Azərbaycan Memarlıq və İnşaat Universiteti Fakültə: Tikinti-iqtisad Kafedra: Biznesin iqtisadiyyatı və menecment

7.3. Menecerlər və digər maraqlı şəxslər üçün korporativ mədəniyyə­tin prinsipləri

Şirkətin menecerləri üçün korporativ mədəniyyətin prinsipləri:

• 
  menecerlər öz əmlakını itirmək riskini daşımırlar. Yal­nız mülkiyyətçilərin pulları ilə risk edirlər. Onlar üçün aşağıda­kılar tövsiyə olunur:
  
• 
  öz səlahiyyətlərindən suiistifadə etməmək;
  
• 
  qərəzli davranışlarla şirkətin səhmdarlarına zərər verməmək;
  
• 
  şirkət üçün zərər riskinin yaranması halında dərhal şirkətin direktorlar şurasını məlumatlandırmaq;
  
• 
  direktorlar şurası tərəfindən hazırlanmış etik qaydaları şirkət fəaliyyətinə daxil etmək;
  
• 
  öz vəzifələrini vicdanla və təşəbbüslə yerinə yetirmək;
  
• 
  direktorlar şurası qarşısında qərəzli şəkildə hesabat verməmək;
  
• 
  öz fəaliyyətində qanunvericilik, şirkətin təsis və daxili sənədlərinin tələblərinə əməl etmək və şirkətin işçilərinin buna riayət etməsini tələb etmək;
  
• 
  işçilərin maraqlarını nəzərə almaq, onlar üçün layiqli əmək şəraiti yaratmaq.
  

Korporativ mədəniyyətin prinsipləri kimi şirkətin və onun rəqibləri üçün qarşılıqlı fəaliyyətin ümumi etik normaları sırasında aşağıdakıları qeyd etmək olar:

• 
  qarşılıqlı hörmət;
  
• 
  rəqabət mübarizəsinin qeyri-etik metodlarından imtina;
  
• 
  ticarət və investisiyalaşma üçün açıq bazarların inkişafına kömək etmək.
  

Malsatanlar və xidmətgöstərənlərlə münasibət prinsipləri aşağıdakılardı:

• 
  nəzakətli qiymətəmələgəlmə, lisenziyalaşma;
  
• 
  lazımsız məhkəmə tədqiqatlarının ixtisar olunması;
  
• 
  uzunmüddətli və sabit münasibətlərin inkişafı;
  
• 
  məxfi olmayan informasiyaları paylaşmaq;
  
• 
  imzalanmış müqavilə şərtlərinə müvafiq olaraq vaxtında ödəmə.
  

İstehlakçılarla münasibət prinsipləri aşağıdakılardı:

• 
  istehlakçıların tələbatları və ehtiyaclarına müvafiq olaraq məhsul və xidmətlərin keyfiyyətinin təmin olunması;
  
• 
  düzgün rəftar, səhmdar cəmiyyətin məhsul və xidmətlərinin istehlakçılara, onların sağlamlığının mühafizəsinə, ətraf mühitin vəziyyətinin yaxşılaşdırılımasına zəmanət vermək;
  
• 
  məhsul və xidmət (səhmdar cəmiyyətin) istehlakçılarının cinsi, yaşı, irqi mənsubiyyəti və sairdən asılı olmadan hüquqlarının pozulmasına yol verməmək;
  
• 
  marketinq və reklam daxil olmaqla, məhsul və xidmət istehlakçılarına təqdim olunan məhsul və xidmətlərə görə insani ləyaqətə hörməti təmin etmək (zəmanət vermək);
  
• 
  istehlakçıların ümumi mədəniyyətlərinə hörmət etmək.