3-tema: Eń áyyemgi dáwirlerden XIX ásirdiń birinshi yarımına shekem jáhán pedagogika pániniń rawajlanıwı. Ya. A. Komenskiydiń pedagogikalıq teoriyası. XIX ásir ekinshi yarımı – XX ásirde jáhán pedagogika pániniń rawajlanıwı

Házirgi waqıtta pedagogika iliminiń tiykarǵı rawajlanıw baǵdarları:
Filosofiyalıq, psixologiyalıq, didaktikalıq, kibernetikalıq, matematikalıq, psixoterapevtlik hám akmeologiyalıq baǵdarlar sanaladı.
Házirgi zamanda pedagogika iliminiń tiykarǵı wazıypaları:
Házirgi zamanda pedagogikanıń tiykarǵı wazıypaları insan turmıs saltınıń barlıq jónelislerinde (sociallıq, jeke, siyasiy h.t.b.) nátiyjeli pedagogikalıq sistemalardı payda etiwge qaratılǵan. Olarǵa tómendegilerdi kiritiw múmkin:
-tálim-tárbiya, oqıtıw hám tárbiyalıq sistemalardı basqarıw tarawına baylanıslı nızamlılıqlardı anıqlaw hám úyreniw;
-pedagogikalıq tájiriybeni úyreniw hám qollaw;
-tálim sistemalarınıń perspektivalıq rawajlanıwın diagnostikalaw;
-tálim-tárbiyanıń jańa forma, metod hám quralların islep shıǵıw;
-pedagogikalıq ilim-izertlew nátiyjelerin oqıtıw ámeliyatına kiritiw;
-xalıqaralıq pedagogikalıq proektlerge qatnasıw, maǵlıwmatlar almasıw, pedagogikalıq baǵdarlar boyınsha xalıqaralıq tájiriybelerdi úyreniw;
-pedagogikalıq mekemelerdiń turaqlı sistemasın islep shıǵıw hám olardıń nátiyjeliligin asırıw;
Pedagogikanıń rawajlanıw tiykarları:
-turmıs saltı, dástúrler hám máresimler, xalıq pedagogikasında óz kórinisin tapqan kóp ásirlik ámeliy tájiriybe;
-filosofiyalıq, sociallıq, pedagogikalıq hám psixologiyalıq tiykarlar;
-dúńya hám milliy tárbiya ámeliyatı;
-arnawlı túrde úyrenilgen pedagogikalıq izertlewler nátiyjeleri;
-novator-pedagoglardıń tájiriybeleri;
Ilimler integraciyası processinde payda bolǵan pedagogikanıń zamanagóy tarmaqları bolıp: Pedagogikalıq aksiologiya, akmeologiya, giskologiya hám kvalimetriyalar, sonday-aq, neyropedagogika, kórkem óner, muzıka, teatr, muzey, shıpakerlik, virtual pedagogika tarmaqları sanaladı.
Pedagogika iliminiń rawajlanıwına tásir etiwshi ayırım faktorlar:
-Matematikalıq-statistikalıq, biopsixologiyalıq hám gioseologiyalıq-semasiologiyalıq ilimlerdiń nátiyjelerinen keń paydalanıw tiykarında pedagogikanıń basqa insandı úyreniwshi ilimler menen bekkem baylanısların ornatıw hám ilimiy bilimlerdiń integraciyalıq processlerin jelellestiriw.
-Dúńyanı pedagogikalıq túsiniwdiń teoriyalıq-fundamental sheńberin keńeytiw, yaǵnıy pánniń ilimiy atın hám sociallıq funkciyasın saqlap qalıw ushın teoriyadan ámeliyatqa qaray háreketleniw kerek.
-Pedagogikalıq ilimlerdiń tawajlanıwın támiyinlewde matematikalıq-statistikalıq hám semantikalıq-semasiologiyalıq maǵlıwmat bazalarınan sistemalı paydalanıw.
-Sociallıq ádep-ikramlılıq normaların optimallastırıw, sociallıq múnásibetlerdi tártipke salıw mexanizmlerin basqarıwda pedagogikalıq processlerdi maǵlıwmat penen támiyinlewge ayrıqsha itibar qaratıw.
-Pedagogika óz rawajlanıwınıń individual traektoriyasın saqlap qalıwı hámde basqa pánlerdiń túsinik hám kategoriyalarınan orınsız paydalanıw esabınan onıń túsiniksiz bolıwına hám shiyelenisiwine alıp kelmeslik.
-Global planetar problemalardı sheshiw ushın shaxslararalıq, milletleraralıq hám mámleketleraralıq múnásibetlerdi ulıwmainsanıylıq kóz-qarastan alıp barıw hám ádep-ikramlıq normalardıń tolıq támiyinleniwine baylanıslı ilimiy-izertlewlerdi ámelge asırıw.