Fəsil II. Maliyyə nəzarəti və auditin müasir vəziyyətinin təhlili.
2.1. Maliyyə nəzarəti və auditin müasir vəziyyəti.
Hazırda ölkəmizdə, yeni dövlət idarəetmə strukturlarının yaranması ilə əlaqədar
olaraq, maliyyə nəzarətinin tamamilə yenidən qurulması və gücləndirilməsi üzrə tədbirlərin
işlənib hazırlanması əsas məsələlərdən biri hesab olunur. Hazırda dövlət maliyyə nəzarəti
respublika qanunverici orqanları, maliyyə və vergi orqanları və digər idarəetmə orqanları
tərəfindən həyata keçirilir.
Aaparılmış tədqiqatın nəticəsində ölkəmizdə artıq dəyişmiş təsərrüfatçılıq şərtləri,
siyasi və sosial-iqtisadi şərait, nəzarət obyektləri sisteminin daxili və xarici mühitindəki
çətinliklərin olduğu şəraitdə kompleks təftişlərin və tematik yoxlamaların təşkili və
keçirilməsi ilə bağlı əsas məsələləri eyni cür tənzimləyən birtipli təlimatlara və metodik
göstəricilərə yenidən baxılmasına zərurətin olduğu aşkarlanmış və belə qənaətə gəlinmişdir
ki, bütün bu problemləri dövlət maliyyə nəzarətinin kompleks və sistemli
standartlaşdırılması həll etməlidir.
Dövlət maliyyə nəzarətinin standartları 2 tipə - ümumi standartlara və metodik
standartlara ayrılmış, audit standartları əsasında onların respublikamıza uyğun metodoloji
əsasları, hazırlanma qaydaları, elementləri nəzarət tədbirləri üzrə qarşılıqlı vəzifə fəaliyyəti,
informasiya axınları və s. əhəmiyyəti və mexanizmi müəyyənləşdirilməlidir.
Dünya təcrübəsində qəbul olunmuş qaydalara uyğun dövlət maliyyə nəzarəti
sisteminin bazasının araşdırılması nəticəsində belə qənaətə gəlinir ki, bu şəkildə göstərilən
Azərbaycan Respublikasında mövcud maliyyə nəzarəti sistemi indiki şəraitdə xeyli dərəcədə
şərti məna daşıyır, əslində isə bir-birindən təcrid olunmuş və öz aralarında əlaqələri çox zərif
olan nəzarət orqanlarının müəyyən məcmusudur.
| 
