Avtomatikada paydalanatug`ın tiykarg`ı logikalıq elementlerdi u`yreniw ha`m tiykarg`ı funktsiyaların sınaw

4. Logikalıq algebrasının` tiykarg`ı tu`sinikleri
Logikalıq algebrası bul 0 ha`m 1 shamalarında qabıl qılınıp o`zger-meli ma`nisler arasındag`ı qatnaslardı u`yretetug`ın, analiz ha`m sintez qılıwshı matematikalıq apparat. Bul eki ma`nistegi ha`r qıylı o`z-ara qarama qarsı ha`diyseler, sha`rt ha`m jag`daylar qoyıladı. Mısalı kontakttın` jalg`anıwı -1 kontakttın` ajıralıwı 0: signal bar bolıwı – 1, signaldın` joqlıg`ı -0: twyıq shınjır-1, ashıq shınjır- 0.
Bul jerde usını na`zerde tutıw kerek, 0 ha`m 1 sanları kolemnin shamasın an`latpaydı ha`m san da emes, ba`lkim olar simvol bolıp esap-lanadı.
Logikalıq o`zgeriwshen` dep tek g`ana eki 0 ha`m 1 ma`nislerin qabıl qılıwshı shamalarg`a aytıladı.
Logikalıq funktsiya dep argumentleri sıpatında tek g`ana 0 ha`m 1 ma`nisleri qabıl qılıwshı funktsiyag`a aytıladı.
Logikalıq funktsiyalarda kiriwdegi ha`m o`zgermeli ma`nislerdin` ha`r tu`rli amallari termalar delinedi. Kiriwdegi o`zgermeli ha`m logikalıq funktsiyalar ma`nisleri terması funktsiyanın` haqqıyqıy grafigi delinedi. Grafikten paydalanıwdın` itibarlı ta`repi sonda, funktsiyanın` matematika-lıq jazıwı, onın` quramın ha`mme waqıt ham ko`rsete bermeydi. Bul bo`lim boyınsha qosımsha a`debiyat "Esaplaw texnikası" kursında usınıs etiledi.

1. 
   Ta`jriybe qurılmasının` qısqasha xarakteristikası
   

Laboratoriya stendinde logikalıq elementler ornatılg`an. Olardın` ja`rdeminde 10 logikalıq funktsiyanı (yamasa, ha`m, emes, yamasa – emes, ha`m - emes, biykarlaw, implikatsiya, este saqlaw, uslap turıw, ta`krarlaw) orınlaw mu`mkin.
Logikalıq elementlerge "TARMAQ" tumblyori jalg`anıwı menen elektr energiyası u`ziledi. Paneldegi B<sub>1</sub> ha`m B₂ ma`nisler ja`rdeminde 0 ha`m 1 kiriw signalları uzatıladı. Signallar tumblerden sa`ykes tu`rde 1 ha`m 2 klemmalarına beriledi. Bul klemmalar bolsa sxemag`a jalg`anadı. Logika-lıq elementlerdin` kiriw jeri stendtegi printspial sxemag`a baylanıslı klemmalarg`a shıg`arılg`an.