dərslərə davamiyyətini yoxlamaq üçün palstik kartlarını özündə saxlamışdır. Tələbələrin bir qismi isə istehsalat təcrübəsində olduqlarından kollecə gəlib kartlarını götürməmişdir. Apellyasiya məhkəməsi iclasında məhkum edilmiş şəxs Ağayev Mahir Fərhad oğlu ifadə verərək göstərdi ki, 2006-cı ilin iyul ayından Ağcabədi Pedaqoji Kollecində baş mühasib işləyir. Onun vəzifəsi kollecdə mal-materialların dövriyyəsi, bank-maliyyə əməliyyatlarını həyata keçirməkdən ibarət olmuşdur. 2013-2014-cü tədris ilində kollecdə qiyabi qruplara qəbul nəzərdə tutulmamışdır. O, 2013-cü ildə qiyabi qrupların kim tərəfindən yaradılmasını bilməmişdir. Həmin qiyabi qruplarda dərs keçilməsini yoxlamamışdır. O, baş mühasib olaraq pulu saat hesabı ilə buraxmışdır. Sahib Hüseynovun əvvəlki direktor Vaqif Hüseynovun adından faksimile klişe ilə imza etməklə
40 05 avqust 2013-cü il tarixli, 421 nömrəli saxta əmr əsasında əyani şöbədə təhsil alan tələbəbərin bir hissəsini qiyabi şöbəyə keçirməklə qiyabi şöbədə dörd ixtisas üzrə beş qrup yaradılmasını rəsmiləşdirməsi barədə məlumatı olmamışdır. 4 ixtisas üzrə 5 qiyabi qruplarının nə vaxt yarandığını bilmir. 2013-cü ilin avqust-sentyabr aylarında 4 ixtisas üzrə 5 qiyabi qrupda dərs keçilməsinə görə müəllimlərə əmək haqqı verilmişdir. Bununla yanaşı, əyani şöbədə təhsil alan 27 tələbə 2013-cü ilin avqust-sentyabr aylarında qiyabi şöbəyə keçirildiyi halda onlara 1781 manat təqaüd hesablanıb verilməsinin səbəbini bilmir. Qiyabi şöbəyə keçirilmiş 27 tələbəyə 2013-cü ilin avqust-sentyabr aylarında 1781 manat təqaüd verilməməli idi. Həmin tələbələrə qiyabi şöbədə dərsləri tədris etməyə görə müəllimlərə 1679 manat əmək haqqı, həm də tələbələrə təqaüb verilməsi düz deyildir. Qiyabi şöbədə təhsil alan tələbələrə təqaüd verilmir. Yusif Şirinovun direktor vəzifəsini icra etdiyi dövrdə onun adından verilən əmrlər həmin vaxt hazırlanmışdır. Yusif Şirinovun arxa tarixə əmrlərə imza etməsini eşitməmişdir. Kollecdə dərs bölgüsünü Yusif Şirinov aparmışdır. Sahib Hüseynov direktor vəzifəsini icra etdikdən sonra Yusif Şirinovun 16 sentyabr 2013-cü il tarixə saxta əmrlər verməklə bir müəllimin iki qrupa rəhbər təyin edilməsi və eləcə də bir müəllimin iki fənn birləşmə komissiyasının sədri təyin edilməsi barədə məlumatı olmamışdır. Təhsil Nazirliyinin razılığı ilə bir müəllimə iki qrup rəhbərliyi verilə bilər. Lakin Təhsil Nazirliyindən bu barədə rəsmi icazə almamışlar. O, qrupların sayına görə əmək haqqı hesablamışdır. Fənn birləşmələrinə görə əmək haqqını onların sayına görə hesablamışdır. Bir müəllim iki fənn birləşməsini apara bilər. Təlimatın tələbinə görə bir müəllimə bir qrup rəhbərliyinə görə əmək haqqı verilməli olması barədə bir söz deyə bilməz. Azərbaycan Respublikası Təhsil Nazirliyinə verilən hesabatlarda bir müəllimin iki qrupa rəhbərlik etməsini göstərməmişdir. Bir müəllimin bir qrupa rəhbərlik etməsi barədə hesabat vermişdir. Azərbaycan Respublikası Təhsil Nazirliyinin “Orta ixtisas dövlət təhsil müəssisələrində fənn (fənn birləşmə) komissiyaları haqqında Əsasnamə”nin tələbinə görə bir müəllimin iki fənn birləşməsi komissiyalarının sədri kimi ikiqat əmək haqqı almasının qanunsuz olması barədə bir söz deyə bilməz, artıq pul məxaric etməmişdir. Təhsil