Azərbaycanda Korporativ İdarəetmə

KORPORATİV İDARƏETMƏ

---

3/2016
33
qismində çıxış etdikdə onlarla hüquqi şəxs arasında 
əqd müşahidə şurasının, o olmadıqda isə hüquqi 
şəxsin ümumi yığıncağının qərarı ilə bağlanılır.
10
Aidiyyəti olan şəxslə əqdin Mülki Məcəllənin 
tələbləri pozulmaqla bağlanılması nəticəsində 
hüquqi şəxsə dəyən zərərə görə təqsiri olan 
şəxslər məsuliyyət daşıyır. Bu halda, əqdin digər 
tərəfi əqdin Mülki Məcəllənin tələbləri pozulmaqla 
bağlandığını bildikdə hüquqi şəxs və ya onun 
istənilən iştirakçısı həmin əqdi mübahisələndirə 
bilər.
11
Hüquqi şəxsin müşahidə şurasının rəhbəri və ya 
üzvləri özlərinin, yuxarıda qeyd edilən 3-cü və 5-ci 
bəndlərdə göstərilən şəxslərin bağlanılan əqdə 
münasibətdə aidiyyəti şəxs qismində çıxış etmələri, 
həmçinin həmin əqdlə əlaqədar öz maraqlarının 
xüsusiyyətləri (onun yaranması, həcmi və s.) barədə 
məlumatı hüquqi şəxsin iştirakçılarına yazılı şəkildə 
təqdim etməlidirlər. Buna bənzər tələblər hüquqi 
şəxsin idarə heyətinin sədri və digər üzvlərə 
münasibətdə də mövcuddur.
12
Son olaraq qeyd etmək istərdim ki, Mülki Məcəllədə 
aidiyyəti olan şəxslə bağlanan əqdlərin dəyərinə 
dair əhəmiyyətlilik kəndarı nəzərdə tutulmayıb. Bu o 
deməkdir ki, aidiyyəti şəxslə bağlanan hər hansı bir 
əqd dəyərindən asılı olmayaraq qanunla müəyyən 
edilmiş qaydada təsdiq olunmalıdır. Təəssüf ki, 
bu da hazırki müddəanın tətbiqi işində təcrübədə 
çətinliklər yaradır.
Ülviyyə Zeynalova-Boçkin 
Dentons şirkətinin Bakı ofisinin böyük hüquqşünası
Ülviyyə Zeynalova Xəzər Universitetinin hüquq fakültəsinin (hüquq elmləri üzrə bakalavr, 
fərqlənmə ilə; 2006-cı il) və ABŞ-ın Corctaun Universitetinin Hüquq Elmləri Mərkəzinin 
(Georgetown University Law Center) (Qiymətli kağızlar və Maliyyə Tənzimlənməsi 
sahəsində hüquq magistri; 2009-cu il) məzunudur. 2010-cu ildən Nyu York ştatının vəkillər 
kollegiyasının üzvüdür. Korporativ hüquq, hüquqi şəxslərin birləşməsi və satın alınması 
(M&A), bank və maliyyə hüququ, o cümlədə İslam maliyyə hüququ üzrə ixtisaslaşıb. Əlavə 
olaraq, o, qiymətli kağızlar və maliyyə bazarının tənzimlənməsi sahəsində də xüsusi bilik və 
təcrübəyə malikdir ki, buraya ABŞ-ın Qiymətli Kağızlar və Birjalar Komissiyasının Vaşınqton 
şəhərindəki qərargahında Korporasiya Maliyyələşdirilməsi Bölməsində, habelə Dentons 
şirkətinin Nyu-York və Sinqapur ofislərində staj keçmələr də daxildir.
1.
“Azərbaycan Respublikası Mülki Məcəlləsinin təsdiq edilməsi, qüvvəyə minməsi və bununla bağlı hüquqi 
tənzimləmə məsələləri haqqında” 28 dekabr 1999-cu il tarixli 779-IQ №-li Azərbaycan Respublikasının Qanunu 
ilə təsdiq edilmiş Azərbaycan Respublikasının Mülki Məcəlləsi (“Mülki Məcəllə”) (http://e-qanun.gov.az/code/8) 
2.
“2011-ci ildə Azərbaycanda Korporativ İdarəetmənin Vəziyyəti haqqında Sorğunun Nəticələri”, “Beynəlxalq 
Maliyyə Korporasiyası”-nın “Azərbaycanda Korporativ İdarəetmə Layihəsi” tərəfindən hazırlanmışdır və 
aşağıdakı keçiddən endirilə bilər (İngilis dilində) https://www.ifc.org/wps/wcm/connect/20d3e8804b194a2f8b26
9fd9d0e6d969/Project%26survey%2Breport.pdf?MOD=AJPERES 
3.
Azərbaycan Respublikası İqtisadi Inkişaf Nazirinin 28 yanvar 2011-ci il tarixli F-09 №-li əmri ilə təsdiq 
edilmiş “Azərbaycan Korporativ İdarəetmə Standartları”. Standartların mətni aşağıdakı keçiddən endirilə bilər 
(Azərbaycan dilində) http://www.economy.gov.az/doc/korporativ_idaretme_standartlari.doc 
4.
30 may 2008-ci il tarixli 610-IIIQD №-li “Azərbaycan Respublikasının Mülki Məcəlləsinə dəyişiklik və əlavə