Fяxrяddиn mustafayev

 
 
Nəcəfov CanbaxıĢ Əli oğlu
(1949) 
 

---

73 
Milli biologiya və təbabətşünaslıq elmimizin inkişafında, tədrisi və 
təbliğində biologiya elmləri doktoru, Azərbaycan Tibb Universitetinin «Tibbi 
biologiya və genetika» kafedrasının müdiri professor Nəcəfov Canbaxış Əli 
oğlunun çox böyük xidmətləri olmuşdur. C.Nəcəfov 1980-ci ildə Moskva 
şəhərində «Yemləmə rejiminin və selen mikroelementinin balbas qoyunlarının 
embrionunun və skelet əzələlərinin inkişafına təsiri» mövzusunda dissertasiya 
işini müdafiə edərək biologiya elmləri namizədi, 1996-cı ildə isə «Onurğalı 
heyvanlarda somatik əzələlərin müqayisəli embrional histogenezi» adlı 
doktorluq dissertasiyasını müdafiə edərək biologiya elmləri doktoru elmi 
dərəcəsini almışdır. Alimin elmi-pedaqoji yaradıcılığı çox sahəli və rəngarəng 
olmaqla, biologiya elminin ən prioritet sahələrini (biologiya, zoologiya, 
botanika, genetika, tibbi biologiya, embriologiya, histologiya, anatomiya, uşaq 
anatomiyası və fiziologiyası, fiziologiya, ekologiya, ətraf mühitin mühafizəsi, 
ekoloji genetika və s.) əhatə edir. O, 150-yə qədər elmi məqalələrin, tədris 
proqramı, dərs vəsaitləri, dərsliklər və kitabların müəllifidir. Onun hazırladığı 
tədris-metodiki vəsaitlər («Orta məktəblərdə botanikanın tədrisi metodikası», 2000-
2011; «Reproduktiv sağalmanın əsasları», 2002; «Orta məktəblərdə insanın 
anatomiyası, fiziologiyası və gigiyenasının tədrisi metodikası», 2003; «Orta 
məktəblərdə ümumi biologiyanın tədrisi metodikası», 2004; «Uşaq anatomiyası və 
fiziologiyası», 2004; «Yenidənhazırlanma və ixtisasartırma təhsili üçün tədris plan 
və proqramları», 2004; «Tibbi biologiya və genetikanın praktik məşğələ albomu», 1 
və 2-ci hissələr, 2004, 2007; «İnkişafın biologiyası və genetikası» (azərbaycan və 
rus dillərində), 2009; «Tibbi biologiya terminlərinin izahlı lüğəti» (azərbaycan və 
rus dillərində), 2010 və s.) ölkəmizin ali və orta məktəblərində istifadə olunan 
qiymətli vəsaitlər və kitablardır. O, həm də 1 monoqrafiyanın (rus dilində, 2007), 
eləcə də «Tibbi biologiya və genetika» (laboratoriya məşğələləri, 2008), «Tibbi 
biologiya və genetikanın əsasları», I və II-cildlər (2010) adlı fundamental ali məktəb 
dərsliklərinin müəllifidir. C.Nəcəfovun rəhbərliyi ilə 5 namizədlik və 1 doktorluq 
dissertasiyası hazırlanıb. Alim hazırda yaradıcılığının ən məhsuldar dövrünü 
yaşamaqla biologiyanın və təbabətin prioritet elmi istiqamətləri üzrə fundamental-
tətbiqi xarakterli, qlobal miqyaslı elmi tədqiqatlar və axtarışlar aparır. C.Nəcəfovun 
kafedrada düzəltdityi heyvanat aləmi muzeyi çox zəngin və nadir eksponatlara malik 
bir muzeydir. Onun Hindistandan çox çətinliklə gətirdiyi fil və 2 turan pələngi 
skeletləri həmin muzeyi olduqca məşhurlaşdırır və dəyərləndirir. Çünki, həmin 
skeletlər dünyanın çox nadir muzeylərində mövcuddur.