Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli
Yüklə 1,29 Mb. Pdf görüntüsü
|
|
II. Vəzifə öhdəlikləri
Stasionar xidməti üzrə 6. Həkim mama-ginekoloq tibbi praktikada tətbiqinə icazə verilmiş müasir profilaktika, diaqnostika, müalicə və reabilitasiya metodlarından istifadə etməklə öz ixtisası üzrə peşəkar səviyyədə tibbi yardım göstərir. 7. Müvafiq qaydalara və standartlara uyğun olaraq xəstənin stasionar şəraitində aparılması taktikasınını (anamnezin toplanması, klinik-laborator tədqiqatların, müayinə və müalicənin aparılması) və diaqnozunu müəyyən edir, fizioloji və patoloji doğuşları aparır. 8.
Zərurət yarandığı halda təcili və təxirəsalınmaz mamalıq yardımı göstərir, o cümlədən aidiyyəti üzrə cərrahi müdaxilələri həyata keçirir. 9. Stasionarda xəstəyə gündəlik baxış keçirir. Pasiyentin vəziyyətindən asılı olaraq müalicə planına dəyişiklik edir və əlavə müayinə metodlarının zəruriliyini müəyyən edir. 10. Müalicə-profilaktika müəssisəsinin başqa bölmələrinin həkimlərinə öz ixtisası üzrə məsləhət verir. 96
11. Ginekoloji xəstəliklərin, hamiləlik və doğuşların, doğuşdansonrakı dövrün fəsadlarının qarşısının alınması və azaldılması üzrə profilaktik tədbirlərin keçirilməsində iştirak edir. 12. Ailə planlaşdırılması və reproduktiv sağlamlıq məsələləri üzrə işi təşkil edir. 13. Orta və kiçik tibb personalının işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 14. Diaqnostik və müalicə prosedurlarının aparılmasının, alət, aparat və avadanlıqların istismarının, reaktiv və dərman preparatlarının səmərəli istifadəsinin düzgünlüyünə, orta və kiçik tibb heyəti tərəfindən təhlükəsizlik texnikası və əməyin mühafizəsi qaydalarına riayət edilməsinə nəzarət edir. 15. Orta və kiçik tibb heyətinin ixtisasının artırılması üzrə məşğələlərin aparılmasında iştirak edir. 16. Öz işini planlaşdırır və öz fəaliyyətinin göstəricilərini təhlil edir. 17. Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 18. Sanitar-maarifləndirmə işini aparır. 19. Etik davranış qaydalarına riayət edir. 20. Müəssisə rəhbərliyinin əmr, sərəncam və tapşırıqlarını, peşəkar səviyyədə və vaxtında icra edir. 21. Qanunvericiliklə müəyyən edilmiş müddətdə işlədiyi istiqamət üzrə təkmilləşdirmə kurslarında iştirak edir, mütəmadi olaraq öz ixtisasını artırır. 22. Müəyyən olunmuş qaydada sertifikasiyadan keçir. 23. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. Tibb müəssisəsinin fəaliyyətinə, işçilərinə, pasiyentlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər görür. Ambulator-poliklinika xidməti üzrə 24. Həkim mama-ginekoloq tibbi praktikada tətbiqinə icazə verilmiş müasir profilaktika, diaqnostika, müalicə və reabilitasiya metodlarından istifadə etməklə öz ixtisası üzrə peşəkar səviyyədə ambulator tibbi yardım göstərir. 25. Müəyyən edilmiş qaydalara və standartlara uyğun olaraq xəstənin ambulator aparılması taktikasını və müayinə planını hazırlayır. Anamnezə, klinik müşahidə və müayinəyə, həmçinin klinik-laborator tədqiqatların nəticələrinə əsasən diaqnozu müəyyənlişdirir. 26. Müəyyən edilmiş qaydalara və standartlara uyğun olaraq zəruri müalicəni təyin edir və nəzarət edir, diaqnostik, müalicə, reabilitasiya və profilaktik prosedur və tədbirləri təşkil edir və ya müstəqil surətdə aparır. 27. Hamilələrə antenatal xidməti göstərir, onların vaxtlı-vaxtında patronaj olunmasına nəzarət edir. Zərurət yarandığı hallarda patronajı özü həyata keçirir. 28. Müəyyən olunmuş hestasiya müddətində hamilələrə dəyişmə vərəqəsi və hamiləlik və doğum zamanı əmək qabiliyyətinin müvəqqəti itirilməsi zamanı hamilə qadınlara əmək qabiliyyəti olmamaq vərəqəsi verir. 97
29. Ginekoloji xəstəliklərin, hamiləlik və doğuşların, doğuşdansonrakı dövrün fəsadlarının qarşısının alınması və azaldılması üzrə profilaktik tədbirlərin keçirilməsində iştirak edir. 30. Hamilələri aşkar edir (hamiləliyin 12 həftəsinədək) və onların dispanser müşahidəsini təşkil edir. 31. Hamilələrin doğuşa fiziki və psixoprofilaktik hazırlığı üzrə məşğələləri və onların “analar məktəbi”ndə təlimləndirilməsini keçirir, döşlə əmizdirmənin üstünlüyü barədə məlumat verir. Pəhriz qidalanması üzrə məsləhətlər verir. 32. Doğum evlərinin və xəstəliyin profili üzrə başqa müalicə-profilaktika müəssisələrinin patologiya şöbələrində hospitallaşdırılmaya ehtiyacı olan hamilələri aşkar edir. 33. Müasir müalicə metodlarından istifadə etməklə ginekoloji xəstəliklərin erkən aşkarlanması və müalicəsi məqsədi ilə qadınların profilaktik ginekoloji baxışının təşkili və aparılmasını həyata keçirir. 34. Ginekoloji xəstələrin vaxtında dispanser qeydiyyatına götürülməsini və dinamik müşahidəsini, onların sanator-kurort müalicəsi, eləcə də başqa müasir müayinə və müalicə vasitə və metodlarından istifadə etməklə, müalicə-sağlamlaşdırıcı tədbirlər kompleksinin və dispanserləşdirilməsinin səmərəliliyinin təhlilinin aparılmasını həyata keçirir. 35. Stasionar müalicəyə ehtiyacı olan ginekoloji xəstələri aşkar edir. 36. Ailə planlaması və reproduktiv sağlamlıq məsələləri üzrə işi təşkil edir. 37. Orta və kiçik tibb personalının işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 38. Diaqnostik və müalicə prosedurlarının aparılmasının, alət, aparat və avadanlıqların istismarının, dərman preparatlarının səmərəli istifadəsinə, orta və kiçik tibb heyəti tərəfindən təhlükəsizlik texnikası və əməyin mühafizəsi qaydalarına riayət edilməsinə nəzarət edir. 39. Orta və kiçik tibb heyətinin ixtisasının artırılması üzrə məşğələlərin aparılmasında iştirak edir. 40. Öz işini planlaşdırır və öz fəaliyyətinin göstəricilərini təhlil edir. 41. Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 42. Sanitar-maarifləndirmə işini aparır. 43. Etik davranış qaydalarına riayət edir. 44. Müəssisə rəhbərliyinin əmr, sərəncam və tapşırıqlarını, peşəkar səviyyədə və vaxtında icra edir. 45. Qanunvericiliklə müəyyən edilmiş müddətdə işlədiyi istiqamət üzrə təkmilləşdirmə kurslarında iştirak edir, mütəmadi olaraq öz ixtisasını artırır. 46. Müəyyən olunmuş qaydada sertifikasiyadan keçir. 47. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. Tibb müəssisəsinin fəaliyyətinə, işçilərinə, pasiyentlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər görür. 98
|