Azərbaycan jurnalının mətbuatda yeri” mövzusunda kurs iŞİ Kafedra müdiri: Prof. C. Məmmədli Kurs işi rəhbəri: G. Məmmədova Bakı-2022

Azərbaycan Respublikası Təhsil Nazirliyi
Baki Dövlət Universiteti

Jurnalistika fakultəsi qiyabi şöbə IV kurs JK-010 tələbəsi İsmayılov Əsgərin “Azərbaycan jurnalistikası tarixi-2” fənnindən
“Azərbaycan jurnalının mətbuatda yeri”
mövzusunda
KURS İŞİ

Kafedra müdiri: Prof.C. Məmmədli
Kurs işi rəhbəri: G.Məmmədova

Bakı-2022
Mündəricat

1. 
   Giriş………………………………………..………….………...…………..3
   
2. 
   “Azərbaycan” jurnalının tarixi və mətbuatda yeri…….………………..4
   
3. 
   Nəticə……………………………………………………………………....13
   
4. 
   Ədəbiyyat siyahısı…………………………………….…..................……14
   

Giriş

Xalqın ədəbi-mədəni, ictimai-siyasi həyatı ilə sıx bağlı olan milli-demokratik mətbuat yalnız informasiya yaymaq missiyasını həyata keçirmir, o, eyni zamanda maarifçilik ideyalarını təbliğ edən, cəmiyyətin təkamülündə misilsiz rol oynayan, estetik zövq aşılayan çoxşaxəli, polifonik təbliğat sistemidir. Bəşəriyyətin tərəqqisi, milli şüurun oyanışı və milli özünüdərk prosesinin yüksəlişində mətbuatın müstəsna yeri və əhəmiyyəti vardır. Azərbaycan xalqının dövlətçilik ideyalarının formalaşmasında milli mətbuatın rolu əvəzolunmazdır.
Ümummilli lider Heydər Əliyev mətbuatın bu istiqamətindəki vəzifələrini belə ümumiləşdirmişdir: “Mətbuat demokratiyanı dərinləşdirən, siyasi inkişafa təkan verən qüdrətli vasitədir. Bu gün əsas vəzifə onun geniş imkanlarından milli dövlət quruculuğunda, demokratik dəyərlərin bərqərar edilməsində, sivil vətəndaş cəmiyyətinin formalaşmasında, islahatların həyata keçirilməsində, insanların mənəvi saflaşmasında səmərəli istifadə etməkdən ibarətdir. Mətbuat həyatın güzgüsü, həqiqətin carçısı olmalıdır, insanları yüksək ideallar uğrunda mübarizəyə səsləməli və səfərbər etməlidir”
Mürəkkəb, ziddiyyətli və şərəfli inkişaf yolu keçmiş milli mətbuatımız həmişə xalq həyatının güzgüsü olmuşdur. Mətbuat yaradıcılığının tərkib hissəsi olan publisistika, o cümlədən bədii publisistika sənətkarla oxucu arasında operativ ünsiyyət yaradan, sinkretik xarakterli, öz spesifikasını müəllif tendensiyası ilə açan, ölkənin ictimai-siyasi və ədəbi-mədəni həyatında intensiv rol oynayan yaradıcılıq sahəsidir.
Milli mətbuatımızın əvəzsiz örnəklərindən olan “Azərbaycan” jurnalı mənsub olduğu adını daşıyana qədər, 30 il müddətində ictimai və siyasi proseslərlə əlaqədar olaraq dəfələrlə adı dəyişdirilmişdir.