Nazirliyinə bir müəllimin iki fənn birləşməsi komissiyasının sədri kimi fəaliyyət göstərməsi barədə hesabat verilib-verilməməsini və işçilərin işə gəlib- gəlmədiklərini bilməmiş, Sənubər Abbasova, Afərim Cavadova və Leyla Əliyevanın işə gəlmələri barədə tabellər ona təqdim olunmuş, ona görə də onlara 1.186 manat pul əmək haqqı kimi hesablamışdır. Apellyasiya məhkəməsi iclasında məhkum edilmiş şəxs Şirinov Yusif Əli oğlu ifadə verərək göstərdi ki, 2005-ci ildən Ağcabədi Pedaqoji Kollecində tədris işləri üzrə direktor müavini vəzifəsində işləmişdir. Əvvəlki direktor Vaqif Hüseynov 09 sentyabr 2013-cü ildə vəfat etdikdən sonra Təhsil Nazirinin 16 sentyabr 2013-cü il tarixli əmri ilə kollecin direktoru vəzifəsini 07 oktyabr 2013-cü il tarixədək icra etmişdir. 08 oktyabr 2013-cü il tarixdə isə Kollecin direktor vəzifəsi Təhsil Nazirliyinin əmri ilə Hüseynov Sahib Şahlar oğluna həvalə edilmişdir. Bundan sonra o, metodist işləməyə başlamış, 07 oktyabr 2013-cü il tarixdə direktor müavini vəzifəsindən çıxarıldıqdan sonra bir müəllimə iki qrup rəhbərliyinin verilməsi barədə 16 sentyabr 2013-cü il tarixli, 343 saylı və bir müəllimin iki fənn birləşmə komissiyasının sədri təyin edilməsi barədə 16 sentyabr 2013- cü il tarixli, 344 saylı əmrləri geri tarixə imzalamışdır. Həmin əmrləri faktiki olaraq Sahib Hüseynovun direktor olduğu dövrdə, yəni bir müəllimin iki qrupa rəhbər təyin olunması barədə əmri 2013-cü il oktyabr ayının 10-da, bir müəllimin iki fənn birləşmə komissiyasının sədri təyin olunması barədə əmri isə 2013-cü il 10 oktyabrdan sonrakı
41 günlərdə imzalamışdır. Həmin əmrləri ona görə imzalamışdır ki, bu barədə Sahib Hüseynov Təhsil Nazirliyinin şifahi razılığını almışdır. Lakin Sahib Hüseynovun nazirlikdə bu barədə razılığı kimdən almasını bilmir. Rəsmi razılıq olmamışdır. O, vəzifədən çıxarıldıqdan sonra imzaladığı 16 sentyabr 2013-cü il tarixli iki əmrlə 15 nəfər müəllimə iki qrup rəhbərliyi verilmiş və altı nəfər müəllim iki fənn birləşməsi üzrə komissiyanın sədri təyin olunmuşdur. Düzdür, diqqətsizlik edib əmrlərə imza etmiş, səhv etmişdir. Ancaq fənn birləşmələri düzgün yazılmayıb, düz başa düşməyib elə yazıblar. O, Abbasova Sənubər Nazim qızı və Cavadova Afərim Köçəri qızının laborant, Əliyeva Leyla Səməd qızının isə paltarsaxlayan kimi işə qəbul olunmaları barədə 01 oktyabr 2013- cü il tarixli əmri Sahib Hüseynov kollecə direktor əvəzi təyin olunandan sonra, yəni 10 oktyabr 2013-cü il tarixdən sonrakı günlərdə imzalamışdır. Lakin heç bir maddi marağı olmamışdır. Apellyasiya məhkəməsi iclasında şahid Cəbrailova Tamaşa Qafar qızı ifadə verərək göstərdi ki, Məmmədbağırova Cahan Nadir qızı onların evində kirayə qalırmiş, bir gün Cahan ona pul verir və deyir ki, “bu pulu saxla”, o da pulu saxlamış və elə bilmişdir ki, kirayə puludur. Apellyasiya məhkəməsi iclasında şahid Məmmədbağırova Cahan Nadir qızı ifadə verərək göstərdi ki, o, 2011-ci ildə Ağcabədi Pedaqoji Kollecinin ibtidai sinif müəllimliyi ixtisasına qəbul olunmuş, kollecə qəbul olunduqdan sonra Ağcabədi rayonunda yaşayan qohumu Tamaşa Cəbrayılovanın evində qalmış, 2013-cü ilin sentyabr ayına kimi kollecin direktoru Vaqif Hüseynov olmuşdur. Onun direktor olduğu dövrdə imtahanları