Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

 

 

Hazır  protezin  təhvili.  Buraxılan  səhvlərin  təhlili.  Hissəvi çıxan protezlərin   

mənfi  və müsbət  cəhətləri. 

 

Protezin  təhvili  vacib  mərhələlərdəndir.  Hazır  protezi  həkim  hərtərəfli  nəzərdən  keçirməlidir. 

Gözlə görünən çıxıntılar, nahamarlıqlar aşkar edildikdə, onları ləğv etmək lazımdır. Sonra protez su ilə 

yuyaraq ağız boşluğuna daxil edilir. Çox vaxt protezlər təhvil  verilən gün çatışmamazlığın olmasını 

aşkar etmək mümkün olmur. Həmin gun təkcə protezdəki kobud səhvləri aşkar edib, aradan qaldırmaq 

olar. Protezin korreksiyasını isə xəstə ondan bir neçə gün istifadə etdikdən sonra aparmaq lazımdır. 

Həkimin  buraxdığı  səhvlər:  ağız  boşluğunun  protezləməyə  hazırlanma  qaydalarının  pozulması, 

protezin konstrursiyasının fiksasiya növünün düzgün seçilməməsi, okklüziya xəttinin əyriliyi, ölçünün 

keyfiyyətsiz  olması,  ölçu  materialının  selikli  qişanın  atrofiya  dərəcəsi  nəzərə  alınmadan  seçilməsi, 

alveol çıxıntıların və sərt damağın sümük çıxıntılarının izolyasiya qaydalarına əməl edilməməsi və s. 

Mərkəzi  okklüziyanın  düzgün  təyin  olunmaması  da  protezin  funksional  effektsizliyinə  və  sınmasına 

səbəb olur.  

Texnikin  buraxdığı  səhvlər:  gipslə  alınmış  ölçünün  hissələri  düzgün  yığılmadıqda, 

tutuşdurulmadıqda  və  yapışdırılmadıqda,  işçi  modelin  dəqiq  alınmaması,  modelin  vaxtında 

tökülməməsi (elastik  ölçü materialdan), klammerin protez bazisində düzgün yerləşdirilməməsi və s. 

Protez  bazisinin  qalınlığının  bərabər  olmaması  da  buraxılan  səhvlərdəndir.  Bazisin  qalınlığı  elə 

olmalıdır ki, protez kövrək olmasın, elastikliyini saxlasın, xəstəyə əziyyət verməsin, yəni üst çənədə 

1,5-2  mm,  alt  çənədə  2-2,5  mm  olmalıdır.  Monomer  polimerin  nisbətinin  düzgün  götürülməməsi, 

polimerizasiya rejiminin pozulması protezin keyfiyyətini azaldır. Mum kompozisiyası dərhal qaynar 

suya salınarsa, polimerizasiyadan sonra protez soyuq suya salınarsa protezdə xırda məsamələr əmələ 

gəlir, bu da protezin tez sınmasına səbəb olur. Küveti soyuq suya salıb, temperaturu tədricən qaynama 

dərəcəsinə  catdırmaq  lazımdır.  Protezin  keyfiyyətli  olmasi  üçün,  protezin  işlənməsi  prosesinə  də 

böyuk  əhəmiyyət  vermək  lazımdı.  Protezi  soyumamış  çıxarıb  işlədikdə  və  cilaladıqda  o, 

deformasiyaya uğrayır. 

 

 

---