Azərbaycan Respublikasının Cinayət Məcəlləsi

Maddə 238. Narkotik vasitələrin və ya psixotrop maddələrin istehlakı üçün tiryəkxanalar təşkil etmə və ya saxlama

238.1. Narkotik vasitələrin və ya psixotrop maddələrin istehlakı üçün tiryəkxanalar təşkil etmə, saxlama və ya bu məqsədlər üçün binalar vermə —

• 
  dörd ilədək müddətə azadlıqdan məhrum etmə ilə cəzalandırılır.
  

238.2. Eyni hərəkətlər:


238.2.1. qabaqcadan əlbir olan bir qrup şəxs və ya mütəşəkkil dəstə tərəfindən törədildikdə;

238.2.2. təkrar törədildikdə —

• 
  üç ildən səkkiz ilədək müddətə azadlıqdan məhrum etmə ilə cəzalandırılır.