QISA İCMAL Sürətli iqtisadi artım, eləcə də, gəlirlərin bölgüsünü daha da təkmilləşdirən siyasətlər və proqramlar hesabına Azərbaycanda 2000-ci illərdə yoxsulluq səviyyəsi əhəmiyyətli dərəcədə azalmışdır. Neft bumunun yaratdığı əlverişli fürsətdən istifadə edərək Azərbaycan hökuməti əmək haqlarının qaldırılması və əhaliyə sosial müavinətlərin ödənilməsi üçün transferlərin artırılması məqsədilə dövlət sektoru üzrə geniş miqyaslı investisiya proqramlarının və iqtisadiyyatın müasirləşdirilməsi məqsədini daşıyan institusional islahatların icrasına başlamışdır. Sözügedən səylər cütrəqəmli artıma və yoxsulluğun əhəmiyyətli dərəcədə azaldılmasına gətirib çıxarmışdır. Hesabatda hökumətin ünvanlı sosial yardım proqramının daha çox ehtiyacı olanları uğurla əhatə etməsi vurğulanmışdır. Digər tərəfdən, neft gəlirlərindən yüksək səviyyədə asılılıq və hazırda müşahidə olunan qlobal iqtisadi böhran artım tempinin saxlanılması istiqamətində müəyyən çətinlik yaradır ki, bu da yoxsulluğun azaldılması sahəsində əldə olunmuş nailiyyətləri təhlükə altında qoya bilər. Azərbaycan gəlirin yenidən bölgüsü üçün potensialın artırılması istiqamətində əhəmiyyətli uğurlar əldə etsə də, əhalinin gələcək inkişafda aktiv rol oynaması üçün insan kapitalının inkişaf etdirilməsində və Azərbaycanın müqayisə olunduğu ölkələrlə məhsuldarlıq sahəsindəki fərqin aradan qaldırılmasında əhəmiyyətli çətinliklər qalmaqdadır.
