Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

1912-1917.  Bu illərdə "Nicat"dan əlavə, bu dəstənin yaradıcı heyəti  əsasında "Səfa" teatr 

truppası da yaradılıb. Tamaşalar paralel verilib. Tədricən gündüz tamaşalarının sayı da artırılıb. 

Truppaların qastrolları geniş vüsət alıb və çox möhtəşəm coğrafi ərazini əhatə edib. 

Azərbaycan teatr tarixində ilk dəfə olaraq 1912-ci ilin noyabrında "Nicat"ın aktyoru Mirzağa 

Əliyev tamaşa zamanı  səhnədən dövlət  əleyhinə söz işlətdiyinə görə Hacıtərxan  şəhərinə sürgün 

edilib. 

Fəaliyyət göstərdiyi illər  ərzində "Nicat" teatr truppasında gələcəyin qüdrətli sənətkarları 

Hüseynqulu Sarabski (aktyor, rejissor və opera solisti), Sidqi Ruhulla, Abbasmirzə  Şərifzadə, 

Panfiliya Tanailidi (müəyyən fasilələrlə), Yeva (Yevgeniya) Olenskaya, Əhməd Qəmərli (dramaturq 

və akt-yor), Hüseynağa Hacıbababəyov (opera solisti), Əbülhəsən Anaplı, Rza Darablı, Nataliya 

Lizma, Hacıağa Abbasov, Cəlil Bağdadbəyov, Hacıbaba Şərifov, Mir Paşa Sadıqov, Məmmədhənifə 

Tanrıqulov (Hənifə Terequlov. Aktyor və xorbaşı),  Ələkbər Süheyli, Müslüm bəy Maqomayev 

(dirijor), Ələkbər Hüseynzadə, Xəlil Hüseynov, İbrahim Atakişiyev (Azəri), Məmmədtağı Bağırov, 

Məhəmmədhəsən Atamalıbəyov, Səməd Mənsur (Kazımzadə. Dramaturq, aktyor və rejissor), Şeyda 

Xəlilbəyov, Yunis Nərimanov və onlarca başqaları yetişib formalaşıblar. 

Fəaliyyətinin son altı ilində "Nicat" truppası əlliyə yaxın tamaşa hazırlayıb. Bunların böyük 

bir qismini truppa hər il təzə quruluşlarda göstərib. Üzeyir bəy Hacıbəyovun "Şah Abbas və Xurşid 

banu", "Əsli və Kərəm" operalarını, "Arşın mal alan" operettasını, Mehdi bəy Hacınskinin "Zülm və 

istibdadın axırı" ("Sultan Əbdülhəmidin xəli"), "Yezid ibn Müaviyyə", Nəcəf bəy Vəzirovun 

"Keçmişdə qaçaqlar", Cəlil Məmmədquluzadənin "Ölülər" (rejissor Hüseynqulu Sarabski. İsgəndər - 

Mirzağa Əliyev, Şeyx Nəsrulla - Əliqulu Qəmküsar), Əbdürrəsul Şərifzadənin "Ənuşirəvani-adil", 

Vano Mçedaşvilinin "Qaçaq Kərəm", Mirzə  Məmməd Axundzadənin "Səd ibn Vəqqas", Hacı 

İbrahim Qasımovun "Qatili-Kərimə" ("Qızının qatili"), Yusif Talıbzadənin "Əmir Xalid ibn Valid" 

("Şamın fəthi və  ərəblərin Roma ilə müharibəsi"), Baxmetovun "Napoleon müharibəsi və yaxud 

Moskva yanğını" (tərcüməçi Hacı İbrahim Qasımov), Səməd Mənsurun "Köhnə və təzə il", Abdulla 

Şaiq Talıbzadənin "Bir saatlıq xəlifə", Səkinə Axundzadənin təbdil etdiyi "Zülmün səmərəsi" 

---

("Lakme". Rejissor Abbasmirzə  Şərifzadə. Nilufər-Lakme - Gülsabah xanım, Said bəy - Hüseyn 

Ərəblinski, Səid bəy - Abbasmirzə  Şərifzadə)  əsərlərini ilk dəfə  məhz "Nicat" teatr truppası 

tamaşaya hazırlayıb. 

1916-cı ildə Tağıyev teatrında "Nicat" mədəni-maarif cəmiyyətinin, o cümlədən onun 

nəzdindəki teatr truppasının onilliyi yubiley kimi qeyd olunub. 

"Nicat" teatr truppası ilk dəfə aktyorlara müxtəlif bölgülər üzrə maaş kəsib. 

"Nicat" teatr truppası ilk dəfə özünün aksessuarım (rekvizit, butafor, dekorasiya, geyim və 

sairə) yaradıb. 

"Nicat" teatr truppası sabit repertuar qurmaq istiqamətində ənənə yaradıb. 

"Nicat" müqavilə ilə truppaya aktyorlar götürüb. 

"Nicat" truppası dünya dramaturgiyasının incilərini tamaşaya hazırlamaq məqsədilə 

tərcümələr sifariş verib. 

"Nicat" teatr truppası fəaliyyətinin sonuna qədər öz repertuarında məzhəkə, dram, komediya 

və faciələrlə yanaşı, operalara və operettalara da xüsusi yer ayırıb. 

"Nicat" teatr truppası maarifpərvər Bakı milyonçularının, əsasən, Murtuz Muxtarovun, Ağa 

Musa Nağıyevin köməkiikləri ilə müxtəlif illərdə çoxlu müsamirələr keçirib. Yığılan vəsait "Nəşri-

maarif"ə, ayrı-ayrı məktəblərə, şagirdlərin dərs vəsaitlərinə, bəzi aktyorların müalicə xərclərinə sərf 

olunub.