Inteqrasiya - müəyyən təhsil sistemi çərcivəsində şagirdlərin təfəkküründə
dünyanın bütöv və bölünməz obrazını formalaşdırmaq, onları inkişaf və
özünüinkişafa istiqamətləndirmək məqsədilə təlimin bütün məzmun komponentləri
arasında struktur əlaqələri qurmağı və onları sistemləşdirməyi tələb edən didaktik
prinsipdir. Dünyanın təhsil təcrübəsində şaquli və üfüqi olmaqla onun iki
növündən istifadə edilir.
Fəndaxili inteqrasiya- təlim prosesinə istiqamət verən aparıcı rola
malikdir.Bu inteqrasiya modeli fənni tədris edən müəllimdə bilik və bacarığı
əlaqəli və eləcə də ayrılıqda görə bilmək qabilliyətini tələb edir. Tədris olunan
mövzuda fənnin məzmun xəttinə uyğun olaraq tələb olunan bilik və bacarıqlar
diqqət mərkəzində olmalıdır, əsasən müəyyən etmək olar ki, bu model
şagirdyönümlü təlim prosesinin tərkib hissəsi kimi, onları dərk etmə və sosial
bacarıqlarını (çalışma həlli, müstəqil qərar çıxarma, tənqidi və yaradıcı düşünmə
bacarıqları, eləcə də biliklərin həyata tətbiqi qabilliyətini inkişaf etdirmək
imkanına malikdir.