yaxşı vermiş, heç bir maneəçilik olmamışdır. Vaqif Hüseynov 2013-cü ilin sentyabr ayında vəfat etdikdən sonra kollecin direktoru vəzifəsini bir müddət Yusif Şirinov icra etmiş, 2013-cu ilin oktyabr ayının əvvllərindən isə Sahib Hüseynov kollecin direktor müavini təyin olunmuş və direktor vəzifəsini icra etmişdir. Tamaşa Cəbrayılova Sahib Hüseynovun uzaq qohumu olduğundan Sahib Hüseynov direktor təyin olunandan sonra onu kollecdə bufetçi götürmüşdür. Sahib Hüseynov kollecin direktoru vəzifəsini icra etməyə başladıqdan sonra onu öz iş otağına dəvət etmiş savadlı tələbə olduğunu nəzərə alaraq onun katibəsi kimi işləməyi təklif etmiş, o isə dərslərinin çox olduğunu, katibə işləsə, dərslərinə hazırlaşa bilməyəcəyini demiş, lakin Sahib Hüseynov narahat olmamasını, dərslərini özü həll edəcəyini deyərək kolleci qurtaranda da onu işə götürəcəyini demişdir. Bundan sonra o, 2013-cü ilin oktyabr ayından noyabr ayının 25-nə kimi Sahib Hüseynovun yanında katibə kimi işləmiş, bu müddətdə dərslərdə iştirak etməmiş, Sahib Hüseynovun müxtəlif yazı, sənədləşmə işlərini aparmışdır. Həmin ərəfədə Sahib Hüseynov kollecdə yeni qayda qoyaraq istehsalat təcrübəsi üçün hər tələbədən 100 manat, qış imtahan sesiyasında imtahanlardan müvəffəq qiymətlər almaq üçün isə 450 manat pul yığılmışdır. Bundan sonra o, dərslərinə getmişdir. Sinif nümayəndələri evə gedən, istehsalat təcrübəsində iştirak etməyən tələbələrdən 100 manat pul yığmışlar, onun isə imkanı olmadığı üçün sinif nümayəndəsinə pul verməmiş, 25 noyabr 2013-cü il tarixdə o, Ağcabədi 2 saylı orta məktəbində təcrübi məşğələ keçdiyi vaxt Sahib Hüseynov ona mobil telfon vasitəsi ilə zəng edərək onu kollecə çağırmışdır. Az sonra Sahib Hüseynovun sürücüsü məktəbə gələrək onu kollecə aparmışdır. Sahib Hüseynov ona katibə kimi işləməyi barədə Təhsil Nazirliyinə ərizə yazıldığını bildirmiş və katibə işləməməsi barədə izahat yazmasını demiş, o, isə bu məzmunlu izahat yazmış və Sahib Hüseynov dərslərdə iştirak etməsini ona tapşırmışdır. O, 07 yanvar 2014-cü il tarixdə imtahan vermək üçün kollecə getmiş, qrup rəbəri Xatirə Həsənova və tələbə yoldaşı Məxmər Göyüşzadə ona
42 Sahib Hüseynovun adından imtahanları özü ümumi qaydada həll etməli olduğunu, yəni pul verməli olduğunu, Sahib Hüseynovun ona heç bir köməyi olmayacağını demiş, o, isə faktiki dərslərdə olmadığına görə imtahanlara hazırlaşa bilməmişdir. 07 yanvar 2014-cu il tarixində imtahan olmuş, pul yığılmış, lakin maddi imkanı olmadığından o, imtahana görə pul verməmiş, üç fənn üzrə imtahanlara girsə də, əvvəllər dərslərdə iştirak etmədiyi üçün imtahan suallarını yaza bilməmiş, qrup nümayəndəsi Məxmər Göyüşzadə ona Sahib Hüseynovun qoyduğu qaydaya görə qiymət almaq istəyən tələbənin 450 manat pul verməli olduğunu demiş, bütün tələbələrdən istehsalat təcrübəsinə görə 100 manat, smestr imtahanlarına görə isə 450 manat pul yığılmışdır. Sonra 2014-cü il yanvar ayının 17 və ya 18-də Sahib Hüseynovun yanına getmiş, imtahanlarını həll etməsini istəmiş, Sahib Hüseynov isə ona onun hesabına şellənməsini demiş və kimə arxayın olub pul vermədiyini soruşmuş, o isə Sahib Hüseynova ona arxayın olduğunu, ona kömək etdiyinə görə dərslərdə iştirak etmədiyini demişdir. Sahib ona gedib pulu gətirməsini, imtahanları bundan sonra həll edəcəyini demişdir. Sahib Hüseynova ona imtahanlarda kömək edəcəyinə söz verdiyini deyərək ona pulunu gətirməsin tapşırmışdır. Bundan sonra o, Azərbaycan Respublikası Baş Prokuroru yanında Korrupsiyaya Qarşı Mübarizə İdarəsinin qaynar xəttinin “161” telefon nömrəsinin qaynar xəttinə zəng edib şikayət etmək qərarına gələrək 21 yanvar 2014-cü il tarixdə “161” qaynar xəttinə zəng edərək Sahib Hüseynovdan şikayətini bildirmiş və şikayəti ilə əlaqədar onu Azərbaycan Respublikası Baş Prokuroru yanında Korrupsiyaya Qarşı Mübarizə İdarəsinə dəvət etmişlər. 02 fevral 2014-cü il tarixdə o, yenidən Sahib Hüseynovun yanına gedərək onun yanında katibə işlədiyini, imtahanlara hazırlaşa bilmədiyini, imtahanları həll edəcəyinə söz verdiyini, indi də pul istədiyini, lakin pulu olmadığını demiş, lakin Sahib Hüseynov yenə də pulu gətirib verməli olduğunu demişdir. Nəhayət o, Sahib Hüseynova 450 manat pul gətirib verəcəyinə razılıq vermişdir. Sahib Hüseynov ona ondan və onun atasından pul götürməyəcəyini, pulu aparıb bufetçi Tamaşaya verməsini demişdir. O, Sahib Hüseynovla olan bu danışıqlarını mobil telefona yazmış və telefona yazdığı danışığını diskə köçürərək Korrupsiyaya Qarşı Mübarizə İdarəsinə getmiş, İdarəyə ərizə yazaraq diski də həmin ərizəyə əlavə etmişdir. Bundan sonra 11 fevral 2014-cü ildə Korrupsiyaya Qarşı Mübarizə idarəsinin əməkdaşları tərəfindən ona 9 ədəd 50 manatlıq pul əskinazlardan ibarət olmaqla 450 manat pul verilmişdir. Bundan başqa üstünə video çəkiliş üçün aparat da qoymuşdurlar. Həmin gün saat 13:00-da 450 manat pul üstündə olmaqla kollecə daxil olmuşdur. Sahib Hüseynovu kollecin həyətində görmüşdür. Sahib Hüseynov onu görəndə nə əcəb gəldiyini demiş, o isə ona pulu gətirdiyini demiş, lakin Sahib Hüseynov özü ondan pulu götürmək istəməmiş, onunla bir qədər söhbətdən sonra Tamaşanın yanına getməsini tapşırmışdır. Bundan sonra o, yeməkxanaya gedərək Tamaşaya 450 manat pulu gətirdiyini, imtahan qiymətlərinin yazılması üçün pulu Sahib Hüseynova verməsini demişdir. Tamaşa Cəbrayılova ondan pulu almış, sayaraq götürmüş, sonra Tamaşa Cəbrayılova Sahib Hüseynovun yanına getmələrini demiş və onlar hər ikisi Sahib Hüseynovun yanına getmişlər. Sahib Hüseynov demişdir ki, pulu götür, evdə verərsən. O isə evə getmədiyini, xalası ilə çıxıb gedəcəyini demişdir. Sahib Hüseynov Tamaşaya deyib ki, pulu evdə götür, mən nə vaxt desəm, onda gətirərsən. Pul Sahib Hüseynovun göstərişi ilə Tamaşa Cəbrayılovada qalmışdır. Bundan sonra Korrupsiyaya Qarşı Mübarizə idarəsinin əməkdaşları binaya daxil olmuşlar. Tamaşa Cəbrayılovaya ondan aldığı pulu təqdim etməsi təklif olunmuşdur. 43 Apellyasiya məhkəməsi iclasında məhkəmə çıxışları zamanı Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, kiçik ədliyyə müşavirləri Əzimov Ədalət Adil oğlu və Sadıqov Siyavuş Köçəri oğlu Lənkəran Ağır Cinayətlər Məhkəməsinin 13 avqust 2015-ci il tarixli, 1(089)-09/2015 nömrəli hökmündən hökmündən məhkum edilmiş şəxs Hüseynov Sahib Şahlar oğlu, onun müdafiəçiləri Əhmədova Ulduzə Mehdi qızı və Həsənov İmamqulu Vəliqulu oğlu tərəfindən ayrı-ayrılıqda verilmiş apellyasiya şikayətlərinin dəlilləri ilə razı olmadığını, törədilmiş cinayət hadisəsinin iş materialları ilə tam sübuta yetirildiyini və birinci instansiya məhkəməsi tərəfindən qanuni, ədalətli və əsaslı hökm çıxarıldığını bildirdi. Eyni zamanda dövlət ittihamçıları Ədalət Əzimov və Siyavuş Sadıqov
