Azərbaycanda Korporativ İdarəetmə
Yüklə 412,47 Kb. Pdf görüntüsü
|
|
Fidusiar vəzifələr
Azərbaycanda məcburi qüvvə daşıyan korporativ idarəetmə normaları sırasında hüquqi şəxsin idarəetmə orqanlarında təmsil olunan şəxslərə münasibətdə fidusiar vəzifələrinin müəyyən olunmasına aid müddəalar nisbətən yaxın keçmişdə Mülki Məcəlləyə əlavə edilmişdir. 4 Birbaşa bu tərzdə adlandırılmış olmasa da, Mülki Məcəllənin müvafiq müddəasını nəzərdən keçirdikdə görürük ki, fidusiar vəzifələr əsasən vicdanlılıq (duty of good faith), qayğı (duty of care) və sadiqlik (duty of loyalty) vəzifələrini ehtiva edir. Konkret olaraq, hüquqi şəxs adından çıxış edən şəxs, o cümlədən hüquqi şəxsin idarəetmə orqanlarında (müşahidə şurası, icra orqanı) təmsil olunan hər hansı şəxs, təmsil etdiyi hüquqi şəxsin mənafeləri üçün vəzifələrini yerinə yetirərkən [i] vicdanla, [ii] peşəkar qaydada və məntiqlə hərəkət etmək və ehtiyatlı olmağa, [iii] hüquqi şəxsin və onun bütün iştirakçılarının maraqlarına sadiq olmaq və hüquqi şəxsin maraqlarını öz maraqlarından üstün tutmağa borcludur. 5 Mülki Məcəlləyə görə, adıçəkilən fidusiar vəzifələri daşıyan hər hansı bir şəxs bu vəzifələrin müvafiq hüquqi şəxsin maraqlarına uyğun olaraq yerinə yetirilməsi üçün öhdəlik daşıyır. Hüquqi şəxs onu təmsil edən və ona münasibətdə fidusiar vəzifələri olan şəxslərin hərəkətləri və ya hərəkətsizliyi ucbatından zərər çəkdiyi təqdirdə, hüquqi şəxs və onun qarşısında fidusiar vəzifələri daşıyan şəxslər (fidusiar) arasında maraqların toqquşması yaranır. Belə ki, bir hüquqi şəxsə zərər vurulmuşdur və onun əvəzi ödənilməlidir. Digər tərəfdən zərərin əvəzinin ödənilməsinə dair tələbi hüquqi şəxsin adından onun fidusiarları irəli sürməlidir. Fiduasiarların özlərinə qarşı tələb irəli sürülməsini gözləmək isə sadəlövhlük olardı. Bu problemin həlli yollarından biri Azərbaycanın korporativ idarəetmə hüququnda həmin hüquqi şəxsin səhmdarlarına və iştirakçıları üçün hüquqi 1 Azərbaycanda bir çox şirkətlərin təkbaşına icra orqanlarının vəzifə adları direktor olduğu üçün bu məqalədə icra orqanı ilə çaşdırılmaması məqsədilə yalnız müşahidə şurası ifadəsindən istifadə olunacaqdır. 32 3/2016 şəxsə dəymiş zərərin əvəzini ödəməsini tələb etmək hüququnun müəyyən olunmasıdır ki, bu hüququ da qanunverici Mülki Məcəlləyə əlavə etmişdir. Mülki Məcəllə bu haqda danışmasa belə, düşünürük ki, burada, dəymiş zərərin əvəzinin ödənilməsinə dair tələb hüquqi şəxsin adından irəli sürülməli və müvafiq vəsaitlər hüquqi şəxsə (yəni - əsl zərərçəkənə) ödənilməlidir. Yüklə 412,47 Kb. Dostları ilə paylaş:
|