Azərbaycanda Korporativ İdarəetmə
Yüklə 412,47 Kb. Pdf görüntüsü
|
|
30 3/2016 Təmsilçilik riski və onun Hüquqi Tənzimləməsinin Əsasları Azərbaycanda Korporativ İdarəetmə: KORPORATİV İDARƏETMƏ “Korporativ idarəetmə” məfhumunun müasir Azərbaycanda kommersiya fəaliyyəti ilə bağlı olan ifadələr lüğətinə daxil olması və onun prinsiplərinin tətbiqi əsasən Azərbaycanın bazar iqtisadiyyatına keçidi, yeni Mülki Məcəllənin 1 qəbulu və dövlət əmlakının özəlləşdirilməsi proqramı çərçivəsində dövlət müəssisələrinin bazasında yüzlərlə səhmdar cəmiyyətlərinin və minlərlə səhmdarların meydana çıxmasına təsadüf edir. Lakin buna baxmayaraq, korporativ idarəetmə sisteminin tətbiqi və inkişafı üzrə qısa bir müddət ərzində müəyyən uğurlar əldə edilmişdir. Belə ki, Beynəlxalq Maliyyə Korporasiyası tərəfindən həyata keçirilən “Azərbaycanda Korporativ İdarəetmə Lahiyəsi” çərçivəsində aparılan sorğuya əsasən, sorğuda iştirak edən şirkətlərin 97 faizi bildirmişlər ki, 2005-ci ildən bəri korporativ idarəetmə prinsiplərinin tətbiqi üzrə təcrübə təkmilləşmişdir. 2 Buna baxmayaraq, korporativ idarəetmə prinsiplərinin tətbiqində müəyyən problemlər hələ də qalmaqdadır. Hazırkı məqalədə Azərbaycanda korporativ ida- rə etmənin bəzi prinsiplərinin hüquqi tən zim lən- mə sinin əsaslarından söz açacağıq. Azər bay canda hüquqi şəxslərə münasibətdə məcburi qüvvəyə malik korporativ idarəetmə normaları əsasən Mülki Məcəllənin bir neçə maddəsində öz əksini tapıb. Qanunvericiliyə əlavə olaraq, xüsusi korporativ idarəetmə normaları da mövcuddur ki, həmin normalar banklara, sığorta şirkətlərinə, investisiya şirkətləri və investisiya fondları kimi müəyyən fəaliyyət növləri ilə məşğul olan hüquqi şəxslərə tətbiq olunur. Məcburi korporativ idarəetmə prinsipləri ilə yanaşı, Azərbaycan Respublikasının İqtisadi İnkişaf Nazirliyi və Beynəlxalq Maliyyə Korporasiyasının nümayəndələrindən ibarət işçi qrupu tərəfindən işlənib hazırlanmış “Azərbaycan Korporativ İdarəetmə Standartları” da mövcuddur. Həmin standartlar “İqtisadi Əməkdaşlıq və İnkişaf Təşkilatı”nın (İƏİT) “Korporativ İdarəetmə Prinsipləri”nin 2004-cü ildəki buraxılışına əsasən işlənib hazırlanmışdır və könüllü xarakter daşıyır. 3 Yüklə 412,47 Kb. Dostları ilə paylaş:
|