|
Laborator məşğələ. Laborator məşğələ orta ümumtəhsil məktəblərində də, orta və ali ixtisas məktəblərində də təşkil edilir. Fəndən və ixtisasdan asılı olaraq laboratoriyalarda təşkil edilən məşğələlərin məzmunu və aparılma üsulları başqa-başqa olur. Buna baxmayaraq, bütün mərhələlərdə keçirilən laborator məşğələlər üçün ümumi olan cəhətlər vardır. Məsələn, fəndən asılı olaraq, laborator məşğələ zamanı tələbələr (şagirdlər) ya fiziki, ya fizioloji, ya kimyəvi, ya bioloji, ya texnoloji və s. prosesləri bilavasitə müşahidə etmək imkanına malik olurlar. Onlar çox halda həmin proseslərin təşkilatçıları və tədqiqatçılarına çevrilirlər.
Laborator məşğələnin başlıca məqsədi fənnin elmi-nəzəri əsaslarını daha dərindən mənimsətməkdən, müxtəlif cihazlardan və müasir texnikadan istifadə etməklə eksperiment qoymaq üsullarına və bacarıqlarına yiyələnməkdən ibarətdir.
Fənnin xüsusiyyətlərindən və təhsil müəssisəsinin imkanlarından asılı olaraq laborator məşğələni frontal, qrup və fərdi formada təşkil etmək olur.
Dostları ilə paylaş: |