apellyasiya şikayətlərinin təmin olunmamasını, lakin ittihamdan və hökmdən Hüseynov Sahib Şahlar oğlunun “Ağcabədi şəhər sakinləri - Abbasova Sənubər Nazim qızı və Cavadova Afərim Köçəri qızının, paltarsaxlayan vəzifəsinə isə Əliyeva Leyla Səməd qızının təyin olunmasını rəsmiləşdirməklə, həmin şəxslərin faktiki olaraq işləmədikləri, öz xidməti işlərini yerinə yetirmədikləri halda, tamah niyyətilə müvafiq rəsmi sənədə bilə-bilə yalan məlumatları daxil etməklə “Kapital bank” ASC-nin Ağcabədi rayon filialından adlarına hazırlanmış plastik bankomat kartlarını götürüb özündə saxlamaqla və baş mühasib Ağayev Mahir Fərhad oğluna 2013-cü ilin oktyabr ayından 2014-cü ilin fevral ayına kimi guya işdə olmalarına dair tabelin tərtib edilməklə təqdim olunub adlarına əmək haqqı hesablatdıraraq, özünün ehtiyaclarına sərf etmək üçün cəmi 1.186 (min yüz səksən altı) manat məbləğində pulun həmin şəxslərin bank hesablarına müvafiq saxta cədvəllər tərtib olunmaqla əmək haqqı üzrə ödənişlərin köçürülməsini təmin etmiş, lakin aparılmış əməliyyat-axtarış tədbirləri zamanı həmin plastik kartlar götürüldüyündən, bilavasitə həmin cinayəti törətməyə yönəldilmiş qəsdən edilən əməlini iradəsindən asılı olmayan göstərilən səbəblərə görə başa çatdıra bilməyərək, öz qulluq mövqeyindən istifadə edərək ona etibar olunmuş xeyli miqdarda özgəəmlakını mənimsəmə yolu ilə talamağa cəhd etmə” epizodu üzrə “xeyli miqdarda” müddəasının xaric edilməklə Lənkəran Ağır Cinayətlər Məhkəməsinin 13 avqust 2015-ci il tarixli, 1(089)-09/2015 nömrəli hökmünün dəyişdirilməsini məhkəmə kollegiyasından xahiş etdilər.
Apellyasiya məhkəməsi iclasında məhkəmə çıxışları zamanı məhkum edilmiş şəxs Hüseynov Sahib Şahlar oğlunun müdafiəçisi Əhmədova Ulduzə Mehdi qızı Lənkəran Ağır Cinayətlər Məhkəməsinin 13 avqust 2015-ci il tarixli, 1(089)-09/2015 nömrəli hökmünün Hüseynov Sahib Şahlar oğluna aid hissəsində ləğv edilməsini, ona Azərbaycan Respublikası CM-nin 29, 179.3.2, 308.1, 311.3.2, 311.3.3, 311.3.4 və 313-cü maddələri ilə bəraət verilməsini, eləcə də Sahib Hüseynovun cəzasını yüngülləşdirən halların nəzərə alınmasını məhkəmə kollegiyasından xahiş etdi.
Apellyasiya məhkəməsi iclasında məhkəmə çıxışları zamanı məhkum edilmiş şəxs Hüseynov Sahib Şahlar oğlunun digər müdafiəçisi Cəfərov İlqar Ağaqulu oğlu Lənkəran Ağır Cinayətlər Məhkəməsinin 13 avqust 2015-ci il tarixli, 1(089)-09/2015 nömrəli hökmünün Hüseynov Sahib Şahlar oğluna aid hissəsində ləğv edilməsini, ona Azərbaycan Respublikası CM-nin 29, 179.3.2, 308.1, 311.3.2, 311.3.3, 311.3.4 və 313-cü maddələri ilə bəraət verilməsini, eləcə də Sahib Hüseynovun cəzasını yüngülləşdirən halların nəzərə alınmasını məhkəmə kollegiyasından xahiş etdi.
Apellyasiya məhkəməsi iclasında son sözündə məhkum edilmiş şəxs Hüseynov Sahib Şahlar oğlu apellyasiya şikayətlərinin təmin edilməsini, iş üzrə cəzasını yüngülləşdirən 44 halların nəzərə alınmasını, barəsində ədalətli qərar qəbul edilməsini məhkəmə kollegiyasından xahiş etdi.
Yüklə 0,98 Mb. Dostları ilə paylaş:
|