Sosial Psixologiya - Mühazirələr (az) 100521161548 051021211057-1
Dr.Musa’s Library Facebook/Psixologiya Kitabları 25
Onları bir məsələ maraqlandırırdı: görəsən, adamların sosial-iqtisadi statusu ilə
sağlamlığı arasında nə kimi əlaqə var?
Məsələn. Sosial psixoloqlar (Corc Devi Smit və Pol Benneti) məsələnin mahiyyətin
aydınlaşdırmaq üçün Qlazqo şəhərinin qədim qəbiristanlığını öyrənməyə başladılar. Onlar
sağlamlığın ölçü vahidi kimi 842 fərdin ömrünü uzunluğunu göstərən qəbir yazılarını ayırd
etdilər. Statusun göstəricisi kimi isə qəbirdə baş daşlarının hündürlülüyünü fərqləndirdilər.
Alimlər belə hesab edirlər ki, baş daşlarının hündürlüyü onların baha olmasını, deməli həm də
"ölülərin" dövlətli olmasını əks etdirirdi. Müəyyən edildi ki, baş daşları hündür olan kişi və
qadınların da ömrü uzun olmuşdur. Bu tədqiqatlar göstərdi ki, adamların statusu ilə onların
uzun ömürlü olması qarşılıqlı surətdə əlaqədardır.
Korrelyasiya metodunun mahiyyətini: korrelyasiya metodu ilə ancaq və ancaq iki
kəmiyyət arasındakı qarşılıqlı əlaqə ölçülür. Onun səbəbi isə açıqlanmır: bu zaman yalnız A-
nın V ilə əlaqədar olduğu müəyyən olunur. Onların arasındakı səbəb-nəticə münasibətləri isə
aydınlaşdırılmır. Korrelyasiya araşdırmaları eksperimental tədqiqat deyil, lakin ilk baxışda
eksperimentə oxşayır. Korrelyasiya araşdırmaları ilk baxışda eksperimentə oxşayır, bu cəhəti
nəzərə alaraq onu bəzən kvazieksperiment adlandırırlar.
