Burada, bu anlamda hüquq siyasətdən üstün dayanır. Çünki dövlət nəticə
kimi meydana gəlir. Hüquq siyasəti özünə xidmət etməyə yönəldir. Dövlətin
hüquqla nəticələnməsi isə insanların sahələrdə hüquqlarının müəyyən olunması
ilə tamamlanır. Bu isə o deməkdir ki, hüquqsuz siyasət, siyasətsiz isə hüquq
ola bilməz. Siyasət sistemi hüququn təsbit etdiyini həyata keçirir. Məsələn,
insanların bir sahədə olan hüquqlarını siyasi fəaliyyət təmin edir. O da düzdür
ki, hüquqlarda təsbitedilmə siyasət vasitəsilə təmin olunur. Bu baxımdan da
hüquq sistemi siyasət sisteminə başlanğıc verir onun fəaliyyətini şərtləndirir,
məqsədlərini müəyyən edir, vəzifələrini, məsuliyyət və öhdəliklərini
formalaşdırır. Siyasət sistemi də hüquq sisteminin məqsəd və vəzifələrini
sahələr üzrə aşkarlayır.
Hüquq sisteminin hərəkətə gətirilməsi elə siyasət sisteminin hərəkətə
gətirilməsi mənasını verir. Vəhdət məsələsi hər ikisini tamamlayır. Mexanizm
məsələsi hər ikisini vəhdətləşdirir.
