5–MA’ruza: tezkor xizmat ko‘rsatish va ishlarni bajarish

Ish bajarish uchun ish joyini tayyorlashda kuchlanishni olib tashlash talab qilinsa, texnik tadbirlar quyida ko‘rsatilgan tartibda bajarilishi kerak:

• -barcha o‘chirilishi kerak bo‘lgan uskunalarning o‘chirilishi, ularning o‘zo‘zidan yoki yanglishish oqibatida yoqilishiga to‘sqinlik qiluvchi choralarni ko‘rish;
• -uzoqdan boshqariladigan kommutatsion apparatlarning kalitlariga, qo‘l bilan boshqariladigan yuritmalarga ta’qiqlovchi shiorlarni osish;
• -odamlarni elektr toki bilan jarohatlanishdan saqlash maqsadida, yerga ulash zarur bo‘lgan tok o‘tkazuvchi qismlarni yerga ulashdan oldin, ularda kuchlanish yo‘qligini tekshirish;
• -yerga ulagichni o‘rnatish (erga ulagich pichoqlarini ulash, ko‘chma yerga ulagichni o‘rnatish);
• -ish joylarini yoki kuchlanish ostida qolgan boshqa tok o‘tkazuvchi qismlarni to‘sish va to‘siqlarga zarur bo‘lgan taqdirda, xavfsizlik shiorlarni osish;
• -mahalliy sharoitga qarab, o‘chirilgan tok o‘tkazuvchi qismlar yerga ulashdan oldin yoki keyin, to‘siqlar bilan ajratish;

• 1000 V kuchlanishdan yuqori elektr uskunalarida kommutatsion apparatlarni o‘chirish yo‘li bilan, ko‘rinadigan oraliqlar hosil qilinishi kerak.
• Ko‘rinadigan oraliqlar saqlagichini olib qo‘yishi, hamda ajratgich va bo‘lgichlar orqali bajariladi (apparat ichiga prujinali avtomatik ulanadigan kommutatsion apparatlar bundan istisnodir).

• Kuch va kuchlanish transformatorlarining ajratilgan qismlarida ishlaganda, ulardagi kuchlanish qayta transformatsiyasini yo‘qotish uchun, ushbu transformatorlar 1000 V kuchlanishgacha bo‘lgan tomonidan ham o‘chirilishi zarur
• Ish joyini tayyorlashda qo‘l bilan boshqariladigan ajratgich va bo‘lgichlar o‘chirilganidan so‘ng, ularning to‘la o‘chganliklarini sinchiklab ko‘rib, ularda shuntlovchi ulamalar yo‘qligi to‘g‘risida, to‘la ishonch hosil qilish kerak.