Microsoft Word etno kitab son srift 12

ETNOPSİXOLOGİYA 
71 
canlılarda xoşbəxtlik daha çox taleyin qisməti kimi qavranılır və 
insandan asılı olmayan anlayış kimi izah olunur. Yapon təfəkkü-
ründə insanın xoşbəxt olması onunun özünün iradəsindən yəni, 
başqaları ilə uyğunlaşa bilməkdə, onların fikir və qiymətlərini
nəzərə almaqda azərbaycanlı təfəkküründə isə xoşbəxtlik onun 
iradəsindən kənardadır yəni, özgəsindən, daha dəqiq ifadə etsək 
alın yazısından asılıdır. 
Beləliklə, etnik və ya milli xarakter dinamik xüsusiyyət kimi 
təbii və sosial mühitin, eləcə də dilin təsiri altında formalaşır. 
Xüsusilə, dildə olan söz və anlayışların necə başa düşülməsi, şərh 
və izah olunması əsas məsələdir. Etnik və ya milli fərqlərdə məhz 
bu məsələdə olan fərqlərdən irəli gəlir.
Milli xarakter millətin tarix boyu formalaşan davamlı 
psixoloji xüsusiyyətlərin birliyi olub, insanların tipik həyat və adəti 
davranış tərzini müəyyən edən, eləcə də onların əməyə, başqa 
xalqlara, millətlərə, öz mədəniyyətinə münasibətində ifadə olunan 
psixoloji xüsusiyyətdir. Mili xarakterdə şüur, ideologiya, mənəvi 
mədəniyyət və ictimai psixika birləşir. Ətraf aləmə münasibət 
inlanların milli şüurunun istiqamətini səciyyələndirir. 
Milli xarakter heç də sabit psixoloji xüsusiyyətlərin məcmusu 
deyil. Milli xarakter də həyat şəraitinin, siyasi, iqtisadi və sosial 
vəziyyətdən asılı olaraq, eləcə də ideoloji təsirdən asılı olaraq 
dəyişir. 
Milli xarakter əməyə, başqa xalqlara, özünə və ətraf aləmə 
bəslənən münasibətdə özünü təzahür etdirir. Məsələn, 2013-cü ildə 
Fransada eynicinslilərin nigahı haqqında dövlət qanun qəbul 
edildikdən sonra nigaha girən 18-20 yaşlı iki “oğlanın” 
valideynlərinin bu hadisəni çox böyük sevinclə qarşılaması və öz 
oğlanları ilə fəxr etməsini “Evronyus” kanalı ilə bütün dünyaya 
elan etməsi mədəniyyət və ya milli xarakter məsələsidir.
Xarakter o cümlədən etnik və ya milli xarakter –fərdin və ya 
qrupun sosial və ya təbii mühitə adaptasiya olunmasının ən əlverişli 
üslubudur.