Avtomatlaşdırmanın əsasları” fənnindən mühazirələr. Giriş

2. Avtomatlaşdırmanın strukturu
İstehsal prosesləri neft emalı, poladtökmə və avtomobil zavodlarının nümunəsində nəzərdə keçirildikdən sonra avto­matlaşdırmanın əsas vəzifələrinin strukturlaşdırılmasına baxaq.

Avtomatlaşdırmanın əsas vəzifələri prinsipial olaraq ya av­to­matlaşdırılmanın mərkəzləşdirilmiş, ya da qeyri-mərkəz­ləş­dirilmiş strukturu tərəfindən həll edilə bilər. Bunun üçün hansı strukturun daha münasib olması avtomatlaşdırılması zəruri olan prosesdən və ya istehsal tsiklindən asılıdır.

Bir çox proseslər altproseslərdən və ya yarimpro­ses­lər­dən ibarətdir və texniki nöqtəyi-nəzərdən qeyri-mər­kəzləş­dirilmiş olaraq strukturlaşdırılır. Bu çür hallarda yuxarı səviy­yədə yerləşən proses, ona tabe olan prosesin işini ko­ordinasiya edir. Qurğunun və prosesin mürəkkəbliyindən və kəmiyyətlə­rindən asılı olaraq bir-birinə tabe olan müxtəlif səviy­yəli avto­mat­laşdırma strukturu yaradılır. Avtomatlaşdırmanın bu cür strukturu ierarxik avtomatlaşdırma strukturuna gətirib çıxarır.