Şəxsi istehlak xərcləri- Ev təsərrüfatlarının özləri üçün zəruri olan istehlak malları və xidmətlərə çəkdikləri xərclər nəzərdə tutulur.
Şəxsi kapital- Sahibkarın təşkil etdiyi şirkətə qoyduğu özünəməxsus kapitalın həcmi, məbləği.
Şəxsi mülkiyyət– cəmiyyətin ayrı-ayrı üzvləri (fərdləri) tərəfindən onların şəxsi, yaxud ailə tələbatlarının ödənilməsinə yönəldilmiş iqtisadi münasibətlər.
Şəxsi gəlir vergisi- Ayrı-ayrı şəxslərin gəlirlərinə qoyulan vergi.
Şəxsi yardımçı (yaradılmış) təsərrüfat- Xüsusi mülkiyyətin bir növü olub, şəxsi yaxud ailə əməyinə əsaslanan həyətyanı, habelə ayrıca torpaq sahəsində yaradılmış bağ-bostan nəzərdə tutulur.
