3. Huquq nazariyasiga ko’ra “Tasdiqlash xati” qanday hujjat hisoblanadi? 4. Psixologik va jismoniy bosim o‘z tasdig‘ini topsa, qonun nuqtai nazaridan mansabdor shaxslarni qanday javobgarlik va jazo kutmoqda?
Kazus 15 Prezident Shavkat Mirziyoyev 4-may kuni O‘zbekistonning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qarorni imzoladi.
2026-yil 1-mayga qadar mahalliy turoperatorlar, yo‘lovchilarni joylashtirish yoki tashish bilan shug‘ullanuvchi turistik kompaniyalar haydovchi bilan birga 10 va o‘ndan ortiq o‘rindiqqa ega avtobuslarni olib kirishda QQSni 12 oy davomida foizsiz va shartsiz to‘lashi mumkin bo‘ladi. Gap ishlab chiqarilganiga 5 yildan ortiq bo‘lmagan transport vositalari (TIF TN kodlari 8702 10, 8702 40, 8702 90) haqida bormoqda.
2023-yilda O‘zbekiston turizm mahsulotini xorijiy bozorlarda targ‘ib qilishga 50 mlrd so‘m yo‘naltirish ko‘zda tutilgan. Shuningdek, 1-iyunga qadar xalqaro turizm va marketing platformalarida reklama xarajatlarini qoplash tartibini tasdiqlash topshirildi. Hujjatga ko‘ra, muzey va teatrlarning dam olish va bayram kunlarida, shuningdek, tashrif buyuruvchilar uchun qulay vaqtlarda ishlashi ta’minlanadi.
Oilaviy tadbirkorlik dasturi doirasida 8 va undan ortiq o‘rinli yo‘lovchi tashish transporti xarid qilish uchun 300 million so‘mgacha kredit mablag‘lari ajratiladi. Shuningdek, sayyohlik kompaniyalarining aylanma mablag‘lari va investitsiyalarini ko‘paytirish uchun qo‘shimcha 300 milliard so‘mlik kredit liniyalari ochiladi.
Makroiqtisodiy va hududiy tadqiqotlar instituti avvalroq ichki turizm bo‘yicha so‘rov o‘tkazgandi. Respondentlarning yarmidan ko‘pi oilalari bilan sayohat qilishni afzal ko‘rishlarini aytgan. Asosiy muammolar qatorida yo‘llar sifati, narxlar, suv, internet va sanitariya punktlari sanalgan.
Savollar: 1. Turizm industriyasi ommaviy huquq sohasimi yoki yo‘qmi? Tahlil qiling.
