Adiak imtahan suallarinin cavablari

Fənnin vəzifələri peşəkar fəaliyyətdə uğurlu rəqabət üçün zəruri 
olan dil vasitələrindən sərbəst və qrammatik cəhətdən savadlı istifadə 
etmək, elmi bilikləri tətbiq etmək, müxtəlif informasiya mübadiləsi 
aparmaq üçün kommunikativ səriştəliliyi formalaşdırmaqdır. 
Fənnin tələbləri. Müasir təhsil ənənəvi təhsildən əhəmiyətli 
dərəcədə fərqlənir, ən mühüm tələbləri tələbələri problemlərin 
müstəqil həllini tapmağa həvəsləndirmək, onları yaradıcılıq prosesinə 
cəlb etmək, bilavasitə tədris prosesində innovativ metodları 
stimullaşdırmaq, işgüzar və akademik kommunikasiyada Azərbaycan 
dilinin rolu haqqında təsəvvür formalaşdırmaqdır. 

---

2. Ünsiyyət, kommunikasiya və işgüzar kommunikasiya. 
Ünsiyyət real fəaliyyətdir, əsas göstəricisi və vasitəsi nitqdir – daim 
şifahi və ya yazılı formada təzahür və inkişaf edir. Ünsiyyət insan 
amilidir, bütün göstəriciləri insanla bağlıdır, əsas mənbəyi insan 
təfəkkürü, intellektidir, idrakdan, davranış norması və hissi 
təsəvvürlərin məcmusundan asılı olaraq, düşüncələri büruzə verir. 
Ünsiyyətin formulu: insanlar ünsiyyətlə bir-birini tanıyırlar! Bu 
formulda insanların qarşılıqlı əlaqələrinin vacibliyi və hər birinin 
ünsiyyət fərdiliyi ehtiva olunur. “İnsan insanı yalnız ünsiyyət, qarşılıqlı 
əlaqə vasitəsilə kəşf edir və bu üsulla özünü də tanıyır”. 
İşgüzar kommunikasiya və kommunikasiya terminləri arasında real 
anlaşmada məzmun, məna fərqi vardır. Oxşarlıq özünü daha çox 
kommunikasiya anlayışında göstərsə də, onların hər birinin özəlliyi 
vardır. İşgüzar kommunikasiya kütləvi, lakin sosium arasında çox 
mürəkkəb peşəkar ünsiyyətdir. 
İşgüzar kommunikasiyanın məqsədi tərəf müqabillərin ünsiyyətə 
qoşulmaq təşəbbüsünə istiqamət vermək və onların arasında 
qarşılıqlı münasibət yaratmaqdır. 
İşgüzar kommunikasiyanın əsas funksiyaları informasiyavericilik 
(həqiqi, yaxud yalan məlumatların verilməsi), interaktivlik (insanlar 
arasında qarşılıqlı fəaliyyətin təşkili), perspektivlik (ünsiyyət 
tərəfdaşlarının bir-birini “həzm etməsi”). 
İşgüzar kommunikasiya və kommunikasiya müəyyən informasiya 
prosesində dərketmənin nəticəsinə görə bir-birindən fərqlənir. 
İşgüzar kommunikasiya və kommunikasiya anlayışları arasındakı 
fərq bu prosesdəki nomenklatur atributlardır: hərəsinin nitq 
prosesində öz üstünlüyü vardır. Formal mövqeləri iştirakçıların və 
danışanların sayına görə fərqlənməsidir: işgüzar kommunikasiyada 
monoloq, işgüzar ünsiyyətdə isə dialoq. 

---