5-bap. Byudjet shólkemlerinde smetalar hámde shtatlar kestesin dúziw, tastiyiqlaw hám tapsiriw tártibi

5.4. Byudjetten tısqarı qarjılar boyınsha dáramatlar hám qárejetler smetasın dúziw hám olar orınlanıwı esabı
Byudjet shólkemleri qárejetlerin qaplaw ushın byudjetten ajratılatuǵın qarjılardan tısqarı dáramat dereklerı bar bolǵanda, usı kórsetilgen qarjılar boyınsha da dáramatlar hám qárejetler smetaların dúzedi.
Byudjet shólkemleri dáramatlar hám qárejetler smetaların, sonday - aq shtat kestelerin normativ-huqıqıy hújjetler tiykarında erkin túrde dúzedi. Dáramatlar hám qárejetler smetaları bir finans jılı múddetine, olardıǹ usı finans jılındaǵı xızmet kórsetiw dáwirine dúziledi hám ámel qıladı.
Dáramatlar hám qárejetler smetaların dúziwde miynetke haqı tólew muǵdarları hám shártleri, tovarlar (jumıslar, xızmetler) ushın naqı hám tarifleri:
-usı smetalar dúzilip atırǵan finans jılınıǹ 1-yanvarında ámelde bolǵan shártlerde;
-finans jılı dawamında jaǹadan dúzilip atırǵan shólkemler boyınsha-usı mekeme xızmet kórsetiwi baslanǵan aydıǹ birinshi sánesi halatına kóre esapqa alınadı.
Byudjet shólkemleriniǹ dáramatlar hám qárejetler smetası mıǹ swmda dúziledi. Byudjetten tısqarı qarjılar boyınsha byudjet shólkemleriniǹ shtat kesteleri swmda dúziledi.
Byudjetten tısqarı jamǵarmalarǵa iye bolǵan byudjet shólkemleri nızamshılıqta belgilengen talaplarǵa muwapıq túrde byudjetten tısqarı jamǵarmalar boyınsha dáramatlar hám qárejetler smetasın hár jılı dúzedi hám tastıyıqlaydı (5.3-keste).
Bunda, byudjetten tısqarı qarjılar túsimleri hám qárejetlerin rejelestiriw byudjet shólkemleri tárepinen nızam hújjetlerine muwapıq belgilengen dáramatlar deregi hám qárejetler baǵdarlarınan kelip shıqqán halda ámelge asırıladı.
Byudjet shólkemleri tómendegi byudjetten tısqarı jamǵarmalar boyınsha smetalar dúzedi:
-byudjet shólkemlerin rawajlandırıw jamǵarması;
-medicina shólkemleriniǹ materiallıq qollap-quwatlaw hám rawajlandırıw jamǵarması;
-ministrlikler, mámleket komitetleri hám idaralarınıǹ byudjetten tısqarı jamǵarmaları;
-byudjet shólkemlerine óndiriletuǵın tólemler esabınan qáliplestiriletuǵın byudjetten tısqarı qarjılar, sol qatarı, oqıwshılar hám tárbiyalanıwshılar mektepke shekemgi bilimlendiriw orınarında, ulıwma bilim beriw mektepleriniǹ kúni uzaytırılǵan toparlarında, mektep internatlarında, olimpiya rezervleri kolledjleri hám basqa bilimlendiriw orınlarında saqlap turılǵanlıǵı ushın, oqıwshılar balalar muzika hám sanaat mektepleri hámde mektepten tısqarı bilimlendiriw orınlarında
Bilimlendiriw alǵanlıǵı ushın, joqarı hám orta arnawlı kásip-óner tálimi orınlarında bilim alǵanlıǵı ushın, stacionar emlew profilaktika orınlarında emlenip atırǵanlar quramı, awqatlanıwı ushın hámde nızam hújjetlerine muwapıq basqa túrdegi tólemler. Mámleketlik mektepke shekemgi bilimlendiriw orınlarında tárbiyalanıwshıların saqlap turılǵanlıǵı ushın óndiriletuǵın tólemler eabınan qáliplestiriletuǵın, sonday - aq medicina orınlarında stacionar emlew-profilaktika orınlarında emlenip atırǵanlar quramı awqatlanıwı ushın óndiriletuǵın tólemler esabınan qáliplestiriletuǵın byudjetten tısqarı qarjılar boyınsha dáramatlar hám qárejetler smetası dúzilmeydi. Bul qarjılar usı shólkemleriniǹ qárejetler smetasında esapqa alınadı.
Byudjet shólkemleriniǹ byudjetten tısqarı jamǵarmaları boyınsha dáramatlar hám qárejetler smetaların dúziw hámde tastıyıqlaw byudjet shólkemleriniǹ qárejetler smetaları ushın belgilengen tártipte uqsas tártipte ámelge asırıladı.
Byudjet shólkemleriniǹ byudjetten tısqarı jamǵarmaları boyınsha dáramatlar hám qárejetler smetasında túsimler deregin kórsetken halda byudjetten tısqarı qarjılar túsimleriniǹ kólemi hám usı qarjılardan paydalanıw baǵdarları nızam hújjetleri talaplarınan kelip shıqqan halda anıqlanadı.
5.3-keste
Byudjet shólkemleriniǹ dáramatlar hám qárejetler smetası ______jıl ushın byudjet shólkemleriniǹ byudjetten tısqarı qarjılar boyınsha dáramatlar hám qárejetler
SMETASI
Shólkemniǹ tolıq atı:_____________________________________
Tolıq mánzili___________________________________________
Byudjet dárejesi:_________________________________________
Bólim___________________________________________________
Kishi bólim______________________________________________
Bap______________________________________________________
Ólshew birligi____________________________________________

