A. Sh. Bekmurodov, Ya. K. Karrieva, I. U. Nematov, D. H. Nabiev, N. T. Kattaev xorijiy investitsiyalar

7.4.1-rasm.
Xususan o’tgan 2009 yilda investitsiya dasturi va texnik modernizatsiyalash
bo’yicha tarmoq dasturlari doirasida 690 ta investitsiya loyihasi amalga oshirilib,
shulardan 303 tasi muvaffaqiyatli yakunlandi. Yil davomida iqtisodiyotga kiritilgan
investitsiyalarning umumiy hajmi 8,2 milliard dollarni tashkil etgan bo’lsa, bu o’tgan
2008 yilga nisbatan qariyb 24,8 foizga ko’p ekanligidan dalolatdir. Jalb etilgan
xorijiy investitsiyalarning hajmi 68 foizga o’sdi, ularning asosiy qismi
to’g’ridan-to’g’ri kiritilgan investitsiyalarni tashkil etdi.
2009-2014 yillarda amalga oshirish ko’zda tutilgan investitsion loyihalar
Dasturini to’liq amalga oshirish uchun barcha moliyaviy manbalar hisobidan jami
42,5 mlrd. dollar miqdorida mablag’ ajratilishi ko’zda tutilgan.
2010 yilda mamlakatimizda muhim strategik loyihalarni amalga oshirish uchun
3 milliard AQSh dollaridan ziyod yoki o’tgan yilga nisbatan 30 foiz ko’p xorijiy
investitsiyalar jalb qilinishini va to’g’ridan-to’g’ri xorijiy investitsiyalar hajmi 46
93

---

foizga oshishi rejalashtirilayotganligi muhim ahamiyat kasb etadi.
Bunday yirik loyihalarni amalga oshirish uchun va buning uchun ichki
resurslarni 2007 yilda tashkil etilgan Tiklanish va taraqqiyot fondi mablag’i evaziga
moliyalashtirilishi ko’zda tutilmoqda. Buning asosiy, ya’ni infratuzilma ob’ektlarini
rivojlantirish
uchun
ajratilishi
belgilanayotgan
investitsiyalarga
urg’u
berilayotganligidan asosiy maqsad – infratuzilmani rivojlantirish orqali aholi yashash
sharoitlarini yanada yaxshilash, turmush darajasini oshirish va halq farovonligini
ta’minlashga erishishdan iboratdir. Bugungi kunda faqatgina mazur jamg’arma
mablag’lari emas, balki to’g’ridan-to’g’ri xorijiy investitsiyalar, xalqaro moliya
institutlari va korxonalarning mablag’larini jalb qilish yo’li bilan iqtisodiyot
tarmoqlarini bosqichma-bosqich modernizatsiyalash, texnik va texnologik qayta
jihozlash ishlari ham amalga oshirilmoqda.