Аутоген машқлар (аутотренинг) техникаси

Zo’riqishni bartaraf etish
(neytrallash) uslublari

	Uslub nomi	Uslub tavsifnomasi
1.	Rejalashtirish	Muammolarni (shaxsiy va xizmatdagi) echishni keyingi kunga yoki yaqin kelajakka rejalashtirish lozim. Rejalarda shaxsiy maqsadlar bilan tashkilot maqsadlari mutanosib bo’lishi kerak.
2.	Jismoniy mashqlar	Jismoniy mashqlar kun davomidagi zo’riqishlarning oldini olishga yordam berishi mumkin. Chunki ular salbiy energiya chiqishi uchun yaxshi vosita hisoblanadi va organizmning umumiy ahvoliga ijobiy ta’sir ko’rsatadi.
3.	Psixoterapiya	Psixoterapevtga murojaat qilish lozim. U mavjud zo’riqishli vaziyatdan kelib chiqqan holda maxsus mashqlarni va individual tartibda izchil ish olib borish uchun professional mutaxassisni tavsiya etadi.

Autogen trenirovkasi mashqlarini amalda ishlata bilish – harbiy xizmatchilarda zo’riqishli holatlarning oldini olish asosidir!
Qurolli Kuchlarimiz tizimida olib borilayotgan islohotlarning maqsadi vatandoshlarimizning barqaror hayot kechirishlarini ta’minlovchi armiyamiz safini etuk harbiy xizmatchilar bilan butlash hamda mamlakat fuqarolarida himoyalanganlik haqida real tasavvurni, milliy g’ururni shakllantirishdan ham iboratdir. Shuning uchun, Qurolli Kuchlar haqida, uning saflarida faoliyat yuritib kelayotgan insonlar xususida ommaviy axborot vositalari sahifalari hamda televidenie va radioda chiqishlar uyushtirish, ocherklar yozishni tashkil etish maqsadga muvofiqdir. Shu o’rinda ta’kidlash kerakki, mamlakatimizda harbiy mavzuda qalam tebratadigan ijodkorlar kam. Lekin, ularning yozgan roman, ocherk va hikoyalari o’quvchiga ijobiy ta’sir ko’rsatishi aniq. Masalan, Irismuhammad Abdukarimovning «Men general bo’laman» asari yoshlarimizni harbiy kasbga yo’naltirishga va uni egallash uchun ta’limiy-tarbiyaviy sinovlardan o’tishga chorlaydi. Yoki O’tkir Hoshimov, Qo’chqor Norqobilning urush hayotidan olib yozilgan ba’zi roman, qissa va hikoyalari, serqirra ijodkor, telejurnalist va yozuvchi Abdurashid Nurmurodovning «Qonli yo’rgaklar», «Urush bevalari» kabi asarlari tinchlikning inson hayoti uchun, mamlakat uchun qanday muhim ekanligini idrok etishga yordam beradi. O’quvchi urushning mohiyatini, barqarorlik ne’mati mazmunini urushga ketgan erlari halok bo’lgan qishloq ayollari siymosi va hayoti bilan tanishganidan so’ng juda yaxshi tushunib oladi. Agarda, maktab o’quvchilariga bu kabi asarlar mustaqil o’qish uchun tavsiya etilsa, yoki qo’shimcha darslar doirasida keng muhokama etilsa, yoshlarimizda vatanparvarlik haqida o’ziga xos ijtimoiy tasavvurning shakllanishi uchun zamin yaratiladi, faxriylar va keksa avlodga ehtirom yanada oshadi.