Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

II.

Vəzifə öhdəlikləri

6. 

Əməyin   mühafizəsi   üzrə   mühəndis   müəssisənin   struktur   bölmələrində 

əməyin mühafizəsi üzrə qanunvericilik və normativ hüquqi aktlara riayət olunmasına, 

işçilərə   əməyin   şərtləri   üzrə   müəyyən   olunmuş   güzəşt   və   kompensasiyaların 

verilməsinə nəzarəti həyata keçirir. 

7. 

İş yerlərində əməyin şərtlərini öyrənir, qoruyucu texnikanın məhz başa 

çatdırılmış konstruksiyalarının, qoruyucu və təcridedici mexanizmlərin və istehsalat 

faktorlarının   təhlükəli   və   zərərli   təsirindən   mühafizənin   digər   vasitələrinin   işlənib 

hazırlanması və tətbiqinə dair təkliflər hazırlayır və irəli sürür.

8. 

Binaların,   tikililərin,   avadanlıqların,   maşın   və   mexanizmlərin, 

ventilyasiya sisteminin işinin effektliliyinin, sanitar-texniki qurğuların, sanitar-məişət 

288

---

otaqlarının,   işçilərin   kollektiv   və   fərdi   mühafizə   vasitələrinin   texniki   vəziyyətinin 

müayinəsində, onların əməyin mühafizəsi üzrə normativ hüquqi aktların tələblərinə 

uyğunluğunun   müəyyən   edilməsinin   yoxlanılmasında   iştirak   edir   və   sexlərdə, 

sahələrdə,  iş yerlərində işçilərin həyat və  sağlamlıqları  üçün təhlükə yarada və ya 

qəzalara gətirib çıxara bilən pozuntular aşkarlanan zaman maşınların, avadanlıqların 

istismarının və istehsalatın dayandırılması üzrə tədbirlər görür.

9.  

Müəssisənin digər struktur bölmələri ilə birlikdə iş yerlərinin və istehsalat 

avadanlıqlarının   əməyin   mühafizəsinin   tələblərinə   uyğun   olaraq   attestasiyası   və 

sertifikasiyası üzrə işi aparır. İstehsalatda peşə xəstəliklərinin və bədbəxt hadisələrin 

qarşısının   alınması   üzrə,   əməyin   şərtlərinin   yaxşılaşdırılması   və   onların   əməyin 

mühafizəsinə  dair normativ  hüquqi aktların tələblərinə çatdırılması  üzrə tədbirlərin 

işlənib   hazırlanmasında   iştirak   edir,   eləcə   də   işlənib   hazırlanmış   tədbirlərin   yerinə 

yetirilməsi üzrə təşkilati köməklik göstərir.

10. 

Müvafiq   xidmətlər   tərəfindən   avadanlıqların,   maşın   və   mexanizmlərin 

vəziyyətinin zəruri sınaqlarının və yoxlanılmasının vaxtında aparılmasına, təhlükəli və 

zərərli istehsalat faktorlarının parametrlərinin ölçülməsi cədvəlinə riayət edilməsinə, 

əməyin   mühafizəsi   üzrə   qüvvədə   olan   norma,   qayda   və   təlimatlara,   istehsalat 

prosesində, eləcə də yeni və yenidən təşkil edilən istehsalat obyektlərinin layihələrində 

əməyin   təhlükəsizliyi   standartlarına   görə   dövlət   nəzarət   və   yoxlama     orqanlarının 

göstərişlərinin yerinə yetirilməsinə nəzarət edir, yeni və yenidən təşkil edilən istehsalat 

obyektlərinin istismara qəbulunda iştirak edir. 

11. 

Əmək öhdəliklərinin yerinə yetirilməsi ilə bağlı  şikəstlik, peşə xəstəliyi 

və ya sağlamlığına digər zədə nəticəsində işçilərə vurulmuş ziyanın ödənilməsi barədə 

məsələnin   müzakirə   olunmasında   iştirak   edir.   müəssisənin   struktur   bölmələrinə 

işçilərin məcburi tibbi baxışdan keçməli olduqları peşə və vəzifələrin siyahısının, eləcə 

də qüvvədə olan qanunvericilik əsasında əməyin ağır, zərərli və ya təhlükəli şərtlərinə 

görə   işçilərə   kompensasiya   və   güzəştlərin   verildiyi   peşə   və   vəzifələrin   siyahısının 

tərtib edilməsində, müəssisənin əməyin mühafizəsi üzrə təlimatlarının, standartlarının 

işlənib   hazırlanması   və   baxılmasında,   işçilərin   əməyin   mühafizəsi   üzrə 

təlimatlandırılmasının,   təlimləndirilməsinin   təşkili   və   biliklərinin   yoxlanılması   üzrə 

metodik köməklik göstərir.

12.   Müəssisəyə işə qəbul olunanların, ezam edilənlərin, şagird və tələbələrin, 

istehsalat   təlimi   və   təcrübəsinə   gələnlərin   hamısı   ilə   əməyin   mühafizəsi   üzrə   giriş 

təlimatlandırması   aparır.   Kollektiv   müqavilənin   “Əməyin   mühafizəsi”   bölməsinin 

tərtib olunmasında iştirak edir. 

13. 

İstehsalat   travmatizmi,   peşə   və   istehsalat   əsaslı   xəstəliklər   hallarının 

təhqiq olunmasında iştirak edir, onların səbəblərini öyrənir, qarşısının alınması üzrə 

aparılan tədbirlərin effektliliyini  təhlil edir. 

14. 

Xüsusi   geyim,   xüsusi   ayaqqabı   və   digər   fərdi   mühafizə   vasitələrinin 

saxlanılması,   verilməsi,   yuyulması,   kimyəvi   təmizlənməsi,   tozsuzlaşdırılması, 

289

---

yağsızlaşdırılması   və   təmir   edilməsinin   təşkilinə,   qoruyucu   aparat   və   mühafizə 

vasitələrinin   vəziyyətinə,   eləcə   də   əməyin   mühafizəsi   üzrə   tədbirlərin   yerinə 

yetirilməsi üçün ayrılmış vəsaitlərin düzgün xərclənməsinə nəzarəti həyata keçirir.

15. 

Müəyyən   olunmuş   formalar   üzrə   və   müvafiq   müddətlərdə   əməyin 

mühafizəsi üzrə hesabatı tərtib edir.