|
Su-duz mübadiləsi və onun pozulması
Orqanizmdə gedən bütün biokimyəvi və fizikikimyəvi proseslər sulu mühitdə icra olunurlar. Orqanizmdə suyun aşağıdaki funksiyaları var:
1) su—qida və mübadilə maddələrin həlledicisidir
2) su onda olan maddələri daşıyır
3) yaxın olan orqanların səthləriniin sürtülməsinin qarşısını alır
4) buxarlanaraq orqanizmin temperaturunun tənzimetməsində iətirak edir
İnsan orqanizmi xarici mühitdən 1 gün ırzində 2,5-3litr maye alır. Bu mayenin 1500-1700 ml-i içməli sudur, 800-1000 ml isə xörəklərin, kiselin, kompotun tərkibində qəbul edilir. Bundan başqa orqanizmin özündə üzvi maddələrin oksidləşməsi nəticəsində 200-300 ml endogen su əmələ gəlir. Toxumalarda 100q yağ oksidləşəndə 100ml, 100q k/h oksidləşəndə 55ml, 100q zülal oksidləşəndə 41ml su yaranır.
Orqanizm həm böyrəklər vasitəsilə (1,5l), həm də ekstrarenal yolla: həzm sistemi ilə (50-300ml), tənəffüs yollaı ilə (200ml) və tər vasitəsilə (0,5-1litr) su itkisinə məruz qalır. Orqanizmin mütləq su itkisi gün ərzində 2,5-3l-ə bərabər olub, qəbul edilən mayenin miqdarından asılıdır.
Orta yaşlı insan bədənin ümumi kütləsinin 55%-ə qədəri (40-45l) sudan ibarətdir, uşaqlarda isə bədənin ümumi kütləsinin75-80%-i suyun payına düşür.
Dostları ilə paylaş: | 