Dáramatlar atı yamasa túsimler túri

___jıl ushın túsimler

_________________________jıl

barlıǵı

Sonnan sherekler boyınsha

I-sherek

II-sherek

III-sherek

IV-sherek

--yanvar halatına qaldıq

Jami dáramatlar

Solardan:

Qaldıqtı esapqa alǵan halda jámi dáramatlar

Qárejetler zatlarınıǹ atı

Tayıpa

Zat-lar hám kishi zat

Element

__jıl ushın haqıyqıy qáre-jetler

_________jıl

Tastıyıqlanǵan

jámi

Solardan sherekler boyınsha

I-sherek

II-sherek

III-sherek

IV-sherek

I-topar qárejetleri-is haqı hám oǵan teǹlestirilgen tólemler

I-topar qárejetleri boyınsha jámi

II -topar qárejetleri-isberiwshilerdiǹ ajıratpaları

II-topar qárejetleri boyınsha jámi

IV- topar qárejetleri-basqa qárejetler (qosımshaǵa muwapıq)

Basqa dáramatlar -jami

Barlıǵı:

Byudjet shólkemleriniǹ byudjetten tısqarı jamǵarmaları boyınsha dáramatlar hám qárejetler smetasınıǹ dáramat bólimi finans jılı basındaǵı qarjılar qaldıǵı hámde dáramatlarınıǹ dereklerı kesimindegi boljawınan quraladı.

Nızam hújjetlerine muwapıq byudjet shólkemleriniǹ byudjetten tısqarı jamǵarmaları esabınan xızmetkerler sanı saqlap turılǵan táǵdirde, byudjetten tısqarı jamǵarmalar boyınsha dáramatlar hám qárejetler smetasında kórsetilgen xızmetkerler sanı boyınsha shtat kestesi qosımsha etiledı. Bunda, usı shtat kestesi Byudjet shólkeminiǹ shtat kestesine uqsas halda dúziledi hámde tiyisli byudjet qarjıların tastıyıqlawshı tárepinen yamasa finans organında usı nızamǵa muwapıq múddetlerde dizimnen ótkeriliwi kerek.
Byudjetten tısqarı jamǵarmalar boyınsha dáramatlar hám qárejetler smetaları tiyisli byudjet qarjıların bólistiriwshiler tárepinen yamasa finans organlarında qárejetler smetası ushın belgilengen múddetlerde hám tártipte dizimnen ótkeriliwi kerek. Byudjet shólkemlerin rawajlandırıw jamǵarması, Medicina shólkemleri materiallıq qollap-quwatlaw hám rawajlandırıw jamǵarması kirmeydi.