5-tema: Kitapxanatanıwshılıqtıń pán sıpatındaǵı mazmunı Reje

Kitapxanatanıwshılıqtıń predmeti kitapxanashılıq sistemasınıń bar ekenligi, qáliplesiwi, rawajlanıwı nızamlıqları hám princplerin izertlew hám anıqlastırıwdan ibarat bolıp esaplanadı.

Kitapxanatanıwshılıq pániniń strukturası
Kitapxanatanıwshılıq pániniń strukturası, ishki shólkemlestirilgen forması onıń bir pútkil, bekkem, salıstırmalı, óz-ara baylanıslıqtaǵı bólimleri , elementleri, tárepleri birliginen dúziledi. Kitapxanatanıwshılıq pániniń strukturası boyınsha bir birine qarama-qarsı bolǵan hár qıylı kóz-qaraslar ámelde bolsa da ilimiy tiykarlanǵanları tómendegilerden ibarat bolıp esaplanadi:
1) ilimiy nızamlar; 2) ilimiy principler ; 3) ilimiy teoriyalar; 4) izertlew metodları ; 5) túsiniklerdi ańlatıwshı sistema ; 6 ) boljawlar ; 7) baqlawlar hám tájiriybelerge tiykarlanǵan maǵlıwmatlar. Bunnan tısqarı kitapxanatanıwshılıqqa salıstırǵanda bir tárepten ilimiy pán retinde, ekinshi tárepten, oqıw páni retinde jantasıwlar da bar bolıp tabıladı.
Ilimiy pán retinde kitapxanatanıwshılıqtıń strukturasın shártli túrde tómendegishe kórsetiw múmkin:
1. Kitapxanatanıwshılıqtıń teoriyalıq tiykarları.
2. Kitapxana -málimleme maǵlıwmatları toplamın qáliplestiriw teoriyası.
3. Kitapxana -málimleme izlew sisteması teoriyası.
4. Paydalanıwshılarǵa kitapxana -málimleme xızmetin kórsetiw teoriyası.
5. Kitapxana - málimleme iskerligin basqarıw.
6. Kitapxanashılıq jumısı hám kitapxanatanıwshılıqqa tiyisli pikirler tariyxı.

Kitapxanatanıwshılıq oqıw páni retinde tómendegi bólimlerden dúziledi :

1. Kitapxanashılıq isi tariyxı hám teoriyası.
2. Hújjetler zaxirası.
3. Hújjetlerlerdi analiz hám sintez metodı tiykarında qayta islew.
4. Paydalanıwshılarǵa xızmet kórsetiw.
5. Kitapxana -málimleme iskerligi menejmenti hám marketińi.
6. Hújjettanıwshılıq:ish júrgiziw tiykarları.
7. Ózbekstanda hám shet el mámleketlerinde kitapxanashılıq isi tariyxı.
Usı struktura oqıw psixologiyası, kitapxana reklaması, paydalanıwshı psixologiyası sıyaqlı oqıw kursları esabınan keńeyip baradı.
Tákirarlaw ushın sorawlar:
1. Kitapxanatanıwshılıqqa tiyisli barlıq pánler ushın ózek túsinik ne dep ataladı?
2. kitapxanatanıwshılıq social wazıypaları nelerden ibarat?
3.Kitapxanatanıwshılıqtıń obektin neler quraydı?
4. Kitapxanatanıwshılıq pániniń strukturası qanday ?
5. Kitapxanatanıwshılıq oqıw páni retinde qanday bólimlerden dúziledi?