Andijon mashinasozlik instituti

Amaliy mashg‘ulot № 7


Mavzu: Avtomobillarni servis xizmatiga qabul qilish va egasiga qaytarish


I. Ishdan maqsad:
Respublikamizning ilg‘or ATXKSlaridan birida avtomobillarni xizmatga qabul qilish va egasiga topshirish ishlari, bunda ishlar nomi va xajmini belgilashni o‘rganish, to‘ldiriladigan xujjatlar bilan tanishish bo‘yicha ko‘nikmalar xosil qilish.


II.Ishning mazmuni:

Avtomobillarni servis xizmatiga qabul qilish va egasiga topshirish tartibi va qoidalarini o‘rganishdan iborat.

_{III.Ishni bajarish joyi.}
Amaliy mashg‘ulot Respublikamizning ilg‘or ATXKSlaridan birida bajariladi.
IV.Ishni bajarish tartibi:
1.Darsning birinchi yarim bo‘limida o‘qituvchi tomonidan talabalarga qisqacha nazariy bilimlar eslatib o‘tiladi. Nazariy qismning asosiy mazmuni ATXKS da avtomobillarni servis xizmatiga qabul qilish va egasiga topshirish tartibi va qoidalarini eslatishdan iborat.
2.Talabalarning keyingi faoliyatlari o‘qituvchi topshirig‘iga asosan, laboratoriya ishining hisobot qismida qayd etilgan ishlar asosida avtomobillarga texnik xizmat ko‘rsatish korxonasinida avtomobillarni servis xizmatiga qabul qilish va egasiga topshirish tartibi va qoidalari bilan tanishadilar, bunda ishlar nomi va xajmini belgilashni o‘rganish, to‘ldiriladigan xujjatlar bilan tanishishadilar va takliflar ishlab chiqadilar.


_{V. Umumiy malumotlar:}

Avtomobillarni servis xizmatiga qabul qilish va egasiga topshirish tartibi va qoidalari. Avtomobillarni servis xizmatiga qabul qilish avtomobil uning agregatlari, uzellari va tizimlarining texnik xolatini aniqlash bajariladigan ishlar xajmini va muddatini belgilash, shuningdek, zarur xujjatlarni to‘ldirish, mijozlar bilan muomala qilish kabi faoliyatdir. Shuningdek, qabul qilish jarayonida sarf bo‘ladigan extiyot qismlar, materiallar miqdori va taxminiy xaqi xam kelishilib olinadi. Albatta avtomobillarni servis xizmatiga qabul qilish xam korxona yoki soxa raxbariyati tomonidan tasdiqlangan maxsus qoidalar asosida amalga oshiriladi.

Avtomobillarni servis xizmatiga qabul qilishdan oldin avtomobillar albatta yuvilishi va undan keyin avtomobillarni qabul qilish va egasiga topshirilish joyiga kelishi lozim (1-rasm)
Avtomobil egasi - mijoz bilan kelishilgan xolda va uning ishtirokida avtomobil to‘la ko‘zdan kechirilib chiqiladi, uning umumiy texnik xolati, ayniqsa xarakat xavfsizligini ta’minlovchi tizimlariga katta e’tibor bergan xolda aniqlanadi. (1-rasm).
Qabul qilish paytida avtomobildagi barcha nosozliklar sababini aniqlashning imkoniyati bo‘lmagan xollarda u diagnostika postlariga yuboriladi va maxsus stendlar, o‘lchov-nazorat asboblari yordamida uning texnik xolati aniqlanadi.



1-rasm. Avtomobillarni qabul qilish va egasiga topshirilish joyi
Avtomobillarni ko‘rikdan o‘tkazish va servis xizmatiga qabul qilish davomida uning butligi va texnik xolatiga maxsus talablar qo‘yiladi. Albatta, avtomobilning markasi va rusumi uning texnik pasportiga mos bo‘lishi, agregatlari va barcha qismlari zavod maxsuloti bo‘lishi shart, yasama detallar qo‘yilgan va konstruksiyalarga o‘zgartirishlar kiritilgan xolda avtomobil xizmatga qabul qilinmaydi.
Ko‘pchilik avtomarkazlarda va avtomobillarga texnik xizmat ko‘rsatish stansiyalarida avtomobilni xizmatga qabul qilish uni tashqi va ostki tomondan yuvish, motor bo‘linmasini shlang yordamida yuvish, salonni tozalash va quritib artishdan boshlanadi. Bu ishlar ko‘pchilik xollarda avtomatik rejimda ishlovchi yuvish-quritish komplekslari yordamida bajariladi. Avtomobillar qabul qilish uchun ishlab chiqarish binosining kiraverishida maxsus joy ajratiladi va jixozlanadi. Avtomobilning ostki qismlarini ko‘rib, nazorat qilib chiqish uchun uchastkaga to‘rt tirgakli ko‘targichlar yoki estakadalar o‘rnatiladi, ayrim xollarda qarov chuqurlaridan xam foydalanish mumkin. Qabul qiluvchi mutaxasis to‘la komplekt chilangarlik asboblari va ayrim yengil diagnostik priborlar, masalan, gazoanalizator, lyuft o‘lchagich, akkumlyatorlar zaryadini tekshiruvchi uchi ayri asbob va x.k lar, bilan ta’minlanadi.
Xajmi va qiymati o‘zgarmas bo‘lgan ishlar, masalan., yuvish, tozalash, avtomatik diagnostika, moy almashtirish, va x.k. bajarish uchun avtomobillarni qabul qilish osonlashadi.
Buning uchun avtomobil egasi buyurtmalar stolidan chipta oladi va xizmatga o‘taveradi. Avtomobilni nazorat qilgandan va uning xolati aniqlangandan so‘ng avtomobil egasi bilan kelishilgan xolda bajariladigan ishlarga buyurtma to‘ldiriladi va xizmat narxi belgilanadi. Bunda qaysi ishlar bajarilishini tanlash xuquqi mijoz tomonida bo‘ladi. Xizmat narxi maxsus narx nomalar (preyskurantlar) asosida qo‘yiladi. Shuningdek, sarf bo‘ladigan extiyot qismlar va materiallar xaqida mijoz bilan kelishilib buyurtma yoziladi, bular uchun aloxida xaq to‘lanadi.
Shuningdek, xizmat ko‘rsatishda avtomobil egasi, mijoz keltirgan extiyot qismlar va materiallar xam ishlatilishi mumkin, faqat ular texnik talablarga javob berishi shart.
Avtomobil qabul qilingandan so‘ng ishchi postlariga qo‘yiladi yoki maxsus kutish joylariga o‘tkaziladi. Qabul qilish vaqti o‘rtacha 20-30 daqiqani tashkil etadi. Barcha zarur ishlar bajarib bo‘lingandan so‘ng avtomobil egasiga topshirish uchun yana qabul qilingan uchastkasiga keltiriladi va maxsus texnik nazoratdan o‘tkaziladi. Buyurtmada ko‘rsatilgan barcha ishlarning bajarilganligi, ularning sifati, avtomobilning umumiy xolati va butligi yana bir karra texnik nazoratdan o‘tkazilib, egasiga taqdim etiladi yoki tayyor avtomobillar qatoriga qo‘yiladi. Avtomobil qabul qilib olinganlik to‘g‘risida uning egasi buyurtmaga imzo chekadi va xizmat xaqi to‘langach avtomobilini olib ketadi. Avtomobilni topshirish vaqtida agar uning egasi buyurtmadagi ishlarni bajarishdan qoniqish xosil qilmasa, uning xaqli e’tirozlari qondiriladi.
Odatda ATXKSlarda qabul qilish va egasiga topshirish postlari birlashtirilib bir joyda tashkil etiladi va qabul qilib olgan mutaxassis xodimning aynan o‘zi avtomobilni yana egasiga topshiradi.

_{Amaliy mashg‘ulot bo‘yicha hisobot}
1.Ishdan maqsad:
2.Ishning mazmuni:
3.Ishni bajarish joyi:
4.Umumiy malumotlar:
5. Avtomobillarni xizmatga qabul qilish tartibi:
6. Avtomobillarni xizmatga qabul qilishda to‘ldiriladigan xujjatlar:
7. Avtomobillarni xizmatga qabul qilishda bajariladigan ishlar xajmini aniqlash:
8. Avtomobillarni ularga xizmat ko‘rsatish uchastkalariga yo‘naltirish:
9. Xizmat ko‘rsatilgach yoki ta’mirlangan avtomobillarni texnik nazoratdan o‘tkazish:
10. Avtomobillarni egasiga qaytarish tartiblari:
11. Avtomobillarni xizmatga qabul qilish va egasiga topshirish bo‘yicha xulosa va takliflar: