Bundan sonra OK düyməsi basılır. Bu halda həmin funksiya cədvəlin seçilmiş xanasına yerləşir və arqumentlərin daxil edilməsi üçün müvafiq dialoq pəncərəsi açılır (şəkil 5.6).
Açılmış pəncərədə müvafiq sətirlərdən (və ya sətirdən) arqument daxil edilir. Daxil edilən arqumentlər birdən çox olduqda hər növbəti arqument üçün yeni daxiletmə sətri
açılır.
Arqumentlərin daxil edilməsilə paralel həmin dialoq pəncərəsində həm də aralıq nəticələr və son nəticə görünür.
Sonda OK düyməsi basılır. Bununla da zəruri funksiyanın nəticəsi elektron cədvəlin seçilmiş xanasında əks olunur.
Bizim misalda daxil edilən sözlərin birləşməsindən yaranan cümlə həmin dialoq pəncərəsində (şəkil 5.6) və cədvəlin seçilmiş xanasında görünür.
Bunların bəzilərinə baxaq.
LEFT (ЛЕВСИМВ)funksiyası sətrin solundan göstərilən sayda ardıcıl simvollar ayırır. Yazılış formatı belədir: =LEFT(“mətn”;[simvolların sayı]). Arqumentlər belə təyin edilir:
Birinci arqument dırnaqda yazılmış mətn və ya mətnin yerləşdiyi xananın ünvanı ola bilər.
Ikinci arqument məcburi deyil (buraxıla bilər). Bu halda sətrin solundan yalnız bir simvol ayrılır.
Məsələn, cədvəl xanasına =LEFT(“fonetika”;3) düsturu daxil edildikdən sonra OK düyməsi basılan kimi həmin xanada “fon” sözü görünür.