Aidiyyəti şəxslərlə əqdlərin bağlanması Təmsilçilik riskinin idarə edilməsi məqsədilə
əlavə hüquqi mexanizmlər arasında hüquqi şəxs
tərəfindən aidiyyəti şəxslərlə əqdlərin bağlanması
qaydasını qeyd etmək olar.
Hal-hazırda Mülkü Məcəllədə əksini tapmış bu
qaydalar Azərbaycanda təsis edilmiş bütün hüquqi
şəxslərə şamil edilir. Əvvəllər, bənzər qaydalar yalnız
investisiya qiymətli kağızların emitentlərinə və
banklara münasibətdə tətbiq olunurdu.
6
Mülkü Məcəlləyə edilən müvafiq dəyişikliklərə
əsasən hüquqi şəxsə aidiyyəti olan şəxslə həmin
hüquqi şəxs arasında bağlanılan hər hansı əqd,
razılaşma və yaxud əlaqəli əqdlər məcmusu
aidiyyəti şəxslə əqd hesab edilir və qanunla
müəyyən edilmiş qaydada təsdiq olunmalıdır.
7
Ümumiyyətlə, hüquqi şəxsə aidiyyəti olan şəxslərə
aşağıdakılar aid edilmişdir:
1.
hüquqi şəxsin müşahidə şurasının və icra
orqanının rəhbəri və üzvləri;
2.
hüquqi şəxsin struktur bölməsinin (filial,
nümayəndəlik, idarə və s.) rəhbəri;
3.
yuxarıda qeyd edilən 1-ci və 2-ci bəndlərdə
göstərilən şəxslərin qohumları;
4.
hüquqi şəxsin nizamnamə kapitalında ən azı
10 faiz və daha çox paya birbaşa və ya dolayı
yolla malik olan hər hansı şəxs;
5.
yuxarıda qeyd edilən 1-ci, 2-ci və 4-cü
bəndlərdə göstərilən şəxslərin birbaşa və ya
dolayısı ilə iştirak etdiyi hüquqi şəxslər;
6.
hüquqi şəxsin, nizamnamə kapitalında ən azı
20 faiz payla iştirak etdiyi hüquqi şəxs;
7.
yuxarıda qeyd edilən 4-cü və 6-cı bəndlərdə
göstərilən hüquqi şəxslərdə ən azı 20 faiz
paya (səhmlərə) malik olan hər hansı şəxs;
8.
yuxarıda qeyd edilən 4-cü və 6-cı bəndlərdə
göstərilən hüquqi şəxslərin müşahidə
şurasının və icra orqanlarının rəhbərləri.
8
Aidiyyəti şəxslə bağlanması nəzərdə tutulan əqdin
dəyəri hüquqi şəxsin aktivlərinin 5 faiz və daha
çox hissəsini təşkil etdikdə, həmin əqd hüquqi
şəxs tərəfindən cəlb edilmiş müstəqil auditorun
rəyi və hüquqi şəxsin iştirakçılarının ümumi
yığıncağının sadə səs çoxluğu ilə qəbul edilmiş
qərarı ilə bağlanılır.
9
Təəssüf ki, müstəqil auditorun
rəyinin hansı məsələləri əhatə edəcəyi haqqında
bir məlumat göstərilməmişdir və təcrübədə hazırki
müddəanın tətbiqi çətinliklər yaradır.
Əlavə olaraq, həmin əqdə münasibətdə aidiyyəti
şəxs olan iştirakçı məsələ ilə əlaqədar olan
səsvermədə iştirak edə bilməz. Burada, zənnimcə,
qanunvericilikdə boşluq var. Odur ki, bir hüquqi
şəxs (A şirkəti) yeganə iştirakçısı olduğu törəmə
cəmiyyəti (B şirkəti) ilə əqd bağlayarsa və
həmin əqdin B şirkətinin iştirakçılarının ümumi
yığıncağının qərarı ilə bağlanması tələb olunarsa,
bu zaman ümumi yığıncaqda sadə səs çoxluğu
ilə qərar qəbul etmək mümkün olmayacaq. Buna
səbəb, B şirkətinin yeganə iştirakçısı olan A şirkəti,
həmçinin B şirkətinə münasibətdə aidiyyəti şəxs
olmasıdır və Mülki Məcəllə A şirkətinə məsələ ilə
əlaqədar səsvermədə iştirak etməyə icazə verimir.
Yaxşı olardı ki, Mülki Məcəlləyə müvafiq düzəlişlər
edilməklə aidiyyəti şəxslərlə əqdlərin bağlanması
qaydalarının özünün yeganə iştirakçısı ilə əqd
bağlayan hüquqi şəxslərə tətbiq olunmaması
nəzərədə tutulsun. (Bu mövqe əvvəllər qüvvədə
olan “İnvestisiya qiymətli kağızların emitentləri
tərəfindən aidiyyəti şəxslərlə əqdlərin bağlanması
və məlumatın açıqlanması Qaydaları”nda öz əksini
tapmışdı və həmin qaydalar hüquqi şəxsdə 100
faiz səhmlərə malik olan və hüquqi şəxsin 100 faiz
paylarına malik olan şəxslərlə əməliyyatlara şamil
edilmirdi.)
Aidiyyəti şəxslə bağlanması nəzərdə tutulan
əqdin dəyəri hüquqi şəxsin aktivlərinin 5 faizədək
hissəsini təşkil etdikdə, həmin əqd hüquqi şəxsin
nizamnaməsinə uyğun olaraq, onun iştirakçılarının
ümumi yığıncağı, müşahidə şurası və ya icra orqanı
tərəfindən qəbul olunur. Bu halda iştirakçıların
ümumi yığıncağında, müşahidə şurasının və
kollegial icra orqanının iclaslarında aidiyyəti
şəxs olan iştirakçı (üzv) səsvermədə iştirak edə
bilməz. Hüquqi şəxsin təkbaşına icra orqanının
rəhbəri, habelə onun yuxarıda qeyd edilən 3-cü
və 5-ci bəndlərdə göstərilən şəxsləri aidiyyəti şəxs