Tədris məqsədi: tələbələrə fövqəladə hallar və onların zədələyiji amilləri
haqqında lazımi biliklərin verilməsi.
Tədris vaxtı: 8 saat.
ƏDƏBİYYAT:
1. C. N. Qasımov. Mülki müdafiə. Dərs vəsaiti. Bakı, 2012-ci il.
2. C. N. Qasımov. Mülki müdafiə (məşğələlər). Dərs vəsaiti. Bakı, 2009-cu il.
Hərdi xarakterli FH-lar, əsasən, kütləvi qırğın silahlarının tətbiqi nəticəsində yaranır. Kütləvi qırğın silahlarına nüvə silahı, kimyəvi və bakterioloji (bioloji) silahlar aiddir.
KÜTLƏVİ QIRĞIN SİLAHLARI
NÜVƏ SİLAHI
KİMYƏVİ SİLAH
BAKTERİOLOJİ SİLAH
Hərdi xarakterli FH-lar
Nüvə silahı zəncirvari reaksiyalarda izotopların nüvələrinin çevrilməsi nəticəsində ayrılan enerjiyə əsaslanan kütləvi qırğın silahıdır.
İstifadə olunan nüvə yanacağının növündən asılı olaraq, nüvə silahlarını aşağıdakı növlərə bölürlər:
1. Bölünmə reaksiyasına əsaslanan nüvə silahları (atom silahları).
Nüvə bölünmə reaksiyasına əsaslanan nüvə silahlarında nüvə yanacağı kimi uran-235, uran-233 və plutonium-239 izotoplarından istifadə edilir.
2. Bölünmə-sintez reaksiyasına əsaslanan nüvə silahları (termonüvə silahları).
Sintez reaksiyalarında hidrogen izotoplarından (deyterium və tritium) və digər yüngül elementlərdən istifadə olunur.
3. Bölünmə-sintez-bölünmə reaksiyasına əsaslanan nüvə silahları (kombinə olunmuş nüvə silahları).
Bölünmə-sintez-bölünmə reaksiyasına əsaslanan nüvə silahlarında termonüvə yanacağının gövdəsi U-238 izotopundan (təbii urandan) hazırlanır və bu zaman bölünmə və sintez reaksiyalarında yaranan sürətli neytronların təsirindən U-238 izotopunun bölünməsi baş verir. Uran-238-in parçalanmasında ayrılan enerjinin hesabına partlayışın gücü 2-5 dəfə, parçalanma məhsullarının hesabına isə yerin radioaktiv zəhərlənmə dərəcəsi isə 5-10 dəfə artır.
4. Əsasını sintez reaksiyası təşkil edən nüvə silahları (neytron silahları).
