Microsoft Word etno kitab son srift 12

ETNOPSİXOLOGİYA 
257 
Hər kəsin cəmiyyətdə mövqeyi, sosial statusu asanlıqla gözə 
çarpır. Görüşərkən əl tutur və bir anlığa bir-birilərinin gözlərinin 
içinə baxırlar. Adətən işgüzar görüşlərdə yemək verilir. Yemək 
zamanı siqaret çəkmirlər, belə hesab edirlər ki, siqaret yeməyin 
dadını qaçırdır. 
Əgər siz fransızca danışmasanız, gərək bu dili pis bildiyinizi 
söyləyə, üzrxahlıq edəsiniz. Fransızlar mahir natiqdirlər. Söhbət 
zamanı tez-tez mövzuya uyğun zarafatlar edirlər. Fransızların ilk 
dəfə tanış olduqları adama ilk sualları bu olur: “sən hardasan?”. Bu 
sualla əsasən onlar digər bölgədən olan fransıza müraciət edirlər ki, 
həmsöhbətinin xarakterik xüsusiyyətlərini müəyyən edə bilsin. 
Fransızların ailəyə, uşaqlara münasibəti. Fransızların ailəyə 
münasibətinin də özünəməxsus xüsusiyyətləri vardır. Övlad 
məhəbbəti, ona öz nəslinin davamçısı kimi baxmaq istənilən 
insanın genetik xüsusiyyətidir. Bununla belə, hər bir xalq bu 
məhəbbəti müxtəlif şəkildə təzahür etdirir. Burada təbii ki, 
valideynin xarakteri, sosial mühiti, milli xüsusiyyətləri, əxlaq 
dəyərləri və s. öz təsirini göstərir. 
Fransız uşağa məhəbbətini italyanlar kimi hay-küylü şəkildə 
bildirmir. Ümumiyyətlə, fransızlar rasional düşüncəli sentimental 
xalqdırlar. Fransızlar uşağa qarşı çox da ürəyi yumşaq deyillər. 
Uşağa qarşı biganə və sərt olurlar. Onlar uşağın erkən qabiliyyətini 
daha çox qiymətləndirirlər. Fransada ictimai yerlərdə bərkdən 
ağlayan uşağa nadir hallarda rast gəlinir. Onlar uşağı həddən artıq 
əzizləyərək, nazını çəkərək yedizdirməyi xoşlamırlar. Ümumiy-
yətlə, Fransada öz qabında yemək saxlamaq mədəniyyətsizlik 
hesab olunduğundan, uşağa da öz yeməyini sonadək yeməyi 
öyrədirlər. Fransızlar uşağa soyuq dəyməsin deyə onu heç vaxt 
qalın geyindirmirlər. Anaya hörmət 1-ci dərəcəli vəzifədir. Böyük 
uşaqlar ev işlərində anaya kömək edirlər. Yad adamların yanında 
uşaqlar özlərini ciddi və sakit aparır, heç vaxt böyüklərin sözlərini 
kəsmirlər. Onlara müraciət edilməzsə söhbətə qarışmırlar. Bir 
sözlə, onlar özlərini inamlı və böyük adam kimi aparırlar. 
Fransızlar amerikalılar kimi uşaqların pul qazanmaq üçün qəzet 

---