Fяxrяddиn mustafayev

 
 
 

---

76 
 
 
 
 
Quliyev Rauf Ələkbər oğlu
(1938) 
 
Milli biologiya elmimizin inkişafında xüsusi 
xidmətləri olan tanınmış alim, biologiya elmləri 
doktoru, professor, akademik N.İ.Vavilov adına 
mükafatın laureatı, Bakı Dövlət Universitetinin 
«Genetika və darvinizm» kafedrasının müdiri Rauf 
Ələkbər oğlu Quliyev ölkəmizdə genetika və 
seleksiya elminin inkişafı üçün elmi-praktiki 
cəhətdən səmərəli və fundamental-tətbiqi xarakterli 
tədqiqatların müəllifidir. O, 1988-ci ildə «Pambıq 
hibridlərində və təkrarən təsir edilmiş mutantlarda mutasiya dəyişkənliyi» 
mövzusunda doktorluq dissertasiyasını müdafiə etmişdir. R.Quliyev «Genetika» 
(2002), «Təkamül təlimi» (2009) ali məktəblər üçün dərsliklərin, «Genetikanın 
əsasları ilə bitkilərin seleksiyası», «Təkamül təlimi» (2010, rus dilində) dərs 
vəsaitlərinin, «Pambığın mutasion seleksiyasında genotipin rolu» (1994) adlı 
monoqrafiyanın, ümumilikdə isə 110 elmi məqalə və əsərlərin müəllifidir. Onun 
rəhbərliyi ilə 5 elmlər namizədi, 1 elmlər doktoru hazırlanıb, 4 nəfərin 
namizədlik dissertasiyası (onlardan 2 nəfəri İran İR-nın vətəndaşıdır) isə 
müdafiə olunmaq ərəfəsindədir. Alim genetikada mutagenez proseslərinin 
mexanizminin öyrənilməsi sahəsində elmi axtarışlarını davam etdirir, genetikaya 
dair yeni dərsliklər, dərs vəsaitləri və tədris – metodiki vəsaitlərin hazırlanması 
sahəsində yaradıcılıq işlərini uğurla davam etdirir. 
 
 
BəĢirov Eyyub Balaməmməd oğlu
(1926) 
 
Ölkəmizdə heyvandarlıq və zootexniya elminin 
inkişafı sahəsində tanınmış alim Eyyub Balaməmməd 
oğlu Bəşirovun təqdirəlayiq xidmətləri vardır. O, 
1951-ci ildə Moskvada Timiryazev adına Kənd Təsər-
rüfatı Ümumittifaq Heyvandarlıq İnstitutunun aspi-
ranturasını bitirib, 1954-cü ildə, elmlər namizədi 
alimiik dərəcəsi almışdır. Alim 1954-cü ildən 
Azərbaycan Elmi Tədqiqat Heyvandarlıq İnstitutunda 
şöbə müdiri, direktor müavini vəzifələrində işləmiş, 
1961-ci ildən heyvandarlığın elmi əsaslarla inkişaf etdirilməsi və süni 
mayalanmanın tətbiqinə kömək məqsədiylə, SSRİ hökumətinin qərarı ilə 
Hindistanda, Əlcəzairdə, Çilidə, Əfqanıstanda olmuş, Sovet mütəxəssisləri 

---

77 
qrupuna rəhbərlik etmişdir. O, 1967-ci ildən yeni yaradılrmış Azərbaycan dövlət 
Damazlıq və Süni Mayalanma Mərkəzi stansiyasında direktor işləmişdir, 2000-ci 
ildən ictimai əsaslarla Respublika Heyvandarlar Cəmiyyətinin sədri kimi 
fəaliyyətini davam etdirir. Aqrar sahənin inkişafındakı xidmətlərinə görə «Şərəf 
nişanı» ordeninə, Respublika Ali Sovetinin Fəxri fərmanına və bir sıra medallara 
layiq görülmüş, damazlıq işinin təşkilinə və bu sahədəki elmi nailiyyətlərinə 
görə İtaliyada beşinci Dünya bioloq alimlərin və Moskvada Qarşılıqlı İqtisadi 
Yardım Şurası ölkələrinin beynəlxalq elmi simpoziumlarının yubiley medalları 
və mükafatları ilə təltif edilmiş, 1997-ci ildə Beynəlxalq Enerji-informasiya 
Elmlər Akademiyasının, 2004-cü ildə «Vektor» Beynəlxalq Elmi mərkəzinin 
«XXI əsrin tanınmış alimi» diplomuna layiq görülmüş, Rusiya Keyfiyyət 
Problemləri Akademiyasının həqiqi üzvü seçilmişdir, rus, fransız, ərəb, fars, 
ingilis və ispan dillərini bilir. E.Bəşirov 125 nəşr edilmiş elmi əsərin, 2 dərslik, 3 
monoqrafiya və 3 təlimatın müəllifidir. Onun elmi əsərləri dünyanın bir sıra 
dillərinə tərcümə edilmiş və elmi kəşflərindən istifadə olunur. O, 6 elmlər 
namizədi dissertasiyasına rəhbərlik etmişdir.