115) Göstərilən inyeksiyalardan hansını tibb bacısı aparmamalıdır?
A) Əzələ daxilinə
B) Dəri altına
C) Vena daxilinə
D) Arteriya daxilinə
E) Dəri içinə
Bir sıra inyeksiyaları mürəkkəb olduğuna görə həkim aparır. Məsələn: arteriya daxilinə , ürək daxilinə, limfa damarlarına, onurğa kanalına və s. Lakin tibb bacısı bu əməliyyatlarda iştirak edir ,lazımi alətləri hazırlayır , ona görə də tibb bacısı bu sahədə minimum biliyə malik olmalıdır.
Ədəbiyyat : C.N. Hacıyev ; R.Y. Əliyev . Xəstələrə qulluq. Səh. 137. “ Təhsil ” Bakı 1998.
116) Xəstəyə O2 (oksigen) verilməsi üçün ən çox hansı üsuldan istifadə olunur?
A) Duodenal zond
B) Mədə zondu
C) Burun kateteri
D) O2 (oksigen) yastığının qıfı
E) Burun kanyulası
Burun xarici tənəffüs orqanı olduğundan oksigen verilməsi xəstəyə burun kateteri vasitəsilə yerinə yetirilir. Bu proses xəstədə sərbəst tənəffüs aktı zamanı mümkündür. Əks hallarda (uzunsov beyin zədələnmələri, Kvinke ödemi (qırtlaq əzələlərinin spazmı), endotraxeal anesteziya və s.) həkim tərəfindən köməkçi tənəffüs tətbiq olunur. Bu üsul xəstədə narahatlıq yaratmır.
Ədəbiyyat: Qaqunova Y.Y “Xəstələrə ümumi qulluq”. Səh 223. “Maarif” 1974.
117) Xəstənin hərarəti yüksək olduqda( qızdırmanın II dövründə )tibb işçisi ona aşağıda sadalanan yardımlardan hansını göstərməlidir?
A) Xəstənin ayaqlarına isitqac qoymalıdır
B) Ayaqlarına isti vanna etməlidir
C) Xəstənin alnına soyuq kompres qoyub, içməyə maye verməlidir
D) Xəstəyə isti çay verməlidir
E) Xəstənin üstünü yorğanla örtməlidir
Xəstənin hərarəti çox yüksək olduqda ağzı quruyur, dodaqları çatlayır, halsız olur Ona görə verilən maye xəstəyə müsbət təsir göstərir,soyuq kompres isə genəlmiş damarlara büzücü təsir göstərərək istilik verməni azaldır.
Ədəbiyyat : C.N. Hacıyev ;.R.Y.Əliyev . Xəstələrə qulluq . Səh. 105. “ Təhsil ” Bakı 1998.
Dostları ilə paylaş: |
