28 mavzu: buxgalteriya hisobini konsepsiyasi va tamoyillari

 
7. 
Moliyaviy hisobot shakllarida barcha nazarda tutilgan ko’rsatgichlar 
keltiriladi. Korxonada tegishli aktivlar, passivlar, operatsiyalar yo’qligi sababli u 
yoki bu modda (satr, ustun) to’ldirilmagan taqdirda ushbu modda (satr, ustun) 
chizib qo’yiladi. 
 
8. 
Moliyaviy hisobot shakllarining manzil qismi quyidagi tartibda 
to’ldiriladi: 
a)«Korxona, tashkilot» rekviziti-korxonaning to’liq nomi (belgilangan 
tartibda ro’yxatga olingan tahsis xujjatlariga muvofiq) va KTUTga binoan uning 
kodi: 
b)«Soxa (faoliyat turi)» rekviziti-korxonaning sohasi (faoliyat turi) va 
XXTUT ga binoan soha (faoliyat turi)ning kodi ko’rsatiladi: 
v)«Davlat mol-mulkini boshqarish organi» rekviziti-ixtiyorida korxona 
to’rgan (agar shunday bo’lsa) va unga moliyaviy hisobot yuboriladigan organning 
nomi ko’rsatiladi: 
g)«Manzil» rekviziti-korxonaning to’liq yuridik manzili ko’rsatiladi: 
d)«Nazorat summasi» rekviziti- korxonalar tomonidan to’ldirilmaydi. 
 
9. 
Moliyaviy hisobotni tuzish chog’ida O’zbekiston Respublikasining 
«Buxgalteriya hisobi to’g’risida»gi qonuni, O’zbekiston Respublikasining 
Fuqarolik kodeksi, Buxgalteriya hisobi milliy standartlari, shuningdek buxgalteriya 
hisobini yuritish va moliyaviy hisobot tuzish masalalari bo’yicha boshqa amaldagi 
me’yoriy-xuquqiy hujjatlarga amal qilish lozim. 
 
10. 
Korxona va tashkilot barcha alohida bo’linmalari faoliyatining 
ko’rsatgichlari moliyaviy hisobot shakllari ko’rsatgichlarining ma’lumotlariga 
kiritilishi kerak. 
 
11.
Moliyaviy hisobotni tuzish chog’ida hisobot sanasi bo’lib hisobot 
davrining oxirgi taqvimiy kuni hisoblanadi. 

---

152 
Hisobot yilida tugatilgan yoki qayta tashkil etilgan korxona yil boshidan 
tugatish (qayta tashkil etish) paytiga qadar bo’lgan davr uchun yillik moliyaviy 
hisobotning amaldagi shakllari bo’yicha hisobot taqdim etadi. 
Yangi tashkil etilgan korxonalar moliyaviy hisobotda mablag’lar va ularning 
manbalarini belgilangan tartibda ular ro’yxatga olingan oyning 1-kunidan hisobot 
yilining 31 dekabriga qadar, hisobot yilining 1 oktyabridan keyin tashkil etilgan 
korxonalar esa davlat ro’yxatiga olingan sanadan boshlab keyingi yilning 31 
dekabriga qadar ko’rsatadilar (mazkur tartib tugatilgan (qayta tashkil etilgan) 
korxonalar va ularning alohida bo’linmalari negizida barpo etilgan korxonalarga 
tatbiq etilmaydi).