«Molla Nəsrəddin» jurnalı. İllüstrasiyalarla çap olunan ilk həftəlik Azərbaycan satirik jurnalıdır. Birinci nömrəsi 1906-cı il aprelin 7-də Tiflisdə işıq üzü görüb. 1906-1918-ci illərdə Tiflisdə, 1921-ci ildə Təbrizdə, 1922-1931-ci illərdə Bakıda nəşr olunmuşdur. Redaktoru və naşiri böyük ədib Cəlil Məmmədquluzadə idi. Ö.F.Nemənzadə, M.Ə.Sabir, Ə.Haqverdiyev, Ə.Nəzmi, Ə.Qəmküsar, M.S.Ordubadi, M.Möcüz, Ə.Əzimzadə və digər sənətkarlar jurnalda əməkdaşlıq etmişlər. XX əsrin əvvəllərində fəaliyyət göstərmiş görkəmli yazıçılar və şairlərimizin çoxu bu və ya başqa şəkildə jurnala müraciət etmişlər. Molla Nəsrəddin jurnalı Azərbaycan ədəbiyyatının və jurnalistikasının inkişafına böyük təkan vermişdir.
