62
2) Məşğələnin məqsədlərinin müəyyənləşdirilməsi. Məqsədlər 3 əsas
müddəa əsasında müəyyən edilir:
- mövzuya aid biliklərin dərinləşdirilməsi
- müzakirə edilən məsələlər ümumiyyətlə tarix təhsilinin məqsədlərinə, o
cümlədən öyrənilən mövzunun məqsədlərinə nə dərəcədə yararlıdır;
3) Hazırlıq mərhələsində həll edilən məsələlərdən biri də mütəxəssislərin
dəvət olunmasıdır. Onlar mövzunun məzmunundan asılı olaraq dəvət olunurlar.
Elə adamlar olmalıdır ki, onların nöqteyi-nəzərləri bir-birinə zidd olsun, lakin
yekunda razılaşma əldə edilə bilsin. «Qarabağ problemi»nin müzakirəsinə
Qarabağ müharibəsinin iştirakçısını, xarici işlər nazirliyinin, Dağlıq Qarabağın
Azərbaycanlı icmasının, müxalifətin, Milli Məclisin, beynəlxalq təşkilatların
nümayəndələrini dəvət etmək olar.
4) Şagirdlərə məsləhətlərin verilməsi. Məsləhətlər fərdi və qrup xarakterli
ola bilər. Qrup məsləhətləri hazırlığın başlanğıc və son mərhələsində verilə bilər.
Fərdi məsləhətlər həm şagirdlərin, həm də müəllimin təşəbbüsü ilə təşkil oluna
bilər.
5) Otağın (yerin) hazırlanması. Bütün iştirakçıların dairə üzrə oturması
məsləhətdir. Bütün texniki vasitələr ekranın qarşısında yerləşdirilir. Müəyyən
mövqe üzrə və yaranmış şagird mikroqrupları oturduqları stulların arxasındakı
divardan öz mövqeyini bildirən plakatları asa bilərlər.
Dostları ilə paylaş: 
