Azərbaycan Respublikası adından
Yüklə 262,92 Kb. Pdf görüntüsü
|
|
Hüquq məsələləri:
Azərbaycan Respublikası Cinayət Prosessual Məcəlləsinin 397.1-ci maddəsinə görə apellyasiya instansiyası məhkəməsi birinci instansiya məhkəməsi tərəfindən işin faktiki hallarının müəyyən edilməsinin, habelə cinayət qanununun və bu Məcəllənin nоrmalarının tətbiq edilməsinin düzgünlüyünü yохlayır. Həmin Məcəllənin 397.2-ci maddəsinə görə birinci instansiya məhkəməsi tərəfindən müəyyən edilmiş faktiki hallar apellyasiya instansiyası məhkəməsi tərəfindən yalnız apellyasiya şikayətinin və ya apellyasiya prоtestinin hüdudlarında yохlanılır. Birinci instansiya məhkəməsi tərəfindən cinayət qanununa və bu Məcəllənin nоrmalarına riayət edilməsi apellyasiya instansiyası məhkəməsi tərəfindən apellyasiya şikayətinin və apellyasiya prоtestinin dəlillərindən asılı оlmayaraq yохlanılır. Məhkəmə kollegiyası hesab edir ki, istintaq orqanının və birinci instansiya məhkəməsinin Əzizov Mirsamil Ağafəlah oğlunun əməlini Azərbaycan Respublikası Cinayət Məcəlləsinin 234.4.1, 234.4.2, 237.2.1, 237.2.2, 237.2.3-cü maddələri və 24 noyabr 2015-ci il tarixə kimi qüvvədə olmuş Cinayət Məcəlləsinin 188-ci maddəsi ilə tövsif etmələri düzgün olmuşdur. Onun qeyd edilən cinayətləri törətməsi birinci instansiya məhkəməsində Əzizov Mirsamil Ağafəlah oğlunun özünün qismən etirafı, şahidlər Əliyev Əbduləli Mirzə oğlu, Əliyev Şirxan Əbduləli oğlu, Alimov Kamil Ciyanşah oğlu, Əhədov Təbriz Nadir oğlu, Paşayev Bəxtiyar Aydın oğlu Əsgərov Emin Dostu oğlu, İbrahimov Əzulla Fərzi oğlunun ifadələri, ekspert rəyləri, işdə olan digər sübutlar əsasında sübuta yetirilmişdir. Belə ki, Əzizov Mirsamil Ağafəlah oğlu birinci instansiya məhkəməsində ifadə verərkən bildirmişdir ki, hadisə ərəfəsində onun Saatlı rayonunun Azadkənd kəndi ərazisində ferması olmuşdur. Onunla qonşuluqda isə yaxın yoldaşlıq munasibətində olduğu Oktay Məmmədovun ferması yerləşmişdir. Oktay ondan xahiş etdiyi üçün o, axırıncının da fermadakı işlərinə ümumi nəzarəti həyata keçirmişdir. Fermadakı daimi işlərə isə Əzulla İbrahimov nəzarət etmişdir. Oktayın fermasına işçilərin qəbul edilməsi işlərinə də o baxmışdır. Özü fermaya ayda 1 dəfə, bəzən 2 aydan bir gəlib baş çəkmişdir. 2013-cü ilin mart ayında o, Əliyev Əbdüləli adlı şəxsi, sonra isə onun oğlu Şirxanı və qohumu Emin Əsgərovu Oktayın fermasına çoban kimi işə götürmüş və həmin vaxtdan da axırıncılar Oktayın fermasında qalmaqla çoban işləmişlər. 2014-cü ilin təxminən mart ayında tanışı, Saatlı rayonunun Sarıcalı kənd sakini Eldar Alməmmədov ona qazanc əldə etmək üçün iş verməyi xahiş etmiş və o da axırıncını Oktayın fermasında muxtəlif işlərə cəlb etməklə ona günəmuzd pul ödəmişdir. Bundan bir müddət sonra Eldar Alməmmədov Qaraqunlu kənd sakini olan tanışı Sərraf Süleymanovla ona müraciət edərək Oktayın ferması yanındakı sahədən onlara bostan kimi istifadəyə icazə istəmişlər. O, həmin sahənin ona və ya Oktaya məxsus olmadığını, lakin orada bostan bitkiləri becərməyə etirazı olmadığını bildirmiş, yəni onlara bu torpaqdan öz mülkiyyəti kimi istifadə etməyə icazə vermişdir. Onlar da 4
həmin ərazidə qarpız əkib becərmişlər. Lakin onların çətənə kolları əkmələrindən xəbəri olmayıb. Bundan başqa həmin ərazidə yerləşən gölə Eldargillə gətirib balıq buraxıb yetişdirməyə başlamış və Eldargilə də göldəki balıqlara nəzarət etməyi tapşırmışdır. Ona görə də, kənar şəxslər gəlib göldən balıq tutmaq istədikdə Eldar və ya Sərraf ona zəng edib buna icazə istəmişlər və o da vermişdir. Məmmədov Cavid Yaqub oğlu və Məmmədov Dəyanət Yaqub oğlunu isə o, axırıncıların atası Yaqub Məmmədovun xahişi ilə 2013-cü ilin payız vaxtı fermada günəmuzd işlərə cəlb etmişdir. Sonuncuların da Oktayın ferması yaxınlığındakı “Ovçu Qobu” adlanan sahədə narkotik tərkibli bitkilər becərmələri barədə məlumatı olmamışdır. O, fermaya nadir hallarda gəlmiş, yalnız 1-2 dəfə Eldar və ya Cavidgilin bostan əkdiyi sahəyə yaxınlaşmışdır. Birinci instansiya məhkəməsindəki çıxışının sonunda Əzizov Mirsamil Ağafəlah oğlu ona istinad edilən cinayətlərdə günahı olduğunu etiraf etdiyini və buna görə peşimançılıq çəkdiyini bildirib, məhkəmədən bunları, həmcinin əvvəllər məhkum olunmadığını, himayəsində azyaşlı uşağının, eləcə də ahıl yaşlı və xəstə valideynlərinin olmasını, axırıncıların onun mənəvi və maddi köməkliyinə ehtiyacları olmasını, özünün də ağır xəstəlikdən əziyyət çəkməsini nəzərə alıb ona təqsirli bilindiyi maddələrin sanksiyasının aşağı həddindən artıq olmayan müddətə cəza təyin etməyi xahiş etmişdir. İşdə olan və məhkəmə iclasında elan olunmuş zərərçəkmiş şəxsin nümayəndəsi Əsədov Ağa Ziyad oğlunun dindirmə protokolundan görünür ki, o, ibtidai istintaq zamanı verdiyi ifadəsində göstərmişdir ki, Saatlı Rayon İcra Hakimiyyətində iqtisadiyyat şöbəsində işləyir. Saatlı rayonun Azadkənd kəndinin ətrafında yerləşən “Ovçu qobu” adlanan ərazi bütövlükdə Saatlı rayonun inzibati ərazisinə daxil olan dövlət qış otlaq sahələridir. Həmin ərazi heç bir fiziki və hüquqi şəxsə icarəyə verilməmişdir. O cümlədən Əzizov Mirsamil Ağafəlah oğlu, Süleymanov Sərraf Tapdıq oğlu, Alməmmədov Eldar Həsən oğlu, Məmmədov Cavid Yaqub oğlu və Məmmədov Dəyanət Yaqub oğluna icarəyə verilməmiş, həmçinin bu şəxslərin qeyd olunan yerdən torpaq sahəsini icarəyə götürməsi ilə bağlı rayon icra hakimiyyətinə müraciətləri olmamışdır. Həmin şəxslər dövlət mülkiyyətinə aid torpaq sahələrini özbaşına tutmuşlar. Mirsamil Əzizov, Sərraf Süleymanov, Eldar Alməmmədov, Cavid Məmmədov və Dəyanət Məmmədovun özbaşına tutduqları torpaq sahəsi əvvələr heç kimin istifadəsinə verilməmişdir. Bu şəxslərin torpaq sahəsini özbaşına tutmaları ilə bağlı dövlətə hər hansı maddi ziyan dəyməmişdir. Zərərçəkmiş şəxsin nümayəndəsi Əsədov Ağa Ziyad oğlu tərəfindən məhkəməyə ünvanlanmış ərizədə Saatlı rayonunun “Ovçu Qobu” adlanan ərazisində 2014-cü ilin aprel-iyun aylarında qanunsuz becərmə işlərinin aparılması nəticəsində Rayon İcra Hakimiyyətinə ziyan dəymədiyi və bu səbəbdən də Əzizov Mirsamil Ağafəlah oğluna qarşı heç bir iddia və tələb olmadığı bildirilmiş və məhkəmədən axırıncı barəsində qanuna muvafiq qərar qəbul olunması xahiş olunmuşdur. İşdə olan «baxış keçirilməsi barədə» 18 iyun 2014-cu il tarixli protokoldan görünür ki, həmin gün Sabirabad RPŞ-nin əməkdaşları tərəfindən Sabirabad rayonun Moranlı kəndinin ərazisində olan pay torpaqlarının ətrafında narkotik tərkibli bitkilərin əkilib-becərilməsinə dair daxil olmuş məlumata əsasən həmin əraziyə baxış keçirilmişdir. Baxış zamanı suvarma kanalının sağ tərəfində yulğun və biyan bitkiləri ilə əhatə olunmuş ərazidə, xüsusi düzəldilmiş şrımlarda təqribən 3 hasa hədə
dağınıq şəkildə bir neçə hissədə cərgə üsulu ilə əkilmiş, aqrotexniki qaydada əkilib-becərilmiş, hündürlükləri 0,4-1,3 metr olan, yaş çəkisi 493 kq olmaqla 261 ədəd çətənə kollarına 5
oxşar bitkilər, habelə təqribi çəkisi 575 qram olan qurudulmuş marixuanaya oxşar kütlə təhqiqat orqanı tərəfindən götürülmüşdür. İşdə olan «baxış keçirilməsi və götürmə aparılması barədə» 19 iyun 2014-cü il tarixli protokol və protokola əlavə edilmiş foto şəkillərlə müəyyən edilir ki, həmin gün Saatlı RPŞ-nin əməkdaşları tərəfindən Saatlı rayonun Azadkənd kəndi ərazisində yerləşən fermanın ərazisinə baxış keçirilmişdir. Baxış zamanı 2 ədəd göy rəngli iplə sarınaraq bağlanmış narkotik tərkibli çətənə bitkilərinə oxşar kötükləri üzərində olan, eyni zamanda kötüklərinin üzərində qurumuş torpaq hissəcikləri olan 37 ədəd kollar, həmin kollar olan bükümlərinin arasında 1 ədəd üzərində “Davidoff” sözləri yazılmış siqaret qutusunun içərisində narkotik maddəyə oxşar kütlə aşkar olunub götürülmüşdür. Həmçinin bu ərazidə olan koma ilə su kanalı arasında xüsusi olaraq şumlanmış zolaqda aşkar olunan narkotik tərkibli çətənə bitkisinin yarpaqları sellofan torbaya yığılaraq götürülmüşdür. Həmin ərazidən torpaq nümunələri də götürülmüşdür. Eyni zamanda komadan 150-200 metr aralıda olan su kanalın sağ qurtaracağında şumlanmış ərazi və həmin ərazidə yerdə çətənə bitkisinin yarpaqlarına oxşar yarpaqlar yığılaraq götürülmüşdür. Qeyd olunan ərazidən 1,5-2 km aralıda əkin sahəsini sulamaq üçün istifadə edilən kiçik ölçülü su kanalının içərisində 13 ədəd çətənə bitkisinə oxşar kollar aşkar olunaraq götürülmüşdür. İşdə olan 30 iyun 2014-cü il tarixli mütəxəssis rəyi ilə müəyyən olunur ki, narkotik tərkibli çətənə bitkilərinin aşkar edildiyi “Ovçu qobu” adlanan ərazi Saatlı rayonunun inzibati ərazi vahidi olmaqla dövlət fonduna aid qış otlaq sahəsinə aiddir. İşdə olan 26 iyun 2014-cü il tarixli mütəxəssis rəyi ilə müəyyən olunur ki, Eldar Alməmmədov və Sərraf Süleymanov çətənə bitkiləri əkib yetişdirdikləri torpaq sahəsinə baxış keçirilmiş və müəyyən edilmişdir ki, həmin ərazi “Ovçu qobu” adlanan yer olmaqla Sabirabad rayonunun inzibati ərazisinə aid deyil, həmin ərazi Saatlı rayonunun inzibati ərazisinə aiddir. İşdə olan və məhkəmə istintaqında tədqiq edilmiş məhkəmə-bioloji ekspertizasının 20 iyun 2014-cü il tarixli, 11775 nömrəli rəydən görünür ki, tədqiqata təqdim olunmuş ağ kağız üzərində “Oqtay Məmmədova məxsus fermanın ərazisində şor kanalının yanında …13 ədəd çətənə bitkiləri …” sözlər və imzalar olan bir ədəd ağ rəngli sintetik torbada 13 (on üç) ədəd, yaş vəziyyətdə ümumi təmiz çəkisi-3 kq 730,0 qram olan bitki nümunələri, əkilib-becərilməsi qadağan olunmuş narkotik tərkibli çətənə (kannabis) bitkiləridir. Aqronomun (mütəxəssisin) rəyinə əsasən həmin bitkilərə aqrotexniki qaydada qulluq edilmişdir.Tədqiqata təqdim olunmuş ağ kağız üzərində “37 ədəd kökündə torpaq qalıqları olan çətənə bitkiləri …” sözlər və imzalar olan bir ədəd ağ rəngli sintetik torbada 37 (otuz yeddi) ədəd, quru vəziyyətdə ümumi təmiz çəkisi 1 kq 130,0 qram olan bitki nümunələri, əkilib-becərilməsi qadağan olunmuş narkotik tərkibli çətənə (kannabis) bitkiləri və 1 (bir) ədəd “Davidoff” siqaret qutusunda təmiz çəkisi 5,10 qram bitki mənşəli kutlə tərkibində narkotik maddələr olan çətənə (kannabis) bitkisindən kustar usulla hazırlanmış narkotik vasitə- qurudulmuş marixuanadır.Tədqiqata təqdim olunmuş üzərində “… xususi olaraq əkin üçun hazırlanmış sahədən götürülmüş …” sözlər və imzalar olan bir ədəd kağız paketdə sellofan torbada təmiz çəkisi-25,37 qram bitki mənşəli kütlə tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə - qurudulmuş marixuanadır.Tədqiqata təqdim olunmuş 37 (otuz yeddi) ədəd, quru vəziyyətdə olan çətənə (kannabis) bitkiləri ilə onun aşkar olunduğu yerlərin yanında xüsüsi olaraq əkin üçün hazırlanmış sahələrdən götürülmuş kağız paketlərdə sellofan torbalarda olan marixuanalar tərkiblərinə görə eynidirlər. 6
Tədqiqata sərf edildikdən sonra çətənə bitkilərin qalıqları 3 kq 729,74 qram və 1 kq 129,26 qramdır. Habelə tədqiqata sərf edildikdən sonra narkotik vasitə olan qurudulmuş marixuananın qalıqları 5,08 qram, 26,97 qram və 25,35 qramdır. İşdə olan və məhkəmə istintaqında tədqiq edilmiş məhkəmə-torpaqşunaslıq və bioloji ekspertizasının 23 iyun 2014-cü il tarixli, 11967 nömrəli rəyindən görünür ki, tədqiqata təqdim olunmuş iki ədəd polietilen torbalarda “1” və “2” işarəsilə işarələnmiş torpaq nümünələrinin tərkibində əkib-becərilməsi qadağan olunmuş narkotik tərkibli çətənə (kannabis) bitkisinin hissələri vardır. Tədqiqata təqdim olunmuş 37 (otuz yeddi) ədəd, quru vəziyyətdə olan çətənə (kannabis) bitkiləri ilə təqdim olunmuş “1” və “2” işarəsi ilə işarələnmiş torpaq nümunələrinin tərkibində olan çətənə (kannabis) bitkisinin hissələri tərkiblərinə görə eynidirlər. Tədqiqata təqdim olunmuş iki ədəd polietilen torbalarda “1” və “2” işarəsi ilə işarələnmiş torpaq nümunələri ilə 37 ədəd çətənə (kannabis) bitkisinin köklərindən götürülmüş torpaq qrup və cins əlamətlərinə görə eynidirlər. İşdə olan və məhkəmə istintaqında tədqiq edilmiş məhkəmə-bioloji ekspertizasının 19 iyun 2014-cü il tarixli, 11663 nömrəli ekspert arayışı ilə müəyyən edilir ki, tədqiqata təqdim edilmiş 5 ədəd torbada yaş vəziyyətində, ümumi sayı 261 ədəd, ümumi təmiz çəkisi 18 kq 740 qram olan bitkilər əkilib-becərilməsi qadağan olunmuş narkotik təbiətli çətənə (kannabis) bitkisidir. Aqronomun rəyinə əsasən həmin bitkilərə aqrotexniki qaydada qulluq edilmişdir. Habelə vət. Süleymanov Sərraf Tapdıq oğlundan və Alməmmədov Eldar Həsən oğlundan götürülmüş təmiz çəkisi 400,0 qram olan bitki mənşəli kütlə tərkibində narkotik maddələr olan çətənə (kannabis) bitkisindən kustar üsulla hazırlanmış vasitə-qurudulmuş marixuanadır. Tədqiqata sərf edildikdən sonra çətənə bitkilərin qalığı 18 kq 739,5 qramdır. Habelə tədqiqata sərf edildikdən sonra narkotik vasitə olan qurudulmuş marixuananın qalığı 399,9 qramdır. İşdə olan və məhkəmə istintaqında tədqiq edilmiş məhkəmə-bioloji ekspertizasının 14 iyul 2014-cu il tarixli, 12495 nömrəli rəyindən görünür ki, tədqiqata təqdim edilmiş 01 (bir) ədəd bitki nümünəsi əkilib-becərilməsi qadağan olunmuş tərkibində narkotik maddələr olan çətənə (kannabis) bitkisidir. İşdə olan və məhkəmə istintaqında tədqiq edilmiş məhkəmə-bioloji ekspertizasının 30 sentyabr 2014-cu il tarixli, 18025 nömrəli rəyindən görünür ki, Sabirabad rayonunun Moranlı kəndi ərazisində baxış zamanı götürülmüş və tədqiqata təqdim olunmuş 5 ədəd ağ rəngli sintetik torbada, quru vəziyyətdə ümumi sayı 261 ədəd, ümumi təmiz çəkisi-8765,0 qram olan bitki nümunələri, əkilib-becərilməsi qadağan olunmuş narkotik təbiətli çətənə (kannabis) bitkiləridir. İlkin tədqiqat zamanı həmin 5 ədəd ağ rəngli sintetik torbalarda olan bitkilərin yaş vəziyyətdə ümumi təmiz çəkisi -18740,0 qram olmuşdur. Aqronomun (mütəxəssisin) rəyinə əsasən həmin bitkilərə aqrotexniki qaydada qulluq edilmişdir. Həmçinin tədqiqata təqdim edilmiş bir ədəd sellofan torbada təmiz çəkisi-399,9 qram bitki mənşəli kütlə, tərkibində narkotik maddələr olan çətənə (kannabis) bitkisindən kustar üsulla hazırlanmış vasitə- qurudulmuş marixuanadır. İlkin tədqiqat zamanı həmin bitki mənşəli kütlənin təmiz çəkisi -400,0 qram olmuşdur. Habelə Alməmmədov Eldar Həsən oğlunun ifadəsinin yerində yoxlanılması zamanı götürülmüş və tədqiqata təqdim edilmiş böyük kağız paketdə quru vəziyyətdə 1 (bir) ədəd, təmiz çəkisi-5,59 qram bitki nümunəsi, əkilib- becərilməsi qadağan olunmuş narkotik təbiətli çətənə (kannabis) bitkisidir. Bundan əlavə tədqiqata təqdim edilmiş Moranlı kəndi ərazisinə baxış zamanı götürülmüş 5 ədəd ağ rəngli sintetik torbada 261 ədəd çətənə (kannabis) bitkiləri, sellofan torbada
7
olan marixuana, Eldar Alməmmədovun ifadəsi yerində yoxlanılarkən götürülmüş böyük kağız paketdə 1 (bir) ədəd çətənə (kannabis) bitkisi tərkiblərinə görə eynidirlər və Saatlı rayonunun Azadkənd kəndi ərazisinə baxış zamanı götürülmüş 2 ədəd ağ rəngli sintetik torbalarda olan çətənə (kannabis) bitkilərindən, “Davidoff” siqaret qutusunda, iki ədəd kiçik kağız paketlərdə sellofan torbalardakı marixuanalardan fərqlənirlər. Tədqiqata sərf edildikdən sonra çətənə bitkilərin qalıqları 8764,489 qram, 5,57 qram və 2994,16 qramdır. Habelə tədqiqata sərf edildikdən sonra narkotik vasitə olan qurudulmuş marixuananın qalıqları 399,88 qram, 5,06 qram, 26,95 qram və 25,3 qramdır. İşdə olan və məhkəmə iclasında tədqiq edilmiş ambulator məhkəmə-narkoloji tibbi yoxlamanın 25 sentyabr 2014-cü il tarixli, 2132 nömrəli rəyindən görünür ki, Əzizov Mirsamil Ağafəlah oğlunda müayinə zamanı narkomaniya xəstəliyinin əlamətləri aşkar olunmur və o, narkokomaniya xəstəliyindən əzab çəkmir, narkomaniyadan məcburi müalicəyə ehtiyacı yoxdur. İşdə olan Azərbaycan Respublikası Daxili İşlər Nazirliyi BƏSİ İdarəsinin 15 oktyabr 2015-ci il tarixli tələbnaməsindən görünür ki, Əzizov Mirsamil Ağafəlah oğlu əvvəllər məhkum olunmamışdır. İşdə olan və məhkəməyə təqdim edilmiş xasiyyətnamə və arayışlardan görünür ki, Əzizov Mirsamil Ağafəlah oğlu Saatlı şəhəri, H.B.Zərdabi küçəsi, ev 106-da qeydiyyatda olmaqla, orada ailə üzvləri, habelə 1924 və 1930 təvəllüdlü valideynləri ilə birlikdə yaşayır, himayəsində bir azyaşlı uşağı vardır, yaşayış yeri üzrə müsbət xarakterizə olunur və o, Saatlı Rayon Mərkəzi Xəstəxanasının poliklinikası şöbəsində “ UİX gərginlik stenikardiyası II f/sinif. Şəkərli diabet II tip orta ağır forma diaqnozu ilə qeydiyyatda olub müalicə almışdır. Birinci instansiya məhkəməsi аrаşdırılmış yuxarıda sadalanan sübutlаrın məcmusunа əsаslаnıb, düzgün olaraq belə nəticəyə gəlmişdir ki, Əzizov Mirsamil Ağafəlah oğlu ona istinad edilən əməlləri törətmişdir. Məhkəmə kollegiyası hesab edir ki, birinci instansiya məhkəməsi Əzizov Mirsamil Ağafəlah oğluna ona istinad edilmiş maddənin sanksiyasında nəzərdə tutulan azadlıqdan məhrum etmə növündə cəza təyin edərkən səhv etməmişdir. Bununla belə məhkəmə kollegiyası Əzizov Mirsamil Ağafəlah oğlunun ailə və sağlamlıq vəziyyətini, əməlindən peşmançılıq çəkməsini, birinci instansiya məhkəməsində müəyyən edilmədiyi halda müharibə veteranı olmasını, birinci instansiya məhkəmə baxışının sonunda iş üzrə səmimi ifadələr verməsini nəzərə alaraq birinci instansiya məhkəməsi tərəfindən ona təyin ediliş cəzanın azaldılmasını mümkün hesab edir.
Məhkəmələr tərəfindən cinayət cəzalarının təyin edilməsi təcrübəsi haqqında Azərbaycan Respublikası Ali Məhkəməsi Plenumunun 25 iyun 2003-cu il tarixli, 4 saylı Qərarının 1-ci bəndi ilə məhkəmələrə tövsiyyə edilir ki, hər bir konkret halda təqsirləndirilən şəxslərə cəzaların təyin edilməsinə fərdi yanaşılmalı, cinayət qanununun vəzifələri və cəzanın məqsədindən bəhs edən Cinayət Məcəlləsinin 2 və 41-ci maddələrinin müddəalarının həyata keçirilməsini sözsüz təmin edilməlidir. Azərbaycan Respublikası Konstitusiyasının məhkəməyə təkrar müraciət hüququ adlanan 65-ci maddəsinə əsasən məhkəmənin məhkum etdiyi hər bir şəxsin öz barəsində çıxarılmış hökmə qanunla nəzərdə tutulan qaydada yuxarı məhkəmədə yenidən baxılması, habelə özünün əfv edilməsi və cəzasının yüngülləşdirilməsi haqqında müraciət etmək hüququ vardır. Bu Konstitusiya maddəsi ilə səsləşən AR CPM-in “məhkəməyə təkrar müraciət etmək hüququnun təmin edilməsi” adlanan 35.2.2-ci maddəsinə əsasən məhkum olunmuş hər bir şəxs yuxarı məhkəməyə şikayət
8
verərək barəsində çıxarılmış hökmlə təyin olunmuş cəzanın ağırlığı ilə əlaqədar onun yüngülləşdirilməsini xahiş etmək hüququna malikdir. Məhkum edilmiş şəxsin bu hüququnu həyata keçirərək cəzasının yüngülləşdirilməsi xahişinin təmin edilməsi heç də birinci instansiya məhkəməsində işə baxılmasından sonra məhkumun vəziyyətini yüngülləşdirən yeni halların ortaya çıxmalı olduğunu ehtiva etmir. Əksinə, işə birinci instansiya məhkəməsində baxılarkən ortada olmuş hallar əsasında yüngülləşdirmənin mümkünlüyün özündə ehtiva edir. Həmin Məcəllənin 32.3-cü maddəsinə əsasən məhkumun bu Məcəllənin 35.1 və 35.2-ci maddəsi ilə müəyyən edilmiş hüquqlarının məhdudlaşdırılması yolverilməzdir. Qeyd edilənlərə əsasən və birinci instansiya məhkəməsi tərəfindən nəzərə alınmadığı halda Əzizov Mirsamil Ağafəlah oğlunun müharibə veteranı olduğunu müəyyən edən məhkəmə kollegiyası işin Əzizov Mirsamil Ağafəlah oğlunun şəxsiyyəti, ailə və sağlamlıq vəziyyəti ilə bağlı olan hallarını, nəzərə alaraq hesab edir ki, Əzizov Mirsamil Ağafəlah oğluna təyin edilmiş cəza sanksiya həddində yüngülləşdirilməlidir. Azərbaycan Respublikası Cinayət Məcəlləsinin 58.3-cü maddəsinə əsasən cəza təyin edilərkən cinayətin xarakteri və ictimai təhlükəlilik dərəcəsi, təqsirkarın şəxsiyyəti, o cümlədən cəzanı yüngülləşdirən və ağırlaşdıran hallar, habelə təyin olunmuş cəzanın şəxsin islah olunmasına və onun ailəsinin həyat şəraitinə təsiri nəzərə alınır. Azərbaycan Respublikası Cinayət Məcəlləsinin «cəzаnın аnlаyışı və məqsədi» аdlаnаn 41.2-ci mаddəsinə əsаsən cəzа sоsiаl ədаlətin bərpаsı, məhkumun islаh edilməsi və həm məhkumlаr, həm də bаşqа şəхslər tərəfindən yeni cinаyətlərin törədilməsinin qаrşısını аlmаq məqsədi ilə tətbiq edilir. Məhkəmə kоllegiyаsı yuхаrıdа sаdаlаnаn hаllаrı nəzərə аlаrаq Əzizov Mirsamil Ağafəlah oğluna Azərbaycan Respublikası Cinayət Məcəlləsinin 234.4.1, 234.4.2 maddələrinin sanksiyasında nəzərdə tutulan azadlıqdan məhrum etmə cəzasının daha aşağı həddə təyin edilməsi ilə Azərbaycan Respublikası Cinayət Məcəlləsinin 41.2-ci mаddəsində nəzərdə tutulаn cəzаnın məqsədinin əldə edilməsinin mümkün оlаcаğını hesаb edir. Azərbaycan Respublikası Cinayət Prosessual Məcəlləsinin “apellyasiya şikayətinin və ya apellyasiya protestinin baxışına dair yekun məhkəmə qərarı” adlanan 398.1.4-cu maddəsinə əsasən apellyasiya şikayətinin və ya apellyasiya protestinin baxışı nəticəsində apellyasiya məhkəməsi birinci instansiya məhkəməsinin hökm və ya qərarının dəyişdirilməsi bаrədə qərar qəbul edə bilər. Azərbaycan Respublikası Cinayət Prosessual Məcəlləsinin 399.1.5-cı maddəsınə əsasən təyin edılmış cəzanın cinayətin ağırlığına və ya məhkumun şəxsiyyətinə uyğun olmaması apellyasiya şikayətinin və ya apellyasiya protestinin təmin edilməsi üçün əsasdır. Şirvаn Аpellyаsiyа Məhkəməsinin Cinаyət Kоllegiyаsı məhkəmə istintаqı аpаrmаmаqlа cinаyət işinin mаteriаllаrını аrаşdırıb аpellyаsiyа şikаyətinin dəlillərini müzаkirə edərək, məhkum edilmiş şəxsin izahatını, dövlət ittihаmçısının аpellyаsiyа şikаyətinin təmin olunmamаsı bаrədə rəyini dinləyərək hesаb edir ki, аpellyаsiyа şikаyəti təmin edilməli, Əzizov Mirsamil Ağafəlah oğlunun Azərbaycan Respublikası Cinayət Məcəlləsinin 234.4.1, 234.4.2, 237.2.1, 237.2.2, 237.2.3 maddələri və 24 noyabr 2015-ci il tarixə kimi qüvvədə olmuş Cinayət Məcəlləsinin 188-ci maddəsi ilə məhkum edilməsi barədə Lənkəran Ağır Cinayətlər Məhkəməsinin 28 iyun 2016-cı il tarixli 1(089)256/2016 saylı hökmü dəyişdirilməlidir.
9
Şərh оlunanlara əsasən və Azərbaycan Respublikası Cinayət Prosessual Məcəlləsinin 397, 398.1.4-cu, 399.1.5-ci, 407-410-cü maddələrini rəhbər tutaraq Şirvan Apellyasiya Məhkəməsinin Cinayət Kоllegiyası,
Yüklə 262,92 Kb. Dostları ilə paylaş:
|