Nur təFSİRİ yeddiNCİ Cİld müƏLLİF: MÖHSÜn qəRAƏTİ TƏRCÜMƏ edəN: haci arzu

Bağışlayan və mehriban Allahın adı ilə

● Ayə 1-2:

﴿طه مَا أَنزَلْنَا عَلَيْكَ الْقُرْآنَ لِتَشْقَى﴾

“Ta-Ha; Biz Quranı səni məşəqqətə salmaq üçün nazil etmədik.”

● Ayə 3:

﴿إِلَّا تَذْكِرَةً لِّمَن يَخْشَى﴾

“Yalnız (Allahdan) qorxan kəs üçün xatırlatma olsun deyə (göndərdik).”

● Ayə 4:

﴿تَنزِيلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى﴾

“(Bu ayələr) yer və uca göyləri yaratmış kəs tərəfindən nazil olmuşdur.”

Nöqtələr

“Ta-ha” müqəttəə hərfləri müxtəlif cür mənalandırılmışdır. O cümlədən, bu hərflərin Allahın və ya peyğəmbərin adı olması bildirilir.¹ Bəzən peyğəmbər Əhli-beyti “ali ta-ha” və ya Həzrət Əli (ə) “ta-ha” adlandırılmışdır.² “Nüdbə” duasında imam Mehdi (ə) “yəbnə taha” adı ilə çağırılır. Hər halda bu hərflər artıq və ya mənasız deyil. Quranın nazil olmasından keçən uzun müddət ərzində, eləcə də, dilşünas düşmənlərin çoxluğuna baxmayaraq, indiyədək uyğun mövzuda heç bir irad bildirilməmişdir.³

İslam Peyğəmbəri (s) vəzifəsinin icrasında hədsiz eşq, yanğı və məsuliyyət göstərdiyindən tabdan düşürdü. Belə ki, onu ayaqları ağrıyar, mübarək çöhrəsinin rəngi saralardı.⁴

“Tənzil” dedikdə tədrici nazilolma başa düşülür. Yəni Quran 23 il müddətində müxtəlif hadisələr və münasibətlərlə bağlı nazil olmuşdur. Bu sayaq tədrici nazilolmanın Qədr gecəsində birdəfəyə Peyğəmbərin (s) mübarək qəlbinə nazil olması ilə ziddiyyəti yoxdur.