Amaliy mashg’ulоt №5 Mavzu

Amaliy mashg’ulоt №5 Mavzu

AMALIY MASHG’ULОT №5
Mavzu: Koʻrish oʻtkirligi va koʻrish maydonini aniqlash. Golovin jadvali orqali koʻrish oʻtkirligini aniqlash. Perimetr asbobi yordamida koʻrish maydonini aniqlash.
1.Mashg’ulot maqsadi: : Koʻrish oʻtkirligi va koʻrish maydonini aniqlash. Golovin jadvali orqali koʻrish oʻtkirligini aniqlash. Perimetr asbobi yordamida koʻrish maydonini aniqlash.

2.Umumiy tushuncha. Ko’z yordamida odam tevarak-atrofdagi buyumlarning rangi, tuzilishi, hajmi, bir-biridan farqini ajratadi, o’simlik va hayvonot olamini o’rganad i, rassomlik, me’morlik, san’atlarining mahsulotlaridan bahramand bo’ladi. Ko’rish orqali odamning ichki dunyosi boyiydi. Uning tevarak-atrof, tabiat, san’at haqidagi tushunchasi ortadi, fikrlash qobiliyati, aql idroki, ongi rivojlanadi. Ko’z bosh suyagining maxsus chuqurchasida ko’z kosasida joylashgan. Ko’z, ko’z soqqasidan, ko’rish nervi va yordamchi qismlardan (ko’z soqqasini harakatlantiruvchi musklar va ulaning nervlari, qovoq va kipriklar, yosh bezlari, qon tomirlari) iborat.

3.Mashg’ulot anjomlari: Ko’rish o’tkirligini aniqlash uchun Golovin jadvali ko'rsatgich tayoqcha.

4.Tajribani o’tkazish tartibi.
1. Galovin jadvali yorug’lik yaxshi tushadigan devorga osib quyiladi.


2. Tekshiriluvchi jadvaldan 5metr narida tik turadi yoki o’tiradi. (jadvalning baland pastligiga qarab). U avval chap ko’zini bekitib, o’ng ko’zi bilan jadvalni yuqori qatoridan pastki qatoriga tomon o’qiydi.

3. Tekshiruvchi jadval yonida turib, ko’rsatkich bilan jadvaldagi harflarni yuqori qatordan, pastki qatorga tomon ko’rsatadi.

4. Tekshiriluvchi ma’lum qatorga kelib harflarni to’g’ri aniqlay olmasa, o’sha qatordan yuqoridagi qatorning ko’rsatkichi uning ko’z o’tkirligini bildiradi. Shu qatorning boshida yozilgan raqamga ko’ra, uning ko’z o’tkirligi belgianadi. O’ng ko’zdan so’ng, chap ko’zning ko’rish o’tkirligi aniqlanadi.

Izoh: ko’rish o’tkirligi me’yoridagi odam jadvalning 10-qatorigacha harflarni ikkala ko’zi bilan alohida-alohida ko’ra oladi. Shunda ko’zlarning ko’rish o’tkirligi 1,0 deb belgilanadi. 10 qatordan yuqoridagi qatorlarni ko’ra olganda, ko’rish o’tkirligi har qaysi qatorga 0,1 ga kamaya boradi. Masalan 9 qator-0,9 qator.


Ko’rish maydonini aniqlash.
Ko’z bir nuqtaga qarab turganda, atrofdagi ko’zga ko’rinayotgan maydoni, ko’rish maydoni deb ataladi. Odamlarda ko’rish maydoni har xil bo’lib, bu ko’z soqqasining formasiga, uning joylanish chuqurligiga, qosh usti yoyi va burunning shakliga hamda to’r qavatning funksional holatiga bog’liq. Rang (xromatik) va rangsiz (axromatik) ko’rish maydini farqlanadi. Axromatik ko’rish maydoni, xromatik ko’rish maydonidan katta bo’ladi, chunki axromatik ko’rish to’r qavatning asosan chet (periferik) qismida joylashgan tayoqchalarning faoliyati bilan bog’langan. Har xil ranglar uchun ko’rish maydoni bir xil bo’lmay, balki sariq rang uchun eng katta, yashil rang uchun esa eng tor. Axromatik ko’rish mayonining chegarasi quyidagicha: tashqaridan-1000 gacha, ichki va yuqoridan- 600 va pastdan -650.


Ish anjomlari. Forster perimetri, har xil rangli markalar, sirkul, chizg’ich, rangli qalamlar.

Tajriba o’tkazish tartibi. Ko’rish maydoni Forster perimetr yordamida aniqlanadi. Perimert yorug’lik qarshisiga o’rnatiladi. Tekshiriluvchi yorug’likka nisbatan orqa tomoni bilan o’tirgach, perimetr shtativining o’yilgan joyiga iyagini qo’yadi. Agar chap ko’zning ko’rish maydoni aniqlanadigan bo’lsa, iyak taglikning o’ng qismiga qo’yiladi. Taglikning balandligi shunday boshqariladiki, bunda ko’z kosasining pastki chegarasi, shtativnnig yuqori chegarasiga to’g’ri kelsin. Tekshiriluvchi nigoh perimetr markazidagi oq nuqtaga qaratilgan holda ikkinchi ko’z qo’l bilan yopilishi kerak. Perimetr yoyi gorizontal holatga qo’yilib, o’lchash boshlanadi. Buning uchun oq marka yoyning ichki yuzasi bo’ylab, 900 dan 00 ga tomon sekin olib kelinadi va tekshiriluvchi oq nuqtaga qarab turgani holda markani ko’rayotganini aytish kerak. Tekshiruvchi to’g’ri kelgan burchakni aniqlab, ikkinchi marta yana tekshiradi. Ko’zning qancha ko’p meridiani bo’yicha ko’rish maydoni aniqlansa, shuncha u aniq bo’ladi. bu usul (tashqi, ichki) va vertikal (yuqori, pastki) bo’yicha aniqlash bilan chegaralanishi mumkin.
Oq marka rangli markaga almashtirilib, yuqoridagi usulga asosan rang ko’rish maydoni aniqlanadi va tekshiriluvchi faqat markani ko’rmasdan, balki uning rangini ham aniq bilishi kerak. Ko’rish maydonini ko’k yoki bir necha ranglarda aniqlash mumkin.

5. Amaliy mashg`ulotda ishlash va tajribani rasmiylashtirish
a) kuzatuvlar va olingan natijalar
b) olingan natijalar muhokamasi
c) xulosa
6. Nazorat savoli
1. Ko`zning tuzilishini aytib bering?
2. Ko`zning gigienasi haqida so`zlab bering?

3. Ko`rish o`tkirligi nimalarga bog`liq?

4. Ko`rish maydonini aniqlashni tushuntirib bering?
http://fayllar.org