Qatlamni samarali ochish, undan keyin esa bunday obyektlarni o‘zlashtirishda burg‘ilash eritmalarining zichligi kichik bo‘lishi kerak. Bunday mahsuldor qatlamlarni ochishda, har bir qatlam oldindan alohida oraliq mustahkamlash tizmasining shipigacha bekitilgan bo‘lishi kerak. Mahsuldor qatlamni ochishda qo‘llaniladigan burg‘ilash eritmasi maxsus tayyorlanadi. Bunda ishlatish tizmasi to‘liq yoki do‘mli va oraliq tizmalari shaklida tasvirlanadi. Agarda mahsuldor qatlamning tog‘ jinslari mustahkam bo‘lsa, bunday sharoitda ishlatish tizmasi mustahkamlanmasdan ishlatiladi.
3. Gorizontal ishlatish qudug‘ini burg‘ilash ishlari reja-dasturi
Janubiy Kemachi konida burg‘ilanadigan gorizontal quduqning profili «3.1-rasm»da va quduq kesimi bo‘yicha tog‘ jinslarining fizik – mexanik xossalari «3.5-jadval»da keltirilgan.
/
3.1-Rasm. Janubiy Kemachi koni №137G gorizontal ishlatish qudug‘ining profili
Hozirgi paytda Janubiy Kemachi konida maxsuldor qatlamdan maxsulot qazib olish samaradorligini oshirish maqsadida gorizontal quduqlarni burg‘ilash orqali quduq unumdorligini oshirish masalasi dolzarb masalalardan biri bo‘lib, oxirgi yillarda bu borada aniq reja asosida ko‘plab amaliy ishlar qilinmoqda.
“Muborakneftgaz” USHK ga tegishli Janubiy Kemachi konida bu borada “O‘zbekneftgaz” AK kompaniyasi tomonidan gorizontal ishlatish quduqlarini burg‘ilash ishlari ishlari davom ettirilmoqda.
Murakkab sharoitlarda, ya’ni ishlatilayotgan konning qatlam bosimi kamayib borayotganligi, maxsuldor qatlam qalinligi uncha katta emasligi va shu kabi omillarni hisobga olib, gorizontal quduqlarni burg‘ilashda burg‘ilab o‘tish jarayonini takomillashtirish va quduqni burg‘ilashda maqbul burg‘ilash eritmalarini tanlash, ayniqsa qatlam bosimi past bo‘lgan sharoitlarda yengillashtirilgan burg‘ilash eritmalari tarkibini ishlab chiqish muhim masalalardan biri bo‘lib qolmoqda. Quduqlarni burg‘ilab halokatsiz ishlashi texnologik jarayonini quyida keltirilgan ma’lumotlar va o‘rnatilgan kattaliklar orqali ifoda qilamiz:
Quduq stvoli bo‘yicha qiya yo‘naltirilgan uchastkaning boshlanishi chuqurligi – 2213 m. Vertikal bo‘yicha quduq tubi chuqurligi – 2213 m.
Quduq ustki qismidan bashmakgacha gorizontal bo‘yicha chetga chiqish (Ø168,3,5 mm li mustahkamlash quvuri vertikal bo‘yicha 2315 m, quduq stvoli bo‘yicha 2445 m) – 200-250 m.
Quduq stvoli azimut yo‘nalishi burchagi - 9o, iInterval oxirida zenit burchagi - 85-90°, ruxsat etilgan egrilik radiusi – 50 m.
Quduqdagi Ø168,3 mm mustahkamlash quvuri loyixaviy tushirilishi chuqurligi - 2445/2315.
Pilot stvolini burg‘ilash oralig‘i stvol bo‘yicha 2360-2460 m, vertikal bo‘yicha 2296-2335 m.
