Binar qidiruvning asosiy g'oyalaridan biri ketma-ket ikkiga bo'lishga asoslanadi, ya'ni berilgan x ni massivning o'rtadagi elementi bilan solishtiradi, agar katta bo'lsa oxiri va o'rtasi orasidagi massivni oladi, agar kichkina bo'lsa boshi va o'rtasi orasidagi massivni oladi, va har safar shu jarayon takrorlanib boradi toki x element solishtirilayotgan massivning elementga teng bo'lgunicha yoki massivning elementlari qolmaguncha.
8.1. Kenglik bo’yicha izlash algoritmlari
Kenglik bo’yicha izlash algoritmi grafni o’tib chiqish va yo’l izlash metodi hisoblanadi. Bizga graf uchlar va bog’lanishlar to’plamlari sifatida beriladi. Yana boshlang’ich uch va oxirgi uch(maqsad uch) beriladi. Boshlang’ich uchdan ohirg uchga boradigan eng qisqa yo’lni topish kerak.
Kenglik bo’yicha izlash algoritmida barcha uchlar grafning alohida sathlariga ajratiladi va bu sathdagi uchlar ketma-ket ko’rib chiqiladi. Qidiruv qandaydir boshlang’ich uch orqali boshlanadi. Qidiruv v uchga kelgan vaqtida unga qo’shni bo’lgan barcha uchlarni ko’rib chiqamiz. Agar qo’shni uch hali ko’rilmagan bo’lsa bu uchni navbatga qo’yamiz.
Kenglik bo’yicha izlash algoritmi quyidagi tartibda bo’ladi(noformal tavsifi):
Qidiruv boshlanadigan dastlabki uchni bo’sh bo’lgan navbatga joylashtiramiz.
Navbatdagi birinchi uchni olamiz va uni navbatdan o’chirib tashlaymiz
Navbatdan olingan uchga qo’shni bo’lgan barcha uchlarni ko’rib chiqamiz. Agar u hali ko’rilmagan bo’lsa bu uchni ko’rilgan uchlar qatoriga qo’shamiz va bu uchning o’zini navbat oxiriga qo’shamiz.
Agar navbat bo’sh bo’lsa boshlang’ich uch orqali yetib borib bo’ladigan barcha uchlar ko’rib chiqilib bo’lingan bo’ladi va qidiruvni to’xtatishimiz mumkin.
8.2.Izlash masalasi uchun algoritmlar.Chiziqli qidiruv.
Aytaylik bizga massiv berilgan:
A={1,2,3,4,5,6,7,8,9,10}
Bizga ushbu massivda biron bir element bor yoki yo'qligini tekshira oladigan algoritm tuzish sharti qo'yilgan.
Ushbu masalani yechishda eng birinchi hayolga keladigan usul - bu massivni ketma-ket har bir elementini solishtirib chiqish va bu usul:
Chiziqli qidiruv - Linear Search deb ataladi, va bu usul algoritmi quyidagi ko'rinishda:
