Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

 

II. Vəzifə öhdəlikləri

6. 

Baş   mühasib   müəssisənin   maliyyə-təsərrüfat   fəaliyyətinin   mühasibat 

uçotunun   təşkilini   və   maddi,   əmək   və   maliyyə   ehtiyatlarından   səmərəli   istifadə 

edilməsinə, mülkiyyətinin qorunmasına nəzarəti həyata keçirir.

7. 

Təsərrüfat   əməliyyatlarının   sənədləşdirilməsi   üçün   tətbiq   edilən   və 

nümunəvi forması olmayan haqq-hesablara dair iş planının, ilkin uçot sənədlərinin 

formalarının hazırlanması və tətbiqi üzrə işə, daxili mühasibat hesabatı sənədlərinin 

formalarının   işlənib   hazırlanmasına,   eləcə   də   inventarlaşdırmanın   aparılması 

qaydasının   təmin   olunmasına,   təsərrüfat   əməliyyatlarının   aparılmasına   nəzarətə, 

242

---

mühasibat məlumatlarının emalı texnologiyasına və sənəd dövriyyəsi qaydasına riayət 

olunmasına rəhbərlik edir.

8. 

Müəssisə   tərəfindən   həyata   keçirilən   bütün   təsərrüfat   əməliyyatlarının 

mühasibat   uçotu   hesabında   (həmçinin   mühasibat   uçotu   registrlərində)   düzgün   əks 

etdirilməsini,   ona   nəzarəti,   operativ   məlumatların   təqdim   edilməsini,   mühasibat 

(maliyyə) hesabatlarının müəyyən edilmiş müddətlərdə tərtib və təqdim edilməsi, digər 

bölmə və xidmət sahələri ilə birlikdə təsərrüfatdaxili ehtiyatların aşkara çıxarılması və 

səfərbər   edilməsi   məqsədi   ilə   mühasibat   uçotu   və   hesabatının   məlumatları   üzrə 

müəssisənin   maliyyə   təsərrüfat   fəaliyyətinin   iqtisadi   təhlilinin   həyata   keçirilməsini 

təmin edir.

9.

 

İlkin  mühasibat   sənədlərinin,   hesablaşmaların   və   ödəniş   öhdəliklərinin, 

əmək   haqqı   fondunun   sərf   olunmasının,   vəzifə   maaşlarının   təyin  edilməsinin,   pul 

vəsaitlərinin,   əmtəə-mal   qiymətlilərinin   və   əsas   fondların   inventarlaşmasının, 

mühasibat uçotu və hesabatının təşkilinin  yoxlanılması və müəssisənin bölmələrində 

sənədli təftişin qaydalarına riayət edilməsinə nəzarət edir.

10.  Daxil   olan   pul   vəsaitlərinin,   mal-material   qiymətlilərinin   və   əsas 

vəsaitlərin   uçotunu,   mühasibat   uçotu   hesablarında   onların   hərəkətini,   istehsal 

dövriyyəsini və xərclərini, xərclər smetasının hazırlanmasını, məhsulun satışını, iş və 

xidmətlərin yerinə yetirilməsini təşkil edir.

11.  Çatışmazlıqların,   pul   vəsaitlərinin   və   mal-material   qiymətlilərinin 

qanunsuz istifadə olunmasının, maliyyə və təsərrüfat qanunvericiliyinin pozulmasının 

qarşısının alınması üzrə tədbirlər görür.

12.   Maliyyə   hesabat   və   kredit   əməliyyatlarının,   müəssisənin   təsərrüfat-

maliyyə fəaliyyətinin yekunları üzrə əməliyyatların uçotunu təşkil edir.

13.  Məhsulun,  iş  və xidmətlərin  maya  dəyəri hesabatının  iqtisadi  cəhətdən 

əsaslandırılmış   tərtibi,  əmək   haqqının   ödənilməsi   hesabları,   dövlət  büdcəsinə 

ödəmələr, dövlət sosial sığorta haqqı,  kapital qoyuluşu vəsaitləri, banklara ssudalar 

üzrə borcların qoyulan vaxt ərzində verilməsi digər ehtiyat fondlarına ayırmalar üzrə 

sənədləri rəsmiləşdirir.

14.  Pul   vəsaitləri   və   mal-material   qiymətlilərinin   çatışmazlıqları   və 

mənimsənilməsi   haqqında sənədlərin  tərtibində iştirak  edir, lazımi   hallarda  müvafiq 

işlərin hüquq-mühafizə orqanlarına verilməsinə nəzarət edir.

15.  Ştat, maliyyə və xəzinə intizamına ciddi əməl edilməsi, inzibati təsərrüfat 

və   digər   xərclərin,   debitor   borclarının,   çatışmazlıqların   və   itkilərin   mühasibat 

balanslarından   silinməsinin   qanuniliyi,   mühasibatlıq     sənədlərinin   saxlanılması, 

rəsmiləşdirilməsi və müəyyən olunmuş qaydada onların arxivə təhvil verilməsi işlərini 

aparır.

16.  Mühasibat məsələləri, nəzarət, hesabat və iqtisadi təhlil üzrə müəssisənin 

struktur bölməsi işçilərinə metodik köməklik edir. 

17.

Mühasibatlığın işçilərinə rəhbərlik edir.

243

---