O. A. Shermatov b. Z. Nosirov d. T. Islamova m. Ya. Qobulova d. B. Axmadaliyeva r. D. Imomov

15.2 Ishlab chiqarishning iqtisodiy samaradorligi ko‘rsatkichlari.
Qishloq xo‘jaligi ishlab chiqarishda iqtisodiy samaradorlikni aniqlashda obe’ktiv iqtisodiy qonunlarni moddiy ishlab chiqarishning shu tarmog‘ida ko‘rinish shakllarini ifodalaydigan ko‘rsatkichlar tizimidan foydalanish tavsiya etiladi. Iqtisodiy samaradorlik ko‘rsatkichlar tizimining amaliy ahamiyati, ishlab chiqarish resurslar samaradorligini umumlashgan holda aks ettirishdan, uning mezonining mutloq va nisbiy ko‘rsatkichlarini hisoblash usullaridan foydalanishni taqozo etadi.
Ishlab chiqarish samaradoriligini baholash uchun foydalaniladigan ko‘rsatkichlar tizimiga asoslash, turli xarakterda iqtisodiy samarani o‘lchash hamda turli xarakterdagi resurslar va xarajatlarni o‘lchash sifatida ham zarurdir. Ular o‘zining iqtisodiy tabiati bilan ham va har doim ham taqqoslab bo‘lmasligi bilan ham farq qiladi. Qishloq xo‘jaligi ishlab chiqarish iqtisodiy samaradorligi ko‘rsatkichlari hususiy va umumlashtiruvchi ko‘rsatkichlarga bo‘linadi. Hususiy ko‘rsatkichlarga, mahsulot hajmi va mahsulot sifati, mehnat unumdorligi, yer qaytimi, fond qaytimi, material qaytimi, mahsulot tannarxi va shularga teskari ko‘rsatkichlar kiradi. Bu ko‘rsatkichlar natija sifatida, sanoatning xom-ashyoga, aholining oziq-ovqatga bo‘lgan ehtiyojini ancha to‘laroq qondirishga yo‘naltirilgan qishloq xo‘jaligi ishlab chiqarishining maqsadini ancha to‘laroq aks ettiradi. Shuni ta’kidlash lozimki, umumiy samara faqat ishlab chiqarilgan mahsulotning miqdori bilan emas, balki qo‘yilgan maqsadga bog‘liq holda, boshqa hajm ko‘rsatkichlarga ham ega. Masalan: yalpi mahsulot ishlab chiqarish samarasini bosh vazifa- iste’mol qiymat yaratish nuqtai nazardan; tovar mahsulot-qishloq xo‘jalik mahsulotlariga ijtimoiy ehtiyojni qondirish nuqtai nazaridan; sof mahsulot(yalpi daromad) - takror ishlab chiqarishning ikki tomoni – iste’mol va jamg‘arish - birligida ishlab chiqarish samaradorligini hisoblash uchun; foyda va sof daromad - ishlab chiqarish samaradorligini ishlab chiqaruvchilarning iste’mol qiymatga bo‘lgan manfaatini qondirish nuqtai nazaridan xarakterlanadi.
Shu bilan birga, kishilarning iste’molini qondirish darajasi ishlab chiqarilgan mahsulotning faqat miqdoriga emas, balki sifatiga ham bog‘liq. Mahsulot sifatini yaxshilash bir tomondan oziq-ovqat mahsulotlari miqdorining ko‘payganligini bildirsa, yengil sanoat uchun qishloq xo‘jalik xom-ashyosining sifatining yaxshilanishi aholining keng iste’mol buyumlariga bo‘lgan talabini to‘laroq qondirishga imkoniyat yaratadi.
Mehnat unumdorligi yoki mehnat qaytimi ma’lum vaqt birligi ichida ishlab chiqarilgan mahsulot miqdoriga sarflangan jami mehnat xarajatlarining samaradoriligini xarakterlaydi. Yer qaytimi qishloq xo‘jaligida bosh ishlab chiqarish vositasi hisoblangan yer resurslaridan foydalanish samaradorligini aks ettiradi. Fond qaytimi qishloq xo‘jaligiga taaluqli asosiy ishlab chiqarish vositalarida mujassamlashgan, buyumlashgan mehnat xarajatlardan qay darajada samarali foydalanayotganligini ko‘rsatadi. Material qaytimi barcha turdagi moddiy resurslaradn, shu jumladan buyumlashgan mehnat xarajatlaridan foydalanish samaradorligini aks ettiradi. Mahsulot birligi tannarxi umumlashgan holatda jami iste’mol qilingan ishlab chiqarish resurslaridan foydalanish samaradorligini xarakterlaydi, qishloq xo‘jaligi mahsuloti qanday darajadagi xarajatlar hisobiga ishlab chiqarilganligini ko‘rsatadi.
Alohida resurslar va xarajatlardan foydalanishni xarakterlaydigan bu ko‘rsatkichlar qishloq xo‘jaligi ishlab chiqarishi absalyut samaradorligining asosiy ko‘rsatkichlari. Masalan: asosiy fond qaytimida, alohida traktor, kombayn, mahsuldor hayvonlar va boshqa; aylanma fond qaytimida, alohida urug‘dan foydalanish, yem-xashak, yoqilg‘i-moylash materiallaridan foydalanish bo‘yicha ham o‘rganiladi. Demak, qishloq xo‘jalik ishlab chiqarish iqtisodiy samaradorlik ko‘rsatkichlari bir tomondan ishlab chiqarish resuslari va samara(natija) o‘rtasidagi nisbatni va boshqa tomondan, joriy ishlab chiqarish xarajatlari bilan samara o‘rtasidagi nisbat ifodalaydi, bu ishlab chiqarish samaradorligining ikkita konsepsiyasini – resurs va xarajat - vujudga keltiradi. Resurs konsepsiyasi - takror ishlab chiqarish jarayonida qo‘llanilgan ishlab chiqarish resurslaridan foydalanish samaradorligini, xarajatlar konsensiyasi - shu resurslarning iste’mol qilingan
qismi samaradorligini baholashga imkon beradi. Maqsadga qarab resurs yoki xarajatlar konsepsiyasi yoki ikkovidan ham bir vaqtda foydalanilinish mumkin.
Qabul qilingan samaradorlikni konsepsiyasilariga mos ravishda ko‘rsatkichlari ham aniqlanadi:
1 ta xodimga, 1 kishi/soatiga, 1 ga qishloq xo‘jalik yaroqli yerga, 100 so‘mlik asosiy vositaga, 100 so‘mlik oborot vositalariga to‘g‘ri kelgan samara qo‘llanilgan resurslardan foydalanishni samaradorligini xarakterlaydi. 100 so‘m ish haqiga, amortizasiya ajratmasiga, moddiy aylanuv vositalariga hamda mahsulot tannarxiga to‘g‘ri kelgan mahsulot tannarxga kiritilgan barcha bevosita va bilvosita xarajatlari samaradorligini ifodalaydi.
Keltirilgan hususiy ko‘rsatkichlar, ma’lumki umumiy samara (natijani)ni alohida ishlab chiqarish resurslari xarajat turi miqdoriga nisbatini aniqlaydi. Lekin ishlab chiqarish jarayonida umumiy samara (natija)ning vujudga kelishida alohida resurs(xarajat)lar qatnashadi. Demak, har bir resurs (xarajat) umumiy samara (natija)ning vujudga kelishida ishtiroq etadi. Bu uslubiy jihatdan ma’lum darajada xato bo‘lsa ham, umumiy samara ana shu ishlab chiqarish resurslarining birgalikdagi faoliyatining natijasidir. Shuning uchun ishlab chiqarish resurslaridan foydalanish samaradoriligini har tomonlama va aniq baholash uchun, alohida usulda hisoblanadigan ko‘rsatkichlarni, har bir ishlab chiqarish resursining umumiy samarani yaratishdagi rolini va ularning ishlab chiqarish pirovard natijasiga ta’sirini hisobga oladigan ko‘rsatkichlar bilan to‘ldirish lozim. Buning uchun elastiklik, detYerminasiya koeffisiyetlaridan, shuningdek, iqtisodiy- matematik modelidan foydalanish kerak bo‘ladi.
Hisoblash har qancha murakkab bo‘lsa ham, bitta umumlashtiruvchi shunday ko‘rsatkich kerakki, u qishloq xo‘jaligi ishlab chiqarishining iqtisodiy samaradorligini miqdoriy jihatdan to‘liq baholaydigan bo‘lishi kerak. Bu vazifani bajarish uchun umumlashtiruvchi ko‘rsatkich ma’lum bir quyidagi talablarga javob berishi kerak:

• 
  U ijtimoiy rivojlanishning iqtisodiy qonunlaridan kelib chiqishi kerak;
  
• 
  U ishlab chiqarishning pirovard natijasini jami resurslar yoki jami xarajatlar bilan taqqoslashni ta’minlaydigan ko‘p faktorli bo‘lishi kerak;
  

Bu ko‘rsatkich samaradorlikni qishloq xo‘jalik ishlab chiqarishning turli darajalarida, ijara kollektivlaridan boshlab bir butun qishloq xo‘jaligi bo‘yicha ochib berishish kerak;
Bu ko‘rsatkich bilan hisoblash metodik nuqtai nazaridan oddiy va qulay bo‘lishi kerak.
Yuqorida bayon qilingan, ishlab chiqarish samara (natija)si va ishlab chiqarish resurs (xarajat)lari to‘g‘risidagi asosiy metodologik sharoitlarga mos, shuningdek qishloq xo‘jalik ishlab chiqarishi iqtisodiy samaradorligining umumlashtiruvchi ko‘rsatkichga bo‘lgan talabni hisobga oladigan ko‘rsatkich resurs qaytimi (resurs sig‘imi) hisoblanadi. U qo‘llanilgan resurslar potesialidan foydalanishning samaradorligini xarakterlaydi. Xarajatlar konsepsiyasining samaradorligining umumlashtiruvchi ko‘rsatkichi – rentabellik hisoblanadi va iste’mol qilingan resurslarning qaytimini ifodalaydi